മാ​വേ​ലി​ക്ക​ര: കൊ​ല​പാ​ത​ക​ക്കേ​സി​ൽ ജീ​വ​പ​ര്യ​ന്തം ശി​ക്ഷി​ക്കപ്പെട്ട ശേ​ഷം ഒ​ളി​വി​ൽ പോ​യി 27 വ​ർ​ഷ​ത്തി​നു​ശേ​ഷം പി​ടി​യി​ലാ​യ ത​ഴ​ക്ക​ര അ​റു​ന്നൂ​റ്റി​മം​ഗ​ലം പു​ത്ത​ൻ​വേ​ലി​ൽ ബി​ജു ഭ​വ​ന​ത്തി​ൽ അ​ച്ചാ​മ്മ (റെ​ജി -51) ഇ​നി അ​ട്ട​ക്കു​ള​ങ്ങ​ര വ​നി​ത ജ​യി​ലി​ൽ.

മാ​വേ​ലി​ക്ക​ര അ​ഡീ​ഷ​ന​ൽ ഡി​സ്ട്രി​ക്​​റ്റ്​ ആ​ൻ​ഡ്​ സെ​ഷ​ൻ​സ് കോ​ട​തി ര​ണ്ടാ​ണ്​ അ​ട്ട​ക്കു​ള​ങ്ങ​ര വ​നി​ത ജ​യി​ലി​ലേ​ക്ക് അ​യ​ച്ച​ത്.തി​ങ്ക​ളാ​ഴ്ച രാ​വി​ലെ ചെ​ങ്ങ​ന്നൂ​ർ ഡി​.വൈ.​എ​സ്.​പി എം.​കെ. ബി​നു​കു​മാ​റി​ന്റെ നേ​തൃ​ത്വ​ത്തി​ൽ സെ​ഷ​ൻ​സ് കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ ഹൈ​കോ​ട​തി വി​ധി ന​ട​പ്പാ​ക്കാ​ൻ ജ​യി​ലി​ലേ​ക്ക് മാ​റ്റാ​ൻ ഉ​ത്ത​ര​വി​ടു​ക​യാ​യി​രു​ന്നു.

തു​ട​ർ​ന്ന് കോ​ട​തി ന​ട​പ​ടി​ക​ൾ പൂ​ർ​ത്തി​യാ​ക്കി​യ ശേ​ഷം അ​ട്ട​ക്കു​ള​ങ്ങ​ര ജ​യി​ലി​ലേ​ക്ക് കൊ​ണ്ടു​പോ​യി. റെ​ജി​യെ കോ​ട​തി​യി​ൽ കൊ​ണ്ടു​വ​ന്ന​ത് കാ​ണാ​ൻ മ​റി​യാ​മ്മ​യു​ടെ മ​ക​ൾ സൂ​സ​മ്മ കോ​ട​തി​യി​ൽ എ​ത്തി​യി​രു​ന്നു. എ​റ​ണാ​കു​ളം പ​ല്ലാ​രി​മം​ഗ​ലം പ​ഞ്ചാ​യ​ത്തി​ൽ അ​ടി​വാ​ട് എ​ന്ന സ്ഥ​ല​ത്ത് കാ​ടു​വെ​ട്ടി​വി​ള വീ​ട്ടി​ൽ മി​നി രാ​ജു എ​ന്ന വ്യാ​ജ​പേ​രി​ൽ താ​മ​സി​ച്ചു​വ​ര​വെ​യാ​ണ് ക​ഴി​ഞ്ഞ ദി​വ​സം പൊ​ലീ​സ് പി​ടി​യി​ലാ​യ​ത്.

1990 ഫെ​ബ്രു​വ​രി 21ന് ​ആ​യി​രു​ന്നു മാ​ങ്കാം​കു​ഴി കു​ഴി​പ്പ​റ​മ്പി​ൽ തെ​ക്ക​തി​ൽ മ​റി​യാ​മ്മ​യെ (61) വീ​ട്ടി​ൽ കൊ​ല്ല​പ്പെ​ട്ട നി​ല​യി​ൽ ക​ണ്ടെ​ത്തി​യ​ത്. 1993ൽ ​സം​ശ​യ​ത്തി​ന്റെ ആ​നു​കൂ​ല്യം ന​ൽ​കി മാ​വേ​ലി​ക്ക​ര അ​ഡീ​ഷ​ന​ൽ ജി​ല്ല സെ​ഷ​ൻ​സ് കോ​ട​തി റെ​ജി​യെ കേ​സി​ൽ വെ​റു​തെ വി​ട്ടു. ഇ​തി​ൻ​മേ​ൽ പ്രോ​സി​ക്യൂ​ഷ​ൻ ന​ൽ​കി​യ അ​പ്പീ​ലി​ൽ 1996 സെ​പ്റ്റം​ബ​ർ 11ന് ​ഹൈ​കോ​ട​തി ജീ​വ​പ​ര്യ​ന്തം ശി​ക്ഷി​ച്ചു. എ​ന്നാ​ൽ, വി​ധി വ​ന്നു മ​ണി​ക്കൂ​റു​ക​ൾ​ക്കു​ള്ളി​ൽ റെ​ജി ഒ​ളി​വി​ൽ പോ​കു​ക​യാ​യി​രു​ന്നു.

18ാം വ​യ​സ്സി​ൽ ചെ​യ്ത അ​റു​കൊ​ല; അ​ജ്ഞാ​ത ക​ത്തും കാ​ര​ണ​മാ​യി

മാ​വേ​ലി​ക്ക​ര: 1990 ഫെ​ബ്രു​വ​രി 21ന്​ ​മ​റി​യാ​മ്മ​യെ കൊ​ല​പ്പെ​ടു​ത്തു​മ്പോ​ൾ റെ​ജി എ​ന്ന അ​ച്ചാ​മ്മ​ക്ക്​ 18 വ​യ​സ്സ്​ മാ​ത്ര​മാ​യി​രു​ന്നു ​പ്രാ​യം. സ്വ​ർ​ണാ​പ​ഹ​ര​ണ​ത്തി​നൊ​പ്പം റെ​ജി​യെ​ക്കു​റി​ച്ച വി​വ​ര​ങ്ങ​ൾ ഉ​ൾ​ക്കൊ​ള്ളു​ന്ന അ​ജ്ഞാ​ത ക​ത്തും കൊ​ല​ക്ക്​ കാ​ര​ണ​മാ​യ​താ​യാ​ണ്​ പ​റ​യു​ന്ന​ത്. മ​റി​യാ​മ്മ​യെ ക​റി​ക്ക​ത്തി​കൊ​ണ്ട്​ ഒ​മ്പ​ത്​ ​പ്രാ​വ​ശ്യ​മാ​ണ്​ കു​ത്തി​യ​ത്. മൂ​ന്ന​ര പ​വ​ന്റെ താ​ലി​മാ​ല അ​പ​ഹ​രി​ച്ച പ്ര​തി ചെ​വി അ​റു​ത്തു​മാ​റ്റി​യാ​ണ് ക​മ്മ​ൽ ഊ​രി​യെ​ടു​ത്ത​ത്. ക​ഴു​ത്തി​ലേ​റ്റ മാ​ര​ക മു​റി​വാ​ണ്​ മ​ര​ണ​ത്തി​ന്​ കാ​ര​ണ​മാ​യ​ത്.

സം​ഭ​വം ന​ട​ക്കു​ന്ന​തി​ന്​ കു​റ​ച്ച്​ ദി​വ​സം മു​മ്പ്​ മ​റി​യാ​മ്മ​ക്ക്​ ഊ​മ​ക്ക​ത്ത്​ ല​ഭി​ച്ചി​രു​ന്നു. റെ​ജി​യെ കു​റി​ച്ചു​ള്ള പ​രാ​മ​ർ​ശ​ങ്ങ​ളാ​യി​രു​ന്നു ക​ത്തി​ലു​ണ്ടാ​യി​രു​ന്ന​ത്. ക​ത്തി​ലെ കാ​ര്യ​ങ്ങ​ൾ വെ​ച്ചു​കൊ​ണ്ട്​​ മ​റി​യാ​മ്മ റെ​ജി​യെ​ ചോ​ദ്യം ചെ​യ്തി​രു​ന്നു. ക​ത്തി​ലെ ഉ​ള്ള​ട​ക്കം എ​ന്താ​യി​രു​ന്നു​വെ​ന്ന്​ മ​ക്ക​ളോ​ട്​ പോ​ലും മ​റി​യാ​മ്മ പ​റ​ഞ്ഞി​രു​ന്നി​ല്ല. അ​ക്കാ​ര്യം ഇ​പ്പോ​ഴും അ​ജ്ഞാ​ത​മാ​ണെ​ന്ന്​ മ​റി​യാ​മ്മ​യു​ടെ മ​ക്ക​ൾ പ​റ​യു​ന്നു. റെ​ജി മ​റി​യാ​മ്മ​യു​ടെ അ​ക​ന്ന ബ​ന്ധു​വാ​യി​രു​ന്നു.

റെ​ജി​യെ പി​ടി​കൂ​ടി​യ പ്ര​ത്യേ​ക അ​ന്വേ​ഷ​ണ​സം​ഘം ചെ​ങ്ങ​ന്നൂ​ർ ഡി​വൈ.​എ​സ്.​പി​ക്കൊ​പ്പം പ​ച്ച​ക്ക​റി ക​ച്ച​വ​ട​മാ​യി​രു​ന്നു മ​റി​യാ​മ്മ​ക്കും ഭ​ർ​ത്താ​വ്​ പാ​പ്പ​ച്ച​നും. മ​ക്ക​ളെ​യെ​ല്ലാം പ​ഠി​പ്പി​ച്ച​ത്​ ക​ച്ച​വ​ട​ത്തി​ൽ​നി​ന്നു​ള്ള വ​രു​മാ​നം കൊ​ണ്ടാ​യി​രു​ന്നു.

മ​ക്ക​ൾ വ​ള​ർ​ന്ന്​ വ​ലി​യ നി​ല​യിലാ​യെ​ങ്കി​ലും പാ​പ്പ​ച്ച​ൻ ക​ച്ച​വ​ടം നി​ർ​ത്തി​യി​രു​ന്നി​ല്ല. വീ​ട്ടു​കാ​ര്യ​ങ്ങ​ളി​ൽ മ​റി​യാ​മ്മ​ക്ക്​ സ​ഹാ​യി​യാ​യി ആ​ദ്യം ഉ​ണ്ടാ​യി​രു​ന്ന​ത്​ റെ​ജി​യു​ടെ ചേച്ചിയാ​യി​രു​ന്നു. അ​വ​രു​ടെ വി​വാ​ഹം ക​ഴി​ഞ്ഞ​തോ​ടെ​യാ​ണ്​ റെ​ജി സ​ഹാ​യ​ത്തി​നാ​യി എ​ത്തി​യ​ത്. ചേച്ചിയു​ടെ വി​വാ​ഹ​ത്തി​ന്​ വ​ലി​യ സ​ഹാ​യം പാ​പ്പ​ച്ച​ൻ ചെ​യ്തി​രു​ന്നു.

റെ​ജി​യെ വീ​ട്ടി​ൽ നി​ർ​ത്തി​യെ​ങ്കി​ലും മ​ക്ക​ളു​ടെ നി​ർ​ബ​ന്ധ​പ്ര​കാ​രം പി​ന്നീ​ട്​ ഒ​ഴി​വാ​ക്കി. എ​ന്നാ​ലും മി​ക്ക​പ്പോ​ഴും വീ​ട്ടി​ൽ എ​ത്തി​യി​രു​ന്നു. അ​പ്പോ​ഴാ​ണ്​ ക​ത്തി‍െൻറ വ​ര​വും ചോ​ദ്യം ചെ​യ്യ​ലും ന​ട​ന്ന​ത്.

ചെ​ങ്ങ​ന്നൂ​ർ ഡി​വൈ.​എ​സ്.​പി എം.​കെ. ബി​നു​കു​മാ​റി‍െൻറ നേ​തൃ​ത്വ​ത്തി​ൽ മാ​വേ​ലി​ക്ക​ര ഇ​ൻ​സ്പെ​ക്ട​ർ സി. ​ശ്രീ​ജി​ത്, സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ ഉ​ണ്ണി​കൃ​ഷ്ണ​പി​ള്ള, മു​ഹ​മ്മ​ദ് ഷെ​ഫീ​ഖ്, അ​രു​ൺ ഭാ​സ്ക​ർ, ബി​ജു മു​ഹ​മ്മ​ദ് എ​ന്നി​വ​ർ ഉ​ൾ​പ്പെ​ട്ട പ്ര​ത്യേ​ക സം​ഘ​മാ​ണ് അ​ന്വേ​ഷ​ണ​ത്തി​ൽ ഉ​ണ്ടാ​യി​രു​ന്ന​ത്.