അനധികൃത കള്ള് കടത്ത്‌: ഒരാൾ അറസ്റ്റിൽ
കൂത്തുപറമ്പ് : അനധികൃതമായി ഓട്ടോടാക്സിയിൽ കള്ള് കടത്തിയയാളെ എക്സൈസ് സംഘം പിടികൂടി. മമ്പറം സ്വദേശി കെ.വി.വിജുവിനെയാണ് കൂത്തുപറമ്പ് റെയ്ഞ്ച് എക്സൈസ് സംഘം അറസ്റ്റ് ചെയ്തത്. എക്സൈസ് ഇന്റലിജൻസിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ അസി. എക്സൈസ് ഇൻസ്പെക്ടർ കെ.ജെ.സന്തോഷിന്റെ നേതൃത്വത്തിൽ ചൊവ്വാഴ്ച ഉച്ചയോടെ ചിറ്റാരിപ്പറമ്പ് വട്ടോളിയിൽ നടത്തിയ പരിശോധനയിലാണ് 35 ലിറ്ററിന്റെ മൂന്ന് കന്നാസുകളിലായി ഉണ്ടായിരുന്ന 105 ലിറ്റർ കള്ള് പിടിച്ചത്. ഓട്ടോടാക്സിയും കസ്റ്റഡിയിലെടുത്തു.
