സ്‌കാനിങിനിടെ നഗ്ന ചിത്രം പകർത്തിയ കേസ്‌; പ്രതി കൂടുതൽ പേരുടെ ദൃശ്യങ്ങൾ പകർത്തി
അടൂർ : പത്തനംതിട്ട അടൂരിൽ യുവതിയുടെ നഗ്ന ചിത്രം പകർത്തിയ കേസിൽ അറസ്റ്റിലായ റേഡിയോഗ്രാഫർ അംജിത്തിനെതിരെ കൂടുതൽ കേസുകൾ. സ്‌കാനിംഗിന് എത്തിയ മറ്റു സ്ത്രീകളുടെയും ദൃശ്യങ്ങൾ ഫോണിൽ പകർത്തിയെന്ന് കണ്ടെത്തിയോടെയാണ് നടപടി. ഇതിന് മുൻപ് ജോലി ചെയ്‌ത സ്ഥലത്തും പ്രതി സമാനമായ കുറ്റകൃത്യം നടത്തിയതായി ചോദ്യം ചെയ്യലിൽ സമ്മതിച്ചു. ഫോൺ ഫോറൻസിക്ക് പരിശോധനയ്ക്ക് അയയ്ക്കും.
