ഉളിയിൽ ടൗണിൽ വാഹനാപകടത്തിൽ കാർ യാത്രക്കാരന് പരിക്ക്‌
ഇരിട്ടി : ഉളിയിൽ ടൗണിൽ വീണ്ടും വാഹനാപകടം. മട്ടന്നൂരില്‍ നിന്നും ഇരിട്ടി ഭാഗത്തേക്ക് വരികയായിരുന്ന പാർസൽ കൊണ്ടു പോകുന്ന മിനിലോറിയും മട്ടന്നൂർ ഭാഗത്തേക്ക് പോകുകയായിരുന്ന കാറുമാണ് ഉളിയിൽ ആയുർവേദ ആശുപത്രിക്ക് സമീപത്ത് വെച്ച് കൂട്ടിയിടിച്ചത്. രാവിലെ 7 മണിയോടെയാണ് അപകടം. പരിക്കേറ്റ കാർ യാത്രികനെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
