തിരുവനന്തപുരം: എൻജിനിയറിംഗ്, മെഡിക്കൽ പ്രവേശനത്തിന് അപേക്ഷിക്കുമ്പോൾ ന്യൂനപക്ഷ വിഭാഗമാണെന്ന് തെളിയിക്കാൻ എസ്.എസ്.എൽ.സി സർട്ടിഫിക്ക​റ്റും രേഖയായി പരിഗണിക്കും. ഇതിൽ മതം രേഖപ്പെടുത്തിയിട്ടുണ്ടെങ്കിൽ വില്ലേജ് ഓഫീസറുടെയോ തഹസിൽദാരുടെയോ സർട്ടിഫിക്ക​റ്റ് ഹാജരാക്കേണ്ടതില്ല. മതം രേഖപ്പെടുത്തിയിട്ടില്ലെങ്കിൽ വില്ലേജ് ഓഫീസർ നൽകുന്ന കമ്യൂണി​റ്റി/ നോൺ ക്രിമിലെയർ/ മൈനോറി​റ്റി സർട്ടിഫിക്ക​റ്റുകൾ ഹാജരാക്കണം. വില്ലേജ് ഓഫീസർ നൽകുന്ന സർട്ടിഫിക്ക​റ്റ് കൂടാതെ റേഷൻ കാർഡ്, സ്‌കൂൾ സർട്ടിഫിക്ക​റ്റ്, പാസ്‌പോർട്ട്, ആധാർ, ജനന സർട്ടിഫിക്ക​റ്റ് എന്നീ രേഖകളും ബന്ധുത്വം കൃത്യമായി രേഖപ്പെടുത്തിയിട്ടുണ്ടെങ്കിൽ പരിഗണിക്കും.

‘വൺ ആൻഡ് ദ സെയിം’ സർട്ടിഫിക്ക​റ്റിനു പകരം അപേക്ഷകൻ ഹാജരാക്കുന്ന സർട്ടിഫിക്ക​റ്റിൽ അപേക്ഷകന്റെയോ മാതാപിതാക്കളുടെയോ പേരുകളിൽ വ്യത്യാസമുണ്ടെങ്കിൽ ഗസ​റ്റഡ് പദവിയിലുള്ള ഉദ്യോഗസ്ഥൻ സാക്ഷ്യപ്പെടുത്തിയ അപേക്ഷകന്റെ സത്യപ്രസ്താവന ഹാജരാക്കണം. ഭാര്യയുടെയും ഭർത്താവിന്റെയും എസ്.എസ്.എൽ.സി സർട്ടിഫിക്ക​റ്റിൽ ജാതി രേഖപ്പെടുത്തിയിരിക്കുകയും സബ് രജിസ്ട്രാറോ തദ്ദേശ സ്ഥാപനമോ നൽകിയിട്ടുള്ള വിവാഹ സർട്ടിഫിക്ക​റ്റ് ഉണ്ടായിരിക്കുകയും ചെയ്താൽ , അത് മിശ്രവിവാഹ സർട്ടിഫിക്ക​റ്റിന് പകരമുള്ള രേഖയായി കണക്കാക്കും.