എസ്.പി.ജി ഡയറക്ടര്‍ അരുണ്‍ കുമാര്‍ സിന്‍ഹ അന്തരിച്ചു
ന്യുഡല്‍ഹി: സ്‌പെഷല്‍ പ്രൊട്ടക്ഷന് ഗ്രൂപ്പ് ഡയറക്ടര്‍ അരുണ്‍ കുമാര്‍ സിന്‍ഹ(61) അന്തരിച്ചു. പുലര്‍ച്ചെ ഡല്‍ഹിയിലായിരുന്നു അന്ത്യം. 2016 മുതല്‍ അദ്ദേഹം എസ്.പി.ജി തലവനായി പ്രവര്‍ത്തിക്കുകയായിരുന്നു.
പ്രധാനമന്ത്രിയുടെ സുരക്ഷാ വിഭാഗത്തിന്‍റെ ചുമതല വഹിച്ചിരുന്ന കേരള കേഡര്‍ ഐപിഎസ് ഉദ്യോഗസ്ഥനാണ് അദ്ദേഹം. കേരളാ കേഡറില്‍ 1987 ബാച്ചിലെ ഐ.പി.എസ് ഉദ്യോഗസ്ഥനാണ്.
തിരുവനന്തപുരം ഡി.സി.പി കമ്മീഷണർ, റേഞ്ച് ഐ.ജി, ഇന്‍റലിജൻസ് ഐ.ജി, അഡ്മിനിസ്ട്രേഷൻ ഐ.ജി എന്നിങ്ങനെ കേരള പൊലീസിൽ നിർണായക സ്ഥാനങ്ങൾ അദ്ദേഹം വഹിച്ചിട്ടുണ്ട്. മേയ് 31ന് എസ്.പി.ജി മേധാവിയായി അദ്ദേഹത്തിന്‍റെ കാലവധി ഒരുവര്‍ഷം കൂടി നീട്ടിയിരുന്നു.
