ഇസ്തിരി പെട്ടിയിൽ നിന്ന് ഷോക്കേറ്റ് യുവാവ് മരിച്ചു
പട്ടാമ്പി : ഇസ്തിരി പെട്ടിയിൽനിന്ന് ഷോക്കേറ്റ് യുവാവ് മരിച്ചു. തിരുവേഗപ്പുറ കൈപ്പുറം ലക്ഷംവീട് ഫറൂഖ്നഗറിൽ താമസിക്കുന്ന കാവിതിയാട്ടിൽ മുഹമ്മദ് നിസാർ (34)ആണ് മരിച്ചത്. വ്യാഴാഴ്ച രാവിലെ 7.30തോടെയാണ് സംഭവം. പെരുനാൾ നമസ്കാരത്തിനായി പള്ളിയിലേക്ക് പോകാൻ വസ്ത്രം ഇസ്തിരി ചെയ്യുന്നതിനിടെ ഷോക്കേൽക്കുകയായിരുന്നു.
നിസാറിനെ വളാഞ്ചേരിയിലെ സ്വാകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കൈപ്പുറത്ത് ഓട്ടോറിക്ഷാ തൊഴിലാളിയാണ്. പരേതരായ മുഹമ്മദലി, സുബൈദ ദമ്പതികളുടെ മകനാണ്. ഭാര്യ സലീന. ആറുമാസം പ്രായമുള്ള കുഞ്ഞുണ്ട്
