കെ.എസ്‌.ആർ.ടി.സി ബസും മിനി കണ്ടെയ്നറും കൂട്ടിയിടിച്ച് 20പേർക്ക് പരിക്ക്; രണ്ടുപേരുടെ നില അതീവ ഗുരുതരം
കൊല്ലം: കൊട്ടാരക്കര കുളക്കടയിൽ കെ.എസ്‌.ആർ.ടി.സി ബസും മിനി കണ്ടെയ്നറും കൂടിയിടിച്ചുണ്ടായ അപകടത്തിൽ 20ഓളം പേർക്ക് പരിക്ക്. പിക്കപ്പ് വാനിന്റെ ഡ്രൈവറുടെയും കെ.എസ്‌.ആർ.ടി.സിയിലെ ഒരു യാത്രക്കാരന്റെയും ആരോഗ്യ നില ഗുരുതരമാണെന്നാണ് ലഭ്യമായ വിവരം.
പരിക്കേറ്റവരെ കൊട്ടാരക്കര താലൂക്ക് ആസ്പത്രിയിൽ പ്രവേശിപ്പിച്ചിരിക്കുകയാണ്.പിക്കപ്പ് ഡ്രൈവറായ തൃശൂർ സ്വദേശി ശരൺ (30), കെ.എസ്‌.ആർ.ടി.സിയിലെ യാത്രക്കാരനായ കിളിമാനൂർ സ്വദേശി ബാലൻ പിള്ള (52) എന്നിവർക്കാണ് ഗുരുതര പരിക്കേറ്റത്. ഓയിലുമായി വന്ന കണ്ടെയ്നറുമായാണ് കെ.എസ്‌.ആർ.ടി.സി ബസ് കൂട്ടിയിടിച്ചത്.
