Breaking News
ആസാദി സാറ്റ് ബഹിരാകാശമേറുന്നത് കാണാൻ ഉപഗ്രഹ രൂപകല്പനയിൽ പങ്കാളികളായ കോളയാട്ടെ വിദ്യാർത്ഥിനികളും

കോളയാട് (കണ്ണൂർ): 75-ാം സ്വാതന്ത്ര്യദിനാഘോഷത്തിന്റെ ഭാഗമായി ഭാരതത്തിലെ 75 സ്കൂളുകളിലെ 750 പെൺകുട്ടികൾ നിർമിച്ച ആസാദി സാറ്റലൈറ്റ് ശ്രീഹരിക്കോട്ടയിൽ നിന്ന് ബഹിരാകാശത്തേക്ക് പറന്നുയരുന്നതിന് സാക്ഷികളാവാൻ കോളയാട് സെയ്ന്റ് കൊർണേലിയൂസ് സ്കൂളിലെ വിദ്യാർഥിനികളും. ഉപഗ്രഹ രൂപകല്പനയിൽ അന്തരീക്ഷ താപനിലയും വേഗതയും അളക്കാൻ കഴിയുന്ന രീതിയിൽ ചിപ്പ് പ്രോഗ്രാം ചെയ്യുന്നതിൽ പങ്കാളികളായ പത്ത് വിദ്യാർഥിനികളും അധ്യാപകരുമടങ്ങുന്ന സംഘത്തിന് വെള്ളിയാഴ്ച സ്കൂളിൽ യാത്രയയപ്പ് നല്കി.
പെൺകുട്ടികളിലും സ്ത്രീകളിലും സയൻസ്, ടെക്നോളജി, എഞ്ചിനീയറിംഗ്, ഗണിതം എന്നിവയുടെ പഠനം പ്രോത്സാഹിപ്പിക്കാനായി യുണൈറ്റഡ് നേഷൻസിന്റെ ഈ വർഷത്തെ തീമായ ‘ആൾ വുമൺ ഇൻ സ്പേസ്’ന്റെ ഭാഗമായാണ് ആസാദി സാറ്റ് നിർമാണം. ചെന്നൈ ആസ്ഥാനമായി പ്രവർത്തിക്കുന്ന സ്പേസ് കിഡ്സ് ഇന്ത്യ എന്ന ശാസ്ത്ര സാങ്കേതിക സ്ഥാപനം വികസിപ്പിച്ച ഈ സാറ്റലൈറ്റിന്റെ നിർമാണത്തിലാണ് കേരളത്തിലെ രണ്ട് സ്കൂളുകളിൽ നിന്നായി 20 പെൺകുട്ടികൾ പങ്കാളികളായത്.ഭാരതത്തിലെ ആദ്യ പദ്ധതി കൂടിയാണിത്.
കോളയാട് സെയ്ന്റ് കൊർണേലിയൂസ് ഹയർ സെക്കൻഡറി സ്കൂളിൽ 2022 ജനുവരിയിലാണ് ഉപഗ്രഹ രൂപകല്പനയിൽ പങ്കാളികളാവാനുള്ള സന്ദേശം സ്പേസ് കിഡ്സ് ഇന്ത്യയിൽ നിന്ന് ലഭിക്കുന്നത്. ആസാദി സാറ്റ് കോ-ഓർഡിനേറ്ററായപഴയങ്ങാടി സ്വദേശി ഹരീഷ് കക്കീൽ വഴിയാണ് പദ്ധതി സ്കൂളിലെത്തിയത്. ഹരീഷിന്റെ സുഹൃത്തും സ്കൂളിലെ അധ്യാപകനുമായ പി. ഉണ്ണികൃഷ്ണൻ മുഖേന ലഭിച്ച പദ്ധതി 10 വിദ്യാർഥിനികളടങ്ങുന്ന സംഘത്തെകൊണ്ട് ഒറ്റ ദിവസം കൊണ്ട് പൂർത്തിയാക്കി സ്പേസ് കിഡ്സിനു കൈമാറി.
വി. സ്വാതിക, നിയ.പി.ദിനേശ്, ടി. നിരഞ്ജന, സജ ഫാത്തിമ, ശ്രിയ ശേഖർ, പി. കൃഷ്ണേന്ദു, ശ്രേയ മറിയ സുനിൽ, തീർഥ പ്രശാന്ത്, നിയ.എം.നമ്പ്യാർ, തൃഷ വിനോദ് എന്നീ വിദ്യാർഥിനികളാണ് ഭൗതികശാസ്തം അധ്യാപകൻ പി. മിഥുന്റെ നേതൃത്വത്തിൽ പദ്ധതിയിൽ പങ്കാളികളായത്. അധ്യാപകരായ എം.ജെ. ജോമെറ്റ്, വി.കെ. ജയൻ, വി.ജെ. ടെജി, പ്രഥമധ്യാപകൻ ബിനു ജോർജ് എന്നിവരും സഹകരിച്ചു.
ഞായറാഴ്ച രാവിലെ 9.18ന് ശ്രീഹരിക്കോട്ട സതീഷ് ധവാൻ സ്പേസ് സെന്ററിൽനിന്നും ഐ.എസ്.ആർ.ഒ വികസിപ്പിച്ച എസ്.എസ്.എൽ.വിയിലാണ് (സ്മോൾ സാറ്റലൈറ്റ് ലോഞ്ച് വെഹിക്കിൾ) ആസാദി സാറ്റ് ബഹിരാകാശത്തേക്ക് കുതിക്കുക. ഇതിന് സാക്ഷികളാവാനാണ് പദ്ധതിയിൽ പങ്കാളികളായ കോളയാട് സെയ്ന്റ് കൊർണെലിയൂസ് ഹയർ സെക്കൻഡറി സ്കൂളിലെ 15 അംഗ സംഘം യാത്ര തിരിച്ചത്.
Breaking News
ഗോകുലം ഗോപാലന്റെ സ്ഥാപനത്തിൽ ഇഡി റെയ്ഡ്

ചെന്നൈ: വ്യവസായിയും സിനിമാ നിർമാതാവുമായ ഗോകുലം ഗോപാലന്റെ സ്ഥാപനത്തിൽ എൻഫോഴ്സ്മെന്റ് ഡയറക്ടറേറ്റിന്റെ പരിശോധന. ചെന്നൈ കോടമ്പാക്കത്തുള്ള ഗോകുലം ചിറ്റ്സ് ഫിനാൻസിന്റെ കോർപ്പറേറ്റ് ഓഫീസിലാണ് റെയ്ഡ്. ഇഡി കൊച്ചി യൂണിറ്റിലെ ഉദ്യോഗസ്ഥരും പരിശോധനയിൽ പങ്കെടുക്കുന്നുണ്ട്. രാവിലെ മുതലാണ് പരിശോധന ആരംഭിച്ചത്. 2023 ഏപ്രിലിൽ ഗോകുലം ഗോപാലനെ ഇഡി ചോദ്യംചെയ്തിരുന്നു. കൂടുതൽ വിവരങ്ങൾ ലഭ്യമല്ല.
Breaking News
ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
Breaking News
കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്