കണ്ണൂർ: ക്രിസ്തുമസ്-പുതുവത്സരാഘോഷങ്ങളോടനുബന്ധിച്ചു മദ്യവും ലഹരിമരുന്നുമായി ബന്ധപ്പെട്ട കുറ്റകൃത്യങ്ങൾ തടയാൻ തീവ്രയജ്ഞവുമായി എക്സൈസ് വകുപ്പ്. ജനുവരി മൂന്നുവരെ കർശന പരിശോധന നടത്താനാണ് വകുപ്പിന്റെ തീരുമാനം. കണ്ണൂർ അസിസ്റ്റന്റ് എക്സൈസ് കമ്മിഷണറുടെ മേൽനോട്ടത്തിൽ 24 മണിക്കൂറും പ്രവർത്തിക്കുന്ന ജില്ലാതല കൺട്രോൾ റൂം എക്സൈസ് ഡിവിഷൻ ഓഫിസിൽ പ്രവർത്തനം തുടങ്ങി.

കൺട്രോൾ റൂമിൽ ലഭിക്കുന്ന പരാതികളിൽ എക്സൈസ് പ്രിവന്റീവ് ഓഫിസറുടെ നേതൃത്വത്തിൽ അതതു സമയം തുടർനടപടി സ്വീകരിക്കും.ജില്ലയിലെ താലൂക്ക് പരിധികളിൽ എക്സൈസ് സിഐമാരുടെ മേൽനോട്ടത്തിൽ 24 മണിക്കൂറും പ്രവർത്തിക്കുന്ന സ്ട്രൈക്കിങ് ഫോഴ്സ് യൂണിറ്റുകളും പ്രവർത്തിക്കുന്നുണ്ട്. വ്യാജമദ്യ നിർമാണവും വിതരണവും ശേഖരവും കണ്ടെത്തി നടപടി സ്വീകരിക്കും.

വിവരം നൽകുന്നവർക്ക് ആകർഷകമായ സമ്മാനം

നിയോജക മണ്ഡലം, താലൂക്ക്, പഞ്ചായത്തുതലത്തിൽ ജനകീയ കമ്മിറ്റികൾ വിളിച്ചുചേർത്ത് ജനപ്രതിനിധികൾ, സർക്കാർ ഉദ്യോഗസ്ഥർ, കുടുംബശ്രീ അംഗങ്ങൾ എന്നിവരിൽ നിന്നു വിവരങ്ങൾ ശേഖരിക്കും. അതിർത്തി പ്രദേശങ്ങളിലെ ചെക്ക്‌പോസ്റ്റുകളിൽ പൊലീസ്, റവന്യു, ഫോറസ്റ്റ്, ഭക്ഷ്യസുരക്ഷാ വിഭാഗം, ഡ്രഗ്സ് കൺട്രോൾ, കർണാടക എക്‌സൈസ്/ പൊലീസ് തുടങ്ങിയ വകുപ്പുകളുമായി ചേർന്ന് സംയുക്ത പരിശോധന നടത്തും.

മദ്യവും ലഹരിമരുന്നുകളുമായി ബന്ധപ്പെട്ട പരാതികൾ ഈ നമ്പരുകളിൽ അറിയിക്കാം.വിവരം നൽകുന്നവർക്ക് ആകർഷകമായ സമ്മാനം നൽകും. വിവരങ്ങൾ നൽകുന്നവരുടെ ഫോൺ നമ്പരുകൾ പൂർണമായും രഹസ്യമായി സൂക്ഷിക്കുമെന്നും എക്സൈസ് അറിയിച്ചു.

ഈ നമ്പറുകളിൽ വിളിക്കാം

ഡിവിഷനൽ കൺട്രോൾ റൂം, എക്സൈസ് ഡിവിഷൻ ഓഫിസ്, കണ്ണൂർ 04972 706698. ടോൾ ഫ്രീ നമ്പറുകൾ: 1800 425 6698, 155358. താലൂക്കുതല കൺട്രോൾ റൂം: കണ്ണൂർ 04972 749973, തളിപ്പറമ്പ് 04960 201020, കൂത്തുപറമ്പ് 04902 362103, ഇരിട്ടി 04902 472205. അസിസ്റ്റന്റ് എക്സൈസ് കമ്മിഷണർ, കണ്ണൂർ 9496002873, 04972 749500, എക്സൈസ് സർക്കിൾ ഇൻസ്പെക്ടർ, സ്പെഷൽ സ്ക്വാഡ്, കണ്ണൂർ 9400069698, 04972 749500, എക്സൈസ് സർക്കിൾ ഇൻസ്പെക്ടർമാർ– കണ്ണൂർ 9400069693, 04972 749973, തളിപ്പറമ്പ് 9400069695, 04602 201020, കൂത്തുപറമ്പ് 9400069696, 04902 362103, ഇരിട്ടി 04902 472205.

എക്സൈസ് ഇൻസ്പെക്ടർമാർ കണ്ണൂർ 9400069701, 04972 749971, പാപ്പിനിശ്ശേരി 9400069702, 04972 789650, തളിപ്പറമ്പ് 9400069704, 04602 203960, ആലക്കോട് 9400069705, 04602 256797, ശ്രീകണ്ഠാപുരം 9400069706, 04602 232697, പയ്യന്നൂർ 9400069703, 04985 202340, തലശ്ശേരി 9400069712, 04902 359808, കൂത്തുപറമ്പ് 9400069707, 04902 365260, പിണറായി 9400069711, 04902 383050, ന്യൂമാഹി ചെക്ക്‌പോസ്റ്റ് 9496499819, 04902 335000, മട്ടന്നൂർ 9400069709, 04902 473660, ഇരിട്ടി 9400069710, 04902 494666, പേരാവൂർ 9400069708, 04902 446800, കൂട്ടുപുഴ ചെക്ക്‌പോസ്റ്റ് 9400069713, 04902 421441.