Connect with us

Breaking News

ഗ്രോബാഗ്‌ വിട്ട്‌ തക്കാളി പാടങ്ങളിലേക്ക്‌

Published

on

Share our post

കണ്ണൂർ : ഗ്രോബാഗുകളിൽനിന്ന്‌ തക്കാളികൃഷി പറമ്പുകളിലേക്കും പാടങ്ങളിലും വ്യാപിക്കുകയാണ്‌. കണ്ണൂർ കൃഷി വിജ്ഞാന കേന്ദ്രമാണ്‌ തക്കാളി കൃഷി വ്യാപനത്തിന്‌ നേതൃത്വം നൽകുന്നത്‌. കാർഷിക സർവകലാശാല വികസിപ്പിച്ചെടുത്ത ബാക്ടീരിയ വാട്ടം പ്രതിരോധിക്കുന്ന ഇനങ്ങൾ മയ്യിൽ പഞ്ചായത്തിന്റെ വിവിധ പ്രദേശങ്ങളിൽ പരീക്ഷണാടിസ്ഥാനത്തിൽ കൃഷി ചെയ്‌തു. പിണറായി, ചെമ്പേരി, എടക്കാട്, കൂത്തു പറമ്പ് എന്നിവിടങ്ങളിലും പരീക്ഷണകൃഷിയുണ്ട്‌. മനുപ്രഭ, മനുലക്ഷ്‌മി, അനഘ എന്നീ ഇനങ്ങളാണ്‌ പാടങ്ങളിൽ നിറയുന്നത്‌. മനുപ്രഭ മികച്ച വിളവ് നൽകി. ഏക്കറിൽ 17 ടണ്ണാണ്‌ ഉൽപ്പാദനം. ഒരു തക്കാളി ശരാശരി 57 ഗ്രാമുണ്ടാകും. മനുലക്ഷ്‌മിയുടെ ഉൽപാദനം ഏക്കറിൽ 15 ടണ്ണാണ്‌. ശരാശരി ഭാരം 53 ഗ്രാം. 12 ടണ്ണാണ്‌ അനഘയുടെ ഉൽപ്പാദനക്ഷമത. 45 ഗ്രാമാണ്‌ ശരാശരി തൂക്കം.

മയ്യിൽ ഇരുവാപ്പുഴനമ്പ്രത്തെ പുതിയപുരയിൽ ശ്രീധരൻ 20 സെന്റിലാണ്‌ തക്കാളി കൃഷി ചെയ്‌തത്‌. കെവികെയിൽനിന്ന്‌ ലഭിച്ച 250 തൈകളാണ്‌ നട്ടത്‌. കന്നി വിളവെടുപ്പിൽ 15 കിലോ തക്കാളി ലഭിച്ചു. കിലോയ്‌ക്ക്‌ 35 രൂപയ്‌ക്കാണ്‌ വിൽപന. ഇരുവാപ്പുഴനമ്പ്രത്തെ പാട്ടഭൂമിയിലാണ്‌ കൃഷി. വയലിലും തക്കാളി കൃഷിയിറക്കി ഉൽപ്പാദനം കൂട്ടാനുള്ള ശ്രമത്തിലാണ്‌ ഈ കർഷകൻ.

ശ്രീധരന്റെ ഒരേക്കർ കൃഷിയിടത്തിൽ എള്ളുകൃഷി പൂവിട്ട്‌ തുടങ്ങി. രണ്ട്‌ ഏക്കറിൽ പച്ചക്കറി കൃഷിയുണ്ട്‌. പയർ, വെള്ളരി, കക്കിരി, വെണ്ട, കാബേജ്‌, കോളി ഫ്ലവർ എന്നിവയാണ്‌ ഇനങ്ങൾ. ചെറുപയർ, വൻപയർ, ഉഴുന്ന്‌, മുതിര എന്നിവയും കൃഷി ചെയ്യുന്നുണ്ട്‌. ഉള്ളി കൃഷിയും പരീക്ഷണാടിസ്ഥാനത്തിൽ തുടങ്ങിയിട്ടുണ്ട്‌. ഭാര്യ എം നളിനിയാണ്‌ കൃഷിയിടത്തിൽ ശ്രീധരന്റെ സഹായി.


Share our post
Click to comment

You must be logged in to post a comment Login

Leave a Reply

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!