ചോരക്കുഞ്ഞിനെ ഉപേക്ഷിച്ച നിലയിൽ
കരുനാഗപ്പള്ളി : ചോരക്കുഞ്ഞിനെ ഉപേക്ഷിച്ച നിലയിൽ കണ്ടെത്തി. കരുനാഗപ്പള്ളി തറയിൽ മുക്കിനുസമീപം വീടിന് സമീപത്തായാണ് വെള്ളിയാഴ്ച വെളുപ്പിന് കുഞ്ഞിനെ സമീപ വാസികൾ കണ്ടെത്തിയത്. ഉടൻ തന്നെ കരുനാഗപ്പള്ളി താലൂക്കാശുപത്രിയിലേക്ക് മാറ്റിയ കുഞ്ഞ് കുട്ടികളുടെ വാർഡിൽ ചികിത്സയിലാണ്. ഒരു ദിവസം പ്രായമുള്ള കുഞ്ഞിനെയാണ് കണ്ടെത്തിയത്. കരുനാഗപ്പള്ളി പോലീസ് അന്വേഷണം തുടങ്ങി.
