ഒ.എൻ.ജി.സി ഹെലികോപ്റ്റർ അപകടം; മരിച്ചവരിൽ കണ്ണൂർ സ്വദേശിയും
കണ്ണൂർ : മുംബൈയിൽ ഒ.എൻ.ജി.സി ഹെലികോപ്റ്റർ കടലിൽ വീണ്‌ മരിച്ചവരിൽ കണ്ണൂർ സ്വദേശിയും. ചാലാട് പടന്നപ്പാലത്തെ ‘കൃപ’യിൽ കെ.സഞ്ജു ഫ്രാൻസിസ് (38) ആണ് ബുധനാഴ്ചയുണ്ടായ അപകടത്തിൽ മരിച്ചത്. സർഫ് കോർപ്പറേഷൻ ഇന്ത്യ ലിമിറ്റഡ് എന്ന കാറ്ററിങ് കമ്പനിയിലെ ജീവനക്കരനാണ്‌.
ഒ.എൻ.ജി.സി.യുടെ സാഗർ കിരൺ എന്ന റിഗ്ഗിലേക്ക് ഭക്ഷണമെത്തിക്കാൻ പോകുന്നതിനിടെയാണ് ഇവർ സഞ്ചരിച്ച ഹെലികോപ്റ്റർ കടലിൽ വീണത്. ഒ.എൻ.ജി.സി.യുടെ ആറ് ജീവനക്കാരും പൈലറ്റുമാരുൾപ്പടെ ഒമ്പതുപേരാണ് ഹെലികോപ്റ്ററിലുണ്ടായിരുന്നത്. നാലുപേർ മരിച്ചു. അഞ്ചുപേരെ രക്ഷപ്പെടുത്തി.
പരേതനായ കെ സണ്ണി ഫ്രാൻസിസിന്റെയും മേരി അംബികയുടെയും മകനാണ് സഞ്ജു. സഹോദരൻ: ഡിക്സൺ ഫ്രാൻസിസ്.
