Social
ഫാദേഴ്‌സ് ഡേ വരുന്നു! അച്ഛനുമായുള്ള ബന്ധം ദൃഡപ്പെടുത്താന്‍ ആഗ്രഹിക്കുന്നോ? ഈ കാര്യങ്ങള്‍ ചെയ്യൂ
ഈ വര്‍ഷം ജൂണ്‍ 18നാണ് ഫാദേഴ്‌സ് ഡേ ആചരിക്കുന്നത്. നമ്മുടെ സാമൂഹികവ്യവസ്ഥയുടെ പ്രത്യേകത മൂലം കുട്ടികള്‍ക്ക് പലപ്പോഴും അച്ഛന്‍മാരുമായി വൈകാരികബന്ധം സ്ഥാപിക്കാന്‍ കഴിയാറില്ല. തങ്ങളുടെ വൈകാരികമായ ആവശ്യങ്ങള്‍ക്കായി അവര്‍ ഏറ്റവുമധികം സമീപിക്കുന്നത് അമ്മമാരെയാണ്. അച്ഛനില്‍നിന്ന് ഇത്തരം സംഗതികള്‍ മറച്ചുവെയ്ക്കാനാണ് പലപ്പോഴും കുട്ടികള്‍ ശ്രമിക്കുന്നത്. എന്നാല്‍, അച്ഛനോട് സ്‌നേഹവും ബഹുമാനവും ഇല്ല എന്നല്ല ഇതിനര്‍ഥം.
പുരുഷാധിപത്യസ്വഭാവമുള്ള കുടുംബങ്ങള്‍ പ്രവര്‍ത്തിക്കുന്നത് ഇത്തരത്തിലാണ് എന്നത് ദൗര്‍ഭാഗ്യകരമാണ്. ചെറുപ്പത്തില്‍ ലഭിക്കാതെ പോയ ഈ ബോണ്ടിങ് വലുതായാലും ഉണ്ടാക്കാവുന്നതേയുള്ളൂ. അച്ഛനുമായുള്ള ബന്ധം ഊട്ടിയുറപ്പിക്കുന്നതിനും അച്ഛന്‍മാരുടെ സ്‌നേഹത്തെ ഒര്‍ക്കുന്നതിനുമായാണ് ജൂണ്‍ മാസത്തിലെ മൂന്നാമത്തെ ഞായറാഴ്ച ഫാദേഴ്‌സ് ഡേ ആയി ആചരിക്കുന്നത്. അതിനാല്‍, ഇത്തവണത്തെ ഫാദേഴ്‌സ് ഡേയ്ക്ക് യാതൊരു മടിയും നാണവും കൂടാതെ നമ്മുടെ വീടുകളിലെ അച്ഛന്‍മാരോടും അച്ഛന്റെ സ്ഥാനത്തുള്ള മറ്റ് മുതിര്‍ന്നവരോടും വൈകാരികമായ ബന്ധം സ്ഥാപിക്കാന്‍ നാം ശ്രമിക്കണം. അതിനുള്ള ഏതാനും വിദ്യകളാണ് താഴെപ്പറയുന്നത്.
ആദ്യമായി അച്ഛനേയും വിളിച്ചുകൊണ്ട്‌ എന്തെങ്കിലും വിനോദ പ്രവൃത്തികളില്‍ ഏര്‍പ്പെടാന്‍ ശ്രമിക്കുക. രണ്ടുപേര്‍ക്കും ഒരുപോലെ ഇഷ്ടമുള്ള എന്തെങ്കിലും പ്രവൃത്തിയില്‍ വേണം ഏര്‍പ്പെടാന്‍. മുറ്റത്തെ പൂന്തോട്ട പരിപാലനമോ, എന്തെങ്കിലും കായിക വിനോദമോ, സിനിമയോ, പാചകമോ അങ്ങനെ എന്തുമാകാം. പരസ്പരം താത്പര്യമുള്ള കാര്യങ്ങള്‍ ഒന്നിച്ച് ചെയ്യുന്നത് അച്ഛനുമായി ആഴത്തില്‍ ബന്ധം സ്ഥാപിക്കാനും നിലനിര്‍ത്താനും സഹായിക്കും.
അച്ഛന്റെ ജീവിതത്തില്‍ നമ്മള്‍ തല്പരരാണെന്ന് അവര്‍ക്ക് ബോധ്യപ്പെടേണ്ടത് അത്യാവശമാണ്. അതിനാല്‍ അവരുടെ ജോലി, സുഹൃത്തുക്കള്‍, ചെറുപ്പകാലം, സ്വപ്‌നങ്ങള്‍, യാത്രചെയ്യാനാഗ്രഹിക്കുന്ന സ്ഥലങ്ങള്‍ എന്നിവയെക്കുറിച്ച് ചോദിച്ചറിയുന്നത് അവര്‍ക്ക് വലിയ സന്തോഷം നല്‍കും. അവര്‍ പറയുന്നത് ശ്രദ്ധിക്കുന്നതും അവരില്‍ നിങ്ങളെക്കുറിച്ച് മതിപ്പുണ്ടാക്കും.
ജീവിതത്തിലെ പ്രധാനപ്പെട്ട പല തീരുമാനങ്ങളുമെടുക്കുന്ന വേളകളില്‍ അച്ഛനോട് അഭിപ്രായം ചോദിക്കാന്‍ മടിക്കരുത്. നമ്മുടെ മിക്ക പ്രശ്‌നങ്ങള്‍ക്കുമുള്ള പരിഹാരം അദ്ദേഹത്തിന്റെ പക്കല്‍ ഉണ്ടാവും. അതിനാല്‍, കാര്യങ്ങള്‍ പങ്കുവെയ്ക്കാനും അച്ഛന്‍ നല്‍കുന്ന നിര്‍ദേശങ്ങള്‍ പരിഗണിക്കാനും യാതൊരു മടിയും വിചാരിക്കരുത്.
ഏതൊരു ബന്ധത്തിലേയുംപോലെ നമ്മുടെ അച്ഛനുമായുള്ള ബന്ധത്തിലും നമുക്ക് അഭിപ്രായവ്യത്യാസങ്ങളുണ്ടാകാറുണ്ട്. എന്നാല്‍, അതുമൂലം അച്ഛനും മക്കളും തമ്മിലുള്ള ബന്ധം തകരുകയോ അകലം സൃഷ്ടിക്കപ്പെടുകയോ ചെയ്യാന്‍ പാടില്ല. മറിച്ച്, അഭിപ്രായവ്യത്യാസങ്ങള്‍ സംസാരിച്ചുതീര്‍ക്കണം. നിങ്ങളും പിതാവും ഒരുമിച്ചല്ല താമസിക്കുന്നതെങ്കിലും ഏതെങ്കിലും കാര്യത്തില്‍ അച്ഛന്‍ ബുദ്ധിമുട്ടുന്നതായി തോന്നിയാല്‍ വിദൂരത്തുനിന്നാണെങ്കിലും നിങ്ങളെക്കൊണ്ടാവുന്നതുപോലെ സഹായിക്കാന്‍ ശ്രമിക്കുക. മൊബൈല്‍ അല്ലെങ്കില്‍ ടിവി റീച്ചാര്‍ജ് ചെയ്തുകൊടുക്കുന്നത്, ഭക്ഷണം ഓര്‍ഡര്‍ ചെയ്ത് കൊടുക്കുന്നത്, അച്ഛന്റെ അസാന്നിധ്യത്തില്‍ അച്ഛന്റെ പൂന്തോട്ടം പരിപാലിക്കുന്നത് തുടങ്ങി നമുക്ക് ചെയ്യാവുന്ന ധാരാളം കാര്യങ്ങളുണ്ട്.
അച്ഛനുമായി പങ്കുവെച്ച ചെറുപ്പത്തിലെ സമയങ്ങളെ ഇരുവരും ഒന്നിച്ചോര്‍ത്തെടുക്കുന്നത് ബന്ധങ്ങള്‍ കുറച്ചുകൂടി ദൃഢമാക്കും. ഒന്നിച്ച് പോയ യാത്രകള്‍, അച്ഛന്‍ തനിക്കുവേണ്ടി ഭക്ഷണമുണ്ടാക്കിത്തന്നത്, ഒന്നിച്ച് കാര്‍ട്ടൂണ്‍ കണ്ടത് മുതലായ കാര്യങ്ങള്‍ പങ്കുവെയ്ക്കുന്നത് ഇരുവരും പരസ്പരം ഏറെ സ്‌നേഹിക്കുന്നു എന്ന് ഓര്‍മിപ്പിക്കാന്‍ കാരണമാകും.
പുതിയ ഒരു കൂട്ടം അപ്‌ഡേറ്റുകള്‍ അവതരിപ്പിച്ചിരിക്കുകയാണ് വാട്സാപ്പ്. ചാറ്റുകള്‍, കോളുകള്‍, ചാനല്‍ തുടങ്ങിയ ഫീച്ചറുകളുടെ അനുഭവം മെച്ചപ്പെടുത്തും വിധമാണ് പുതിയ മാറ്റങ്ങള്‍ അവതരിപ്പിച്ചിരിക്കുന്നത്. ടെലഗ്രാം, ഡിസ്‌കോര്‍ഡ് തുടങ്ങിയ വിപണിയിലെ എതിരാളികളെ വെല്ലുവിളിച്ചുകൊണ്ടാണ് പുതിയ നീക്കം.പുതിയ അപ്‌ഡേറ്റിലെ പ്രധാന മാറ്റം ഗ്രൂപ്പ് ചാറ്റുകള്‍ക്ക് മുകളില്‍ പ്രത്യക്ഷപ്പെടുന്ന ‘ഓണ്‍ലൈന്‍’ ഇന്‍ഡിക്കേറ്ററാണ്. ഗ്രൂപ്പില്‍ എത്രപേര്‍ ഓണ്‍ലൈനിലുണ്ടെന്ന് കാണിക്കുന്നതാണിത്. ചില നോട്ടിഫിക്കേഷനുകള്‍ ഹൈലൈറ്റ് ചെയ്യാനുള്ള സൗകര്യമാണ് മറ്റൊന്ന്. ഇതിനായി ‘നോട്ടിഫൈ ഫോര്‍’ എന്നൊരു സെറ്റിങ്‌സ് ഓപ്ഷന്‍ കൂടി കമ്പനി അവതരിപ്പിച്ചിട്ടുണ്ട്. ഇതില്‍ ഹൈലൈറ്റ്‌സ് തിരഞ്ഞെടുത്താല്‍ പ്രത്യേകം നോട്ടിഫിക്കേഷനുകള്‍ക്ക് പ്രാധാന്യം നല്‍കി കാണിക്കാന്‍ സാധിക്കും. ഉദാഹരണത്തിന് നിങ്ങളെ മെന്‍ഷന്‍ ചെയ്യുന്ന നോട്ടിഫിക്കേഷനുകള്‍, നിങ്ങളുടെ സന്ദേശങ്ങള്‍ക്ക് റിപ്ലൈ ചെയ്യുമ്പോള്‍, സേവ്ഡ് കോണ്‍ടാക്റ്റില്‍ നിന്നുള്ള മെസേജുകള്‍ തുടങ്ങി വിവിധ വിഭാഗങ്ങളായി നോട്ടിഫിക്കേഷനുകളെ വേര്‍തിരിച്ച് പ്രാധാന്യം നല്‍കാം. അല്ലെങ്കില്‍ എല്ലാ നോട്ടിഫിക്കേഷനുകളും അനുവദിക്കാം.
ഐഫോണില്‍ ഡോക്യുമെന്റുകള്‍ സ്‌കാന്‍ ചെയ്യാനും അയക്കാനും കഴിയുന്ന ഓപ്ഷനാണ് മറ്റൊന്ന്. ചാറ്റ് വിന്‍ഡോയിലെ അറ്റാച്ച്‌മെന്റ് ഓപ്ഷനില്‍ ഇതിനായുള്ള ഓപ്ഷന്‍ ലഭ്യമാവും. ഐഫോണ്‍ ഉപഭോക്താക്കള്‍ക്കായി തന്നെ മറ്റൊരു സൗകര്യം കൂടി മെറ്റ അനുവദിച്ചു. ഇനിമുതല്‍ ഐഫോണില്‍ ഡിഫോള്‍ട്ട് മെസേജിങ് ആപ്ലിക്കേഷനായും കോളിങ് ആപ്പ് ആയും വാട്സാപ്പ് ഉപയോഗിക്കാനാവും. വീഡിയോകോളുകള്‍ വിരലുകള്‍ ഉപയോഗിച്ച് സൂം ചെയ്യാനുള്ള സൗകര്യവും ഐഫോണിലെ വാട്‌സാപ്പില്‍ ലഭിക്കും.വീഡിയോകോളിന്റെ ഗുണനിലവാരം മെച്ചപ്പെടുത്തിയിട്ടുണ്ടെന്നാണ് കമ്പനി അവകാശപ്പെടുന്നത്. ഇതുവഴി കോള്‍ ഡ്രോപ്പ് ആവുന്നതും നിശ്ചലമാകുന്നതും ഇല്ലാതാവും.
ഗ്രൂപ്പ് ചാറ്റുകളില്‍ ഇവന്റുകള്‍ ക്രിയേറ്റ് ചെയ്യാനുള്ള സൗകര്യം ലഭ്യമാണ്. ഇനിമുതല്‍ രണ്ട് പേര് തമ്മിലുള്ള ചാറ്റിലും ഇവന്റ് ക്രിയേറ്റ് ചെയ്യാനാവും. ആര്‍എസ് വിപി ഓപ്ഷനില്‍ മേ ബീ എന്നൊരു ഓപ്ഷനും നല്‍കിയിട്ടുണ്ട്. ഇതോടൊപ്പം ഇവന്റുമായി ബന്ധപ്പെട്ട കൂടുതല്‍ വിവരങ്ങള്‍ നല്‍കാനുള്ള ഓപ്ഷനും വാട്സാപ്പ് കോള്‍ ലിങ്ക് ഉള്‍പ്പെടുത്താനുള്ള സൗകര്യവും ലഭ്യമാക്കിയിട്ടുണ്ട്. വാട്സാപ്പ് ചാനല്‍ ഫീച്ചറില്‍ മൂന്ന് അപ്‌ഡേറ്റുകളാണ് അവതരിപ്പിച്ചത്. അഡ്മിന്‍മാര്‍ക്ക് ഇനി ചെറിയ വീഡിയോകള്‍ റെക്കോര്‍ഡ് ചെയ്ത് ഫോളോവര്‍മാര്‍ക്ക് പങ്കുവെക്കാനാവും. ചാനലിലേക്കുള്ള പ്രത്യേക ക്യുആര്‍കോഡ് നിര്‍മിച്ച് പങ്കുവെക്കാനുള്ള സൗകര്യവും ഒരുക്കിയിട്ടുണ്ട്. ചാനലുകളിലെ ശബ്ദസന്ദേശങ്ങളുടെ ടെക്സ്റ്റ് സമ്മറിയും കാണാം.
Social
ചാറ്റിലെ ചിത്രങ്ങള്‍ സേവ് ചെയ്യാനാവില്ല- സ്വകാര്യത ഉറപ്പിക്കാന്‍ പുതിയ നീക്കവുമായി വാട്സാപ്പ്
വാട്സാപ്പിന്റെ ഐഒഎസ് വേര്‍ഷനിലെ ചാറ്റുകളുടെ സ്വകാര്യത ശക്തിപ്പെടുത്താന്‍ പുതിയ ഫീച്ചര്‍ ഒരുങ്ങുന്നു. ‘അഡ്വാന്‍സ്ഡ് ചാറ്റ് പ്രൈവസി’ എന്ന് പേര് നല്‍കിയിരിക്കുന്ന ഈ ഫീച്ചര്‍, നിങ്ങള്‍ അയക്കുന്ന മീഡിയ ഫയലുകള്‍ സ്വീകര്‍ത്താവിന്റെ ഫോണില്‍ സേവ് ആകുന്നത് തടയുന്നതടക്കമുള്ള സുരക്ഷാ സൗകര്യങ്ങള്‍ ഉള്‍ക്കൊള്ളുന്നതാണ്. ഈ ഫീച്ചര്‍ സജീവമാക്കിയാല്‍, നിങ്ങളുമായുള്ള ചാറ്റ് ഹിസ്റ്ററി മറ്റാര്‍ക്കും എക്സ്പോര്ട്ട് ചെയ്‌തെടുക്കാനും കഴിയില്ല.വാട്സാപ്പിന്റെ ഫീച്ചര്‍ ട്രാക്കിങ് വെബ്സൈറ്റായ വാബീറ്റാ ഇന്‍ഫോയുടെ റിപ്പോര്‍ട്ട് പ്രകാരം, ഐഒഎസിന്റെ അടുത്ത അപ്ഡേറ്റുകളിലൊന്നില്‍ ഈ ഫീച്ചര്‍ ലഭ്യമാകും. വാട്സാപ്പ് ഐ.ഒ.എസ് ബീറ്റാ പതിപ്പ് 25.10.10.70-ലാണ് ഈ ഫീച്ചര്‍ ആദ്യമായി കണ്ടെത്തിയതെന്നും റിപ്പോര്‍ട്ടില്‍ പറയുന്നു.ഈ ഫീച്ചര്‍ ഉപയോക്താക്കള്‍ക്ക് ആപ്പ് സെറ്റിംഗ്സ് വഴി ഇഷ്ടാനുസരണം ആക്ടിവേറ്റ് ചെയ്യാം. ഇത് ആക്ടിവേറ്റ് ചെയ്താല്‍, നിങ്ങള്‍ അയച്ച മീഡിയ ഫയലുകള്‍ സ്വീകര്‍ത്താവിന് അവരുടെ ഫോണില്‍ സേവ് ചെയ്യാന്‍ സാധിക്കില്ല. മീഡിയ ഫയല്‍ ഗാലറിയിലേക്ക് സേവ് ചെയ്യാന്‍ ശ്രമിച്ചാല്‍, ‘അഡ്വാന്‍സ്ഡ് ചാറ്റ് പ്രൈവസി ഓണ്‍ ആണ്, ഇത് മീഡിയ ഓട്ടോ-സേവ് ആകുന്നത് തടയുന്നു’ എന്ന സന്ദേശം പോപ്പ്-അപ്പായി ദൃശ്യമാകും. ചാറ്റ് ഹിസ്റ്ററി എക്സ്പോര്ട്ട് ചെയ്യുന്നത് തടയുമെന്നതാണ് ഈ ഫീച്ചറിന്റെ മറ്റൊരു പ്രധാന സവിശേഷത. ഈ ഫീച്ചര്‍ ആക്ടിവേറ്റ് ചെയ്താല്‍, നിങ്ങളുമായുള്ള ചാറ്റ് സ്വീകര്‍ത്താവിന് എക്സ്പോര്ട്ട് ചെയ്യാന്‍ കഴിയാതെ വരും. ആന്‍ഡ്രോയിഡ് ഉപയോക്താക്കള്‍ക്കായും സമാനമായ ഫീച്ചര്‍ വാട്സാപ്പ് വികസിപ്പിച്ചു വരുന്നുണ്ട്. നിലവില്‍ നിര്‍മാണ ഘട്ടത്തിലുള്ള ഈ ഫീച്ചര്‍, നിരവധി പരീക്ഷണങ്ങള്‍ക്ക് ശേഷമാകും എല്ലാ ഉപയോക്താക്കള്‍ക്കും ലഭ്യമാവുക. സ്വകാര്യതയ്ക്ക് കൂടുതല്‍ മുന്‍ഗണന നല്‍കുന്ന ഈ പുതിയ ഫീച്ചര്‍ വാട്സാപ്പ് ഉപയോഗം കൂടുതല്‍ സുരക്ഷിതമാക്കുമെന്നാണ് പ്രതീക്ഷിക്കപ്പെടുന്നത്.
വാട്സാപ്പ് സ്റ്റാറ്റസ് അപ്‌ഡേറ്റില്‍ ഇനി പാട്ടുകളും ചേര്‍ക്കാം. കഴിഞ്ഞദിവസത്തെ അപ്‌ഡേറ്റിലൂടെയാണ് വാട്സാപ്പ് സ്റ്റാറ്റസില്‍ സംഗീതവും ചേര്‍ക്കാനുള്ള ഫീച്ചര്‍ അവതരിപ്പിച്ചത്. നിലവില്‍ ഇന്‍സ്റ്റഗ്രാം സ്റ്റോറിയില്‍ ലഭ്യമായതിന് സമാനമായ ഫീച്ചറാണ് വാട്‌സാപ്പിലും നല്‍കിയിരിക്കുന്നത്.പുതിയ അപ്‌ഡേറ്റിന് പിന്നാലെ വാട്സാപ്പ് സ്റ്റാറ്റസ് പോസ്റ്റ് ചെയ്യുന്നവേളയില്‍ പാട്ടുകള്‍ ചേര്‍ക്കാനുള്ള ഓപ്ഷനും ലഭ്യമായിട്ടുണ്ട്. വാട്‌സാപ്പില്‍ ‘ആഡ് സ്റ്റാറ്റസ്’ ക്ലിക്ക് ചെയ്ത് സ്റ്റാറ്റസായി പോസ്റ്റ് ചെയ്യാനുള്ള ചിത്രമോ വീഡിയോയോ തിരഞ്ഞെടുത്താല്‍ മുകളിലായി ‘മ്യൂസിക് നോട്ടി’ന്റെ ചിഹ്നം കാണാം. ഇതില്‍ ക്ലിക്ക് ചെയ്താല്‍ നിരവധി പാട്ടുകളുള്ള മ്യൂസിക് ല്രൈബറിയില്‍നിന്ന് ഇഷ്ടമുള്ള പാട്ടുകള്‍ തിരഞ്ഞെടുക്കാം. സ്റ്റാറ്റസുകളില്‍ പങ്കുവെയ്ക്കുന്ന പാട്ടുകള്‍ ‘എന്‍ഡ്-ടു-എന്‍ഡ്’ എന്‍ക്രിപ്റ്റഡ് ആയതിനാല്‍ ഉപഭോക്താക്കള്‍ പങ്കിടുന്ന പാട്ടുകള്‍ വാട്‌സാപ്പിന് കാണാനാകില്ലെന്നും ഉപഭോക്താക്കളുടെ സുഹൃത്തുക്കള്‍ക്ക് മാത്രമേ കാണാനാവുകയുള്ളൂവെന്നും പുതിയ അപ്‌ഡേറ്റ് സംബന്ധിച്ച് വാട്സാപ്പ് അറിയിച്ചു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
