Connect with us

Breaking News

ഇനി ഈ കൈ എത്തില്ല, പന്തെടുക്കാൻ

Published

on

Share our post

തലശേരി: കൊടുംവേദനയിൽ ഉറക്കമില്ലാതെ കടന്നുപോയ രാത്രികൾ ഓർക്കാൻപോലും ചേറ്റംകുന്ന്‌ നാസ ക്വാർട്ടേഴ്‌സിൽ സുൽത്താൻ ബിൻ സിദ്ദീഖ്‌ ഇപ്പോൾ അശക്തനാണ്‌. വേദനയിൽ പിടയുമ്പോൾ കൈയൊന്ന്‌ മുറിച്ചു മാറ്റിത്തരുമോയെന്ന്‌ ചോദിച്ചുപോയിട്ടുണ്ട്‌. ആറുദിവസമായി നല്ല ഉറക്കമുണ്ടെങ്കിലും മൈതാനത്തുനിന്ന്‌ ഫുട്‌ബോൾ വാരിയെടുത്ത്‌ നീട്ടിയടിക്കാൻ ഇടതുകൈ ഇല്ലെന്നത്‌ ഉൾക്കൊള്ളാൻ ഈ പതിനേഴുകാരന്‌ ഇനിയുമായിട്ടില്ല.

ഒക്‌ടോബർ 30ന്‌ വൈകിട്ട്‌ കൂട്ടുകാർക്കൊപ്പം ഫുട്‌ബോൾ കളിക്കുന്നതിനിടെയാണ്‌ സുൽത്താൻ ബിൻ സിദ്ദീഖിന്‌ വീണ്‌ പരിക്കേറ്റത്‌. സിസർ കട്ട്‌ അടിക്കുന്നതിനിടയിലുള്ള വീഴ്‌ച. ഇടതുകൈയിലെ രണ്ട്‌ എല്ല്‌ പൊട്ടി. അന്നുമുതൽ കണ്ണൂർ ചാലയിലെ സ്വകാര്യ ആസ്പത്രിയിൽ മുട്ടിന്‌ താഴെ കൈ മുറിച്ചുമാറ്റുംവരെ ഈ കുട്ടി ഏറെ സഹിച്ചു. പതിനാല്‌ ദിവസം തലശേരി ജനറൽ ആസ്പത്രിയിൽ. പിന്നീട്‌ കോഴിക്കോടും കോയമ്പത്തൂരും കണ്ണൂരുമായി ആസ്പത്രികളിലേക്കുള്ള ഓട്ടവും.

തന്റെ കൈക്ക്‌ എന്തോ സംഭവിച്ചതായി തലശേരിയിൽനിന്നേ സുൽത്താൻ തിരിച്ചറിഞ്ഞിരുന്നു. തൊട്ടാലറിയാത്ത മരവിപ്പായിരുന്നു കൈക്ക്‌. മുറിച്ചുമാറ്റേണ്ടിവരുമെന്ന്‌ സ്വപ്‌നത്തിൽപോലും കരുതിയതല്ല. കൃത്യസമയത്ത്‌ ചികിത്സ കിട്ടാത്തതിനാലാണ്‌ തനിക്ക്‌ ഈ ദുരവസ്ഥയുണ്ടായതെന്ന്‌ സുൽത്താൻ ബിൻ സിദ്ദീഖ്‌ പറഞ്ഞു. വാടക ക്വാർട്ടേഴ്‌സിൽനിന്ന്‌ തൽക്കാലം പിതാവിന്റെ സഹോദരിയുടെ വീട്ടിലേക്ക്‌ മാറിയിട്ടുണ്ടെങ്കിലും തുടർചികിത്സ, വിദ്യാഭ്യാസം, ഭാവി തുടങ്ങി ഒരുപാട്‌ ചോദ്യങ്ങൾ ഈ വിദ്യാർഥിയുടെ മുന്നിലുണ്ട്‌.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!