പാപ്പിനിശ്ശേരി -പിലാത്തറ റോഡിൽ ഗതാഗത നിയന്ത്രണം

പഴയങ്ങാടി: പഴയങ്ങാടി പാലത്തിൽ അറ്റകുറ്റപ്പണി നടക്കുന്നതിനാൽ പാപ്പിനിശ്ശേരി -പിലാത്തറ റോഡിലൂടെയുള്ള വാഹന ഗതാഗതത്തിന് 23 മുതൽ ഒരു മാസത്തേക്ക് നിയന്ത്രണം. ജില്ലാ കളക്ടർ എസ് ചന്ദ്രശേഖറിന്റെ അദ്ധ്യക്ഷതയിൽ ചേർന്ന യോഗത്തിലാണ് തീരുമാനം. പ്രവൃത്തി നടക്കുന്ന ഭാഗം പൂർണമായും അടച്ചിടും. പയ്യന്നൂർ ഭാഗത്തേക്കും തിരിച്ചും സഞ്ചരിക്കേണ്ട യാത്രക്കാർ ദേശീയപാതയിലൂടെ പോകണം. ട്രാൻസ്‌പോർട്ട് ബസുകൾക്ക് നിയന്ത്രണം ബാധകമല്ല. ഒരു മാസത്തിനകം പ്രവൃത്തി പൂർത്തിയാക്കണമെന്ന് യോഗം ആവശ്യപ്പെട്ടു. എം. വിജിൻ എം.എൽ.എ, എ.ഡി.എം കെ.കെ ദിവാകരൻ, പി.ഡബ്‌ള്യു.ഡി പാലം വിഭാഗം എക്സിക്യൂട്ടീവ് എൻജിനിയർ കെ.എം ഹരീഷ്, അസിസ്റ്റന്റ് എൻജിനിയർ ജി.എസ് ജ്യോതി എന്നിവർ പങ്കെടുത്തു.