Kannur
ലോകത്തെ ഏറ്റവും കാഠിന്യമേറിയ മത്സരത്തിലൊന്ന്; സര്‍വം സാഹസം ‘മങ്കി അഡ്വഞ്ചേഴ്‌സ്’
കണ്ണൂര്‍: അധികമാര്‍ക്കും പരിചയമില്ലാത്ത, ലോകത്തെ ഏറ്റവും കാഠിന്യമേറിയ കായിക മത്സരയിനമായ സാഹസിക റേസിങ്ങില്‍ ചരിത്രമെഴുതുകയാണ് കണ്ണൂരില്‍നിന്നുള്ള ‘മങ്കി അഡ്വഞ്ചേഴ്‌സ്’. സാഹസിക റേസ് ലോക സീരിസ് ഏഷ്യാ റീജ്യന്റെ ഭാഗമായി നടന്ന ഒഡീസി സാഹസിക റേസില്‍ പങ്കെടുക്കുകയും പൂര്‍ത്തിയാക്കുകയും ചെയ്താണ് ‘മങ്കി അഡ്വഞ്ചേഴ്‌സ്’ എന്ന ഒരുകൂട്ടം ചെറുപ്പക്കാര്‍ നാട്ടില്‍ താരങ്ങളാകുന്നത്.
കേരളത്തില്‍നിന്ന് സാഹസിക റേസിങ്ങില്‍ മാറ്റുരക്കുന്ന ആദ്യസംഘമാണ് മങ്കി അഡ്വഞ്ചേഴ്‌സ്. കര്‍ണാടകയിലെ രാംനഗറില്‍ ഈ മാസം രണ്ട് മുതല്‍ നാലുവരെയായി നടന്ന 100 കിലോമീറ്റര്‍ റേസിലാണ് ‘മങ്കി അഡ്വഞ്ചേഴ്‌സ്’ ചരിത്രം സൃഷ്ടിച്ചത്.
ഗോവയില്‍നടക്കുന്ന 150 കി.മീ. ദേശീയ സാഹസിക റേസിങ്ങ് ചാമ്പ്യന്‍ഷിപ്പില്‍ പങ്കെടുക്കാനുള്ള തയ്യാറെടുപ്പിലാണ് ‘മങ്കി അഡ്വഞ്ചേഴ്‌സ്’ ഇപ്പോള്‍.കണ്ണൂര്‍ സ്വദേശികളായ സി. സരുണ്‍ലാല്‍, ശ്രീദര്‍ശ് ഭാസ്‌കര്‍, കെ.പി.ശ്രീലക്ഷ്മി, കെ.നിധിന്‍ എന്നിവരാണ് മങ്കി അഡ്വഞ്ചേഴ്‌സിന് വേണ്ടി റേസില്‍ പങ്കെടുത്തത്.
ഇവര്‍ തന്നെയാകും ഗോവന്‍ ചാമ്പ്യന്‍ഷിപ്പിലും പങ്കെടുക്കുക. ചാമ്പ്യന്‍ഷിപ്പില്‍ പോയിന്റ് നിലയില്‍ ആദ്യമെത്തുന്ന മൂന്ന് സംഘങ്ങള്‍ക്ക് ഫിലിപ്പീന്‍സില്‍ നടക്കുന്ന രാജ്യാന്തര റേസിങ്ങില്‍ പങ്കെടുക്കാം.
”ഇത് രണ്ടാം തവണയാണ് ഒഡീസി റേസില്‍ പങ്കെടുക്കുന്നത്. ഇത്തവണത്തെ റേസില്‍ മൂന്നാമതായിരുന്നു നമ്മള്‍, ഓള്‍ ഏഷ്യന്‍ ലെവലില് നാലാമതും. ഗോവന്‍ ചാമ്പ്യന്‍ഷിപ്പ് പുതുലക്ഷ്യങ്ങള്‍ക്ക് പ്രചോദനമാകുമെന്നാണ് കരുതുന്നത്, സ്ഥാപകനും സാഹസിക റേസിങ്ങ് കോച്ചുമായ കണ്ണൂര്‍ അലവില്‍ സ്വദേശി സി. സരുണ്‍ലാല്‍ പറയുന്നു.
ആരാണ് ‘മങ്കി അഡ്വഞ്ചേഴ്‌സ്’?
സാഹസികതയെ പ്രണയിക്കുന്ന 50-ലധികം അംഗങ്ങളുള്ള ഒരു കൂട്ടായ്മയാണ് ‘മങ്കി അഡ്വഞ്ചേഴ്‌സ്’. വിര്‍ച്വല്‍ ലോകത്തില്‍നിന്ന് പുറത്തിറങ്ങി, പ്രകൃതിയിലെ സാധ്യതകളെ കീഴടക്കുകയാണ് മങ്കി അഡ്വഞ്ചേഴ്‌സ് ചെയ്യുന്നത്. സാഹസിക റേസിങ്ങില്‍ തത്പരരായവര്‍ക്ക് പരിശീലനവും മങ്കി അഡ്വഞ്ചേഴ്‌സ് ഒരുക്കുന്നുണ്ട്, സരുണ്‍ പറയുന്നു. ലോക സാഹസിക റേസിങ്ങ് സീരീസിന്റെ ലൈസന്‍സ് ലഭിച്ചിട്ടുള്ള രാജ്യത്തെ ഏക സംഘടനയായ ‘എന്ത്അഡ്വഞ്ചറിന്റെ സഹകരകണത്തോടെയാണ് ‘മങ്കി അഡ്വഞ്ചേഴ്‌സ്’ പ്രവര്‍ത്തിക്കുന്നത്.
എന്താണ് സാഹസിക റേസിങ്ങ് ?
മണിക്കൂറുകളോ ദിവസങ്ങളോ നീണ്ടുനില്‍ക്കാവുന്ന മത്സരയിനമാണ് സാഹസിക റേസിങ്ങ് (അഡ്വഞ്ചര്‍ റേസിങ്ങ് അഥവാ എക്‌സ്‌പെഡീഷന്‍ റേസിങ്ങ്). കായികയിനങ്ങളായ ഡെക്കാത്തലണ്‍, ഹെപ്റ്റാത്തലണ്‍ തുടങ്ങിയവയെ അനുകരിക്കുംവിധം കയാക്കിങ്ങ്, ട്രെക്കിങ്ങ്, സൈക്ലിങ്ങ് തുടങ്ങി സംയോജിത മത്സരങ്ങളുടെ കൂട്ടം. ഒരിടത്ത് നിന്ന് മറ്റൊരിടത്തേയ്ക്ക് നിധി കണ്ടെത്താന്‍ സഞ്ചരിക്കുംപോലുള്ള, കിലോമീറ്ററുകള്‍നീളുന്ന യാത്രകളാണ് റേസിങ്ങിന്റെ പ്രത്യേകത.
ചുരുക്കത്തില്‍ ‘നിധി കണ്ടെത്തല്‍’ മത്സരങ്ങളുടെ ബൃഹത്രൂപം. ഭൂപടങ്ങളുടെ സഹായത്തോടെ ദിശാനിര്‍ണയത്തിന് പ്രാധാന്യം നല്കിയാണ് റേസ് നടക്കുക. ഓരോ സ്ഥലങ്ങളിലും ഓരോ പഞ്ചിങ്ങ് കേന്ദ്രങ്ങളുണ്ടാകും. ഭൂപടങ്ങള്‍ അല്ലാതെ ഫോണ്‍, വാച്ച് തുടങ്ങിയ ഇലക്ട്രോണിക് ഉപകരണങ്ങളൊന്നും മത്സരത്തിന് ഉപയോഗിക്കാനാവില്ല. നാല് പേരടങ്ങുന്ന സംഘങ്ങളായാണ് റേസ് നടക്കുക. ലിംഗസമത്വത്തിനും പ്രാധാന്യംനല്‍കുന്ന റേസില്‍ ഓരോ സംഘത്തിലും ഒരു വനിതാ മത്സരാര്‍ഥി നിര്‍ബന്ധമാണ്.
പോലീസ് സ്റ്റേഷനുകളുടെ അടിസ്ഥാനസൗകര്യ വികസനത്തില്‍ വന്‍ കുതിപ്പാണ് കഴിഞ്ഞ വര്‍ഷങ്ങളില്‍ കണ്ണൂര്‍ ജില്ലയില്‍ നടന്നുവരുന്നത.് കണ്ണവം, ചൊക്ലി, മട്ടന്നൂര്‍, പരിയാരം, തലശ്ശേരി തീരദേശ പോലീസ് സ്റ്റേഷനുകള്‍ എന്നിവയ്ക്കാണ് പുതിയ കെട്ടിടങ്ങള്‍ ലഭിച്ചത്. സംസ്ഥാന പ്ലാനിംഗ് സ്‌കീമില്‍ നിന്ന് 2.49 കോടി രൂപ ചെലവില്‍ 8000 ചതുരശ്ര അടിയില്‍ രണ്ടുനിലകളിലായാണ് കണ്ണവം പോലീസ് സ്റ്റേഷന് കെട്ടിടം നിര്‍മ്മിച്ചിരിക്കുന്നത്. ചൊക്ലി പോലീസ് സ്റ്റേഷന് 94 ലക്ഷം രൂപ, മട്ടന്നൂര്‍ പോലീസ് സ്റ്റേഷന് 1.84 കോടി രൂപ, പരിയാരം പോലീസ് സ്റ്റേഷന് 1.81 കോടി രൂപ, കണ്ണൂര്‍ വിജിലന്‍സിന് ഒരു കോടി രൂപ, ചെലവിലാണ് പുതിയ കെട്ടിടങ്ങള്‍ നിര്‍മിച്ചത്. എല്ലാ സ്റ്റേഷനുകളിലും ഇന്‍സ്‌പെക്ടര്‍, എസ് ഐ എന്നിവര്‍ക്ക് ഓഫീസ് മുറി, മറ്റ് പോലീസുകാര്‍ക്ക് വിശ്രമമുറി, ആയുധങ്ങള്‍ സൂക്ഷിക്കാനുള്ള മുറി, റെക്കോര്‍ഡ്‌സ് റൂം, ലോക്കപ്പ് റൂം, കേസ് അന്വേഷണത്തിന് ശാസ്ത്രീയ സൗകര്യങ്ങള്‍ അടക്കമുള്ള ഇന്ററോഗേഷന്‍ റൂം എന്നിവ ഉള്‍പ്പെടും. ജനസൗഹൃദ പോലീസ് സ്റ്റേഷനുകളാണ് പുതുതായി നിര്‍മിച്ചവയെല്ലാം. പിണറായി കണ്‍വെന്‍ഷന്‍ സെന്ററിന് പുറകിലായി 25 സെന്റ് സ്ഥലം പിണറായി പോലീസ് സ്റ്റേഷന് സര്‍ക്കാര്‍ അനുവദിച്ചിട്ടുണ്ട്. ഇത് 2025 അവസാനത്തോടെ പൂര്‍ത്തിയാകും.
എം ഒ പി എഫ് സ്‌കീമില്‍ ഉള്‍പ്പെടുത്തി 55.95 ലക്ഷം രൂപയ്ക്കാണ് കണ്ണൂര്‍ സിറ്റി പോലീസ് ജില്ലാ ഫോറന്‍സിക് സയന്‍സ് ലാബ് നിര്‍മാണം പൂര്‍ത്തിയാക്കിയത്. കെമിസ്ട്രി, ബയോളജി, ഫിസിക്‌സ് ഡിവിഷനുകളും സൈബര്‍ ലാബും ഉള്‍പ്പെടുന്നതാണ് ഫോറന്‍സിക് ലാബ്. എ ആര്‍ ക്യാമ്പില്‍ ടെലി കമ്മ്യൂണിക്കേഷന്‍ വിഭാഗത്തിന്റെ അടിസ്ഥാന സൗകര്യ വികസനത്തിനായി എട്ട് ലക്ഷം, പോലീസ് കമാന്‍ഡിങ് കണ്‍ട്രോള്‍ റൂമിന് 20 ലക്ഷം, പോലീസ് ക്ലബ് നവീകരണത്തിന് 22 ലക്ഷം, പോലീസ് ആസ്ഥാനത്ത് വാട്ടര്‍ ടാങ്ക് നിര്‍മാണത്തിനായി 10 ലക്ഷം രൂപയും ചെലവഴിച്ചിട്ടുണ്ട്. ജില്ലാ പോലീസ് സമുച്ചയത്തിനായുള്ള 898 ലക്ഷം രൂപയുടെ നിര്‍മാണ പ്രവര്‍ത്തികള്‍ അവസാന ഘട്ടത്തിലാണ്. ക്രൈംബ്രാഞ്ച് ഓഫീസ് നിര്‍മ്മാണത്തിന് ഭരണാനുമതിയും ലഭിച്ചിട്ടുണ്ട്. കൂടാതെ തളിപ്പറമ്പ്, പയ്യന്നൂര്‍ പോലീസ് സ്റ്റേഷനുകളില്‍ വനിത ശിശു സൗഹൃദ ഇടങ്ങള്‍, കണ്ണൂര്‍ റൂറല്‍ പോലീസിന് കീഴില്‍ ആലക്കോട് പുതിയ സൈബര്‍ പോലീസ് സ്റ്റേഷന് എന്നിവയും പിണറായി സര്‍ക്കാരിന്റെ കാലത്ത് വന്ന വലിയ വികസനങ്ങളാണ്.
കണ്ണൂരിലെ യുവ ജനങ്ങളെ കായിക മേഖലയിലേക്ക് ആകര്‍ഷിക്കുക എന്ന ലക്ഷ്യവുമായി കണ്ണൂര്‍ സിറ്റി പോലീസ് കമ്മിഷണര്‍ നടപ്പിലാക്കിയ സേ യെസ് ടൂ സ്‌പോര്‍ട്‌സ്, സേ നോ ടു ഡ്രഗ്‌സ് എന്ന പരിപാടിയുടെ ഭാഗമായി കണ്ണൂരില്‍ #നിര്‍മിച്ച 60മീറ്റര്‍ നീളവും 44 മീറ്റര്‍ വീതിയിലുമുള്ള ടര്‍ഫ് ജില്ലാ പോലീസിന്റെ വികസന നേട്ടങ്ങളില്‍ ഒന്നാണ്. ഫ്‌ലഡ് ലൈറ്റ്, മൂന്ന് തട്ടുകളോട് കൂടിയ50 മീറ്റര്‍ പവലിയന്‍, പ്രഭാത സവാരിക്കും സായാഹ്ന സവാരിക്കുമായി 600 മീറ്റര്‍ ജോഗിങ് ട്രാക്ക്, ട്രാക്കില്‍ ഇരുവശത്തും വൈദ്യുതി വിളക്കുകള്‍, കളിക്കാര്‍ക്ക് വസ്ത്രം മാറാനും വിശ്രമിക്കാനുമായി രണ്ട് മുറികള്‍, സ്റ്റോര്‍ മുറി, ഓഫീസ് മുറി, ശുചിമുറികള്‍ എന്നിവയുമുണ്ട്.
തളിപ്പറമ്പ് :പട്ടുവം അരിയില്‍ യുവതി ഉറക്കത്തിനിടെ മരണമടഞ്ഞു. കിടപ്പു മുറിയില്‍ അബോധാവസ്ഥയില്‍ കാണപ്പെട്ട യുവതിയെ തളിപ്പറമ്പ് ലൂർദ് ഹോസ്പിറ്റല്‍ എത്തിച്ചുവെങ്കിലും ജീവൻ രക്ഷിക്കാനായില്ല. മുബഷീറിൻ്റെ ഭാര്യയായ കടവൻഹൗസില്‍ നഫീസത്തുല്‍ മിസിരിയ (20) മരണപ്പെട്ടത്. പത്ത് മാസം മുമ്പാണ് ഇവരുടെ വിവാഹം നടന്നത്. പരേതനായ മുജീബിൻ്റെയും സുഹറയുടെയും മകളാണ്. സഹോദരങ്ങള്‍: മുസമ്മില്‍, മുസിരിയ മൃതദേഹം പരിയാരം മെഡിക്കല്‍ കോളെജിലെക്ക് മാറ്റി.
ടൈം ടേബിൾ
04 / 06 / 2025 ന് ആരംഭിക്കുന്ന , അഫിലിയേറ്റഡ് കോളേജുകളിലെയും സെന്ററുകളിലെയും നാലാം സെമസ്റ്റർ എം സി എ (റെഗുലർ / സപ്ലിമെന്ററി /ഇംപ്രൂവ്മെന്റ് ) മെയ് 2025 പരീക്ഷകളുടെ ടൈം ടേബിൾ സർവകലാശാല വെബ്‌സൈറ്റിൽ പ്രസിദ്ധീകരിച്ചു.
ആറാം സെമസ്റ്റർ ബിരുദ മേഴ്‌സി ചാൻസ് പരീക്ഷ
2009 മുതൽ 2013 വരെയുള്ള വർഷങ്ങളിൽ അഫിലിയേറ്റഡ് കോളേജുകളിൽപ്രവേശനം നേടിയ വിദ്യാർത്ഥികൾക്കുള്ള, ആറാം സെമസ്റ്റർ ബിരുദ മേഴ്‌സി ചാൻസ് (ഏപ്രിൽ ,2025 ) പരീക്ഷകൾക്ക് 06.05.2025 മുതൽ 15.05.2025 വരെ പിഴയില്ലാതെയും 17.05.2025 വരെ പിഴയോടു കൂടിയും അപേക്ഷിക്കാം.
മേഴ്‌സി ചാൻസ് പരീക്ഷകൾക്ക് അപേക്ഷിക്കുന്ന വിദ്യാർഥികൾ അപേക്ഷയോടൊപ്പം റീ രെജിസ്ട്രേഷൻ നടത്തുന്നതിനുള്ള നിശ്ചിതമാതൃകയിലുള്ള അപേക്ഷ , ഫീസ് അടച്ച രസീത് സഹിതം സമർപ്പിക്കേണ്ടതാണ് പരീക്ഷാ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ്.
പരീക്ഷാ വിജ്ഞാപനം
11.06.2025 ന് ആരംഭിക്കുന്ന , അഫിലിയേറ്റഡ് കോളേജുകളിലെയും സെന്ററുകളിലെയും രണ്ടാം സെമസ്റ്റർ എം സി എ (റെഗുലർ / സപ്ലിമെന്ററി / ഇംപ്രൂവ്മെന്റ്) മെയ് 2025 പരീക്ഷകൾക്ക് 05.05.2025 മുതൽ 09.05.2025 വരെ പിഴയില്ലാതെയും 12.05.2025 വരെ പിഴയോടു കൂടിയും അപേക്ഷിക്കാം . പരീക്ഷാ വിജ്ഞാപനം സർവകലാശാല വെബ്‌സൈറ്റിൽ ലഭ്യമാണ്.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
