Breaking News
കളർ ഫുള്ളായി തലശേരി; ചിത്രത്തെരുവിലെ കൗതുകത്തിൽ ലയിച്ച് സഞ്ചാരികൾ

തലശേരി : ഒരുവർഷംമുമ്പ് ഇതായിരുന്നില്ല ഈ തെരുവിന്റെ മുഖം. ഇന്നിപ്പോൾ ചിത്രത്തെരുവിലെ കൗതുകത്തിൽ ലയിച്ചും കടൽക്കാഴ്ചകൾ ആസ്വദിച്ചും സഞ്ചാരികൾ തലശേരിയെ ആഘോഷിക്കുന്നു. സിനിമക്കാരുടെയും വിവാഹ ഔട്ട് ഡോർ ഷൂട്ടുകാരുടെയും ഇഷ്ടലൊക്കേഷനാണിപ്പോൾ ഈ തെരുവും കടലോരവും. മട്ടാഞ്ചേരി ജൂതത്തെരുവുപോലെ കളർഫുള്ളാകുകയാണ് തലശേരിയും.
ചുമർ ചിത്രത്തിന് മുന്നിൽനിന്ന് കുടുംബസമേതം പടമെടുക്കുന്നവർ, മനംനിറക്കുന്ന കടൽക്കാഴ്ചകളിൽ ലയിച്ചുചേരുന്നവർ. ഇതൊക്കെയാണിപ്പോൾ ഈ കടലോരത്തെ സുന്ദര ദൃശ്യങ്ങൾ. നവമാധ്യമങ്ങളിലൂടെയാണ് ഇവിടം യൂട്യൂബർമാരുടെയും യാത്രികരുടെയും കണ്ണിലുടക്കിയത്. തലശേരിയുടെ തനത് രുചി ആസ്വദിക്കാനുള്ള ഫുഡ്സ്ട്രീറ്റ് കൂടിയായി തീരം മാറുകയാണ്. ഒന്നിനുപിറകെ ഒന്നായി ചായപ്പീടികകൾ ഉയരുകയാണ്.
ഒരു കാലത്ത് മലബാറിലെ തിരക്കേറിയ സ്ഥലമായിരുന്നു പാണ്ടികശാലകളും തുറമുഖവുമടങ്ങുന്ന തീരം. കിഴക്കൻമലയോരത്തുനിന്നുള്ള ടെലിച്ചറി പെപ്പറടക്കമുള്ള സുഗന്ധദ്രവ്യങ്ങൾ ഈ തുറമുഖം വഴിയാണ് കടൽ കടന്നത്. ഇറക്കുമതിചെയ്യുന്ന സാമഗ്രികൾ സൂക്ഷിക്കുന്ന ഇടങ്ങളായിരുന്നു പാണ്ടികശാലകൾ. വാണിജ്യപ്രൗഢിയും തുറമുഖത്തിന്റെ പ്രതാപവും അസ്തമിച്ചതോടെ താഴെഅങ്ങാടിയും തീരദേശവും ആളൊഴിഞ്ഞ പൂരപ്പറമ്പ് പോലായി.
ക്രൈസ്റ്റ്, പാട്യംസ് കോളേജുകളും പാഴ്സൽ കമ്പനികളുമാണ് പിന്നീട് പ്രദേശത്തിന് സജീവത നൽകിയത്. ക്രൈസ്റ്റ് കോളേജ് സ്വന്തം കെട്ടിടത്തിലേക്ക് മാറിയതൊടെ മൊത്തവ്യാപാര സ്ഥാപനങ്ങളുടെ ഗോഡൗണായി പാണ്ടികശാലകൾ. ഇവിടെയാണ് തലശേരി പൈതൃക ടൂറിസം പദ്ധതി മാറ്റം കൊണ്ടുവന്നത്. റോഡുകൾ ടാർ ചെയ്തും നടപ്പാതകൾ കല്ലുപാകിയും മനോഹരമാക്കി. വഴിയോരങ്ങളിൽ വിളക്കുകൾ സ്ഥാപിച്ചതോടെ തീരം അണിഞ്ഞൊരുങ്ങി.
ഇരിപ്പിടങ്ങളും വെളിച്ച സംവിധാനവുമുള്ള കടലോരം വേറെ ലെവലാണിപ്പോൾ. ബ്രിട്ടീഷുകാരുടെ പഴയ വാട്ടർടാങ്ക് ഫെർഫോമിങ് സെന്ററാക്കി. തലശേരി ആർട്സ് സൊസൈറ്റിയുടെ ചിത്രശാലയും കാഴ്ചക്ക് നിറം പകരും.
Breaking News
ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു


ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.
Breaking News
കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത


തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
Breaking News
എക്സാലോജിക്കില് വിജിലന്സ് അന്വേഷണമില്ല; ഹര്ജി തള്ളി ഹൈക്കോടതി


കൊച്ചി: എക്സാലോജിക് സി.എം.ആര്.എല് ഇടപാട് കേസില് വിജിലന്സ് അന്വേഷണം വേണമെന്ന ആവശ്യം തള്ളി ഹൈക്കോടതി. മുഖ്യമന്ത്രി പിണറായി വിജയന്റെ മകള് വീണാ വിജയന് സി.എം.ആര്.എല് ഇല്ലാത്ത സേവനത്തിന് പ്രതിഫലം നല്കി എന്നതുമായി ബന്ധപ്പെട്ട പരാതി വിജിലന്സ് കോടതി തള്ളിയതിനെതിരെ മാത്യു കുഴല്നാടന് എം.എല്.എ.യും കളമശ്ശേരി സ്വദേശി പരേതനായ ഗിരീഷ് ബാബുവും ഫയല് ചെയ്ത ഹര്ജിയിലാണ് ഹൈക്കോടതി വിധി പറഞ്ഞത്.പ്രതിഫലം നല്കി എന്ന ആദായനികുതി സെറ്റില്മെന്റ് ബോര്ഡിന്റെ കണ്ടെത്തലില് മുഖ്യമന്ത്രി പിണറായി വിജയന്, വീണാ വിജയന് എന്നിവര്ക്കെതിരെയുള്ള അന്വേഷണം നടത്തണമെന്നായിരുന്നു പരാതിയിലെ ആവശ്യം. അന്വേഷണ ആവശ്യം തള്ളിയ വിജിലന്സ് കോടതി ഉത്തരവ് റദ്ദാക്കി വീണ്ടും തീരുമാനമെടുക്കാനായി വിജിലന്സ് കോടതിയോട് നിര്ദേശിക്കണം എന്നായിരുന്നു രണ്ടു ഹര്ജികളിലെയും ആവശ്യം.വീണയ്ക്കും ഇവരുടെ ഉടമസ്ഥതയിലുള്ള എക്സാലോജിക് കമ്പനിക്കും ഇല്ലാത്ത സോഫ്ട്വെയര് സേവനത്തിന്റെ പേരില് ഒരുകോടി 72 ലക്ഷം രൂപ നല്കി എന്നായിരുന്നു ആദായനികുതി സെറ്റില്മെന്റ് ബോര്ഡിന്റെ കണ്ടെത്തല്. മുഖ്യമന്ത്രിയുടെ മകള് എന്ന സ്ഥാനം ഉപയോഗിച്ചാണ് എക്സാലോജിക് കമ്പനി സിഎംആര്എല്ലില് നിന്ന് മാസപ്പടി വാങ്ങിയത് എന്നതായിരുന്നു പ്രധാന ആരോപണം.
-
Local News2 years ago
പേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്