പിണറായിയിൽ സ്പെഷ്യാലിറ്റി ആസ്പത്രി ഉയരുന്നു

പിണറായി : സർക്കാർ ആതുരാലയങ്ങൾ കരുതലിന്റെ  കേന്ദ്രങ്ങളാക്കി മാറ്റുന്നതിന്റെ ഭാഗമായി സ്പെഷ്യാലിറ്റി ആസ്പത്രിയായി ഉയർത്തിയ പിണറായി സാമൂഹ്യ ആരോഗ്യ കേന്ദ്രത്തിൽ പുതിയ സ്പെഷ്യാലിറ്റി ബ്ലോക്ക് നിർമാണം പുരോഗമിക്കുന്നു. നബാർഡ് അനുവദിച്ച 19.75 കോടി രൂപയുടെ നിർമാണ പ്രവൃത്തിയാണ് ആദ്യഘട്ടത്തിൽ നടക്കുന്നത്.   രണ്ട് ബേസ്‌മെന്റ് നിലകൾ ഉൾപ്പെടെ ആറു നിലയുള്ള കെട്ടിടമാണ് വിഭാവനം ചെയ്തിട്ടുള്ളത്.  ഒന്നാം ഘട്ടത്തിൽ രണ്ട്‌ ബേസ്മെന്റ്, ഗ്രൗണ്ട് ഫ്ളോർ, ഒന്നാം നില എന്നിവയാണ് നിർമ്മിക്കുന്നത്.  ഇതിൽ ബേസ്‌മെന്റ്,  ഗ്രൗണ്ട് ഫ്ലോർ എന്നിവയുടെ കോൺക്രീറ്റ് പൂർത്തിയായി. ഒന്നാം നില കോൺക്രീറ്റിനുള്ള പ്രവർത്തനം  നടന്നു വരികയാണ്.  തറയുടെ നിർമാണം ആരംഭിച്ചു.