Social
വിട്ടുമാറാത്ത ചുമയും ശ്വാസതടസ്സവും; പല ശ്വാസകോശ രോഗങ്ങൾക്കും പിന്നിൽ പുകവലി, കരുതൽ വേണം
പുകയിലയ്ക്കെതിരായ ആഗോള പോരാട്ടത്തിന്റെയും മനുഷ്യന്റെ ആരോഗ്യത്തില്‍ അതിന്റെ വിനാശകരമായ ഫലങ്ങളുടെയും നിര്‍ണായക ഓര്‍മപ്പെടുത്തലാണ് എല്ലാ വര്‍ഷവും മെയ് 31-ന് ആചരിക്കുന്ന ലോക പുകയില രഹിത ദിനം.
ആഗോള-ഇന്ത്യന്‍ വീക്ഷണകോണില്‍ നിന്നുള്ള സ്ഥിതിവിവരക്കണക്കുകള്‍ അനുസരിച്ച് പുകയില ഉപഭോഗവും വിവിധ ശ്വാസകോശ രോഗങ്ങളും തമ്മിലുള്ള ബന്ധം പറഞ്ഞറിയിക്കാനാവില്ല.
പുകയില ഉപയോഗവുമായി ബന്ധപ്പെട്ട സാധാരണ ശ്വാസകോശ രോഗങ്ങള്‍, അവയുടെ ലക്ഷണങ്ങള്‍, കാരണങ്ങള്‍, ചികിത്സകള്‍ തുടങ്ങിയവയുമായി ബന്ധപ്പെട്ട അറിവുകള്‍ കൂടുതല്‍ ജനങ്ങളിലേക്ക് എത്തിക്കാനാണ് ഇത്തരം ദിനാചരണങ്ങള്‍ നാം ഉപയോഗിക്കേണ്ടത്.
ക്രോണിക് ഒബ്സ്ട്രക്റ്റീവ് പള്‍മണറി ഡിസീസ് (സിഒപിഡി): സിഒപിഡി മൂര്‍ച്ഛിച്ചുകൊണ്ടിരിക്കുന്ന ഒരു ശ്വാസകോശ രോഗമാണ്. വിട്ടുമാറാത്ത ചുമയും ശ്വാസതടസ്സവുമാണ് പ്രധാന ലക്ഷണങ്ങള്‍. ഇടയ്ക്കിടെയുള്ള ശ്വാസകോശ അണുബാധയും ഇതിന്റെ ഭാഗമാണ്. സിഒപിഡിയുടെ പ്രധാന കാരണം പുകവലിയാണ്, ഏകദേശം 85% രോഗങ്ങള്‍ക്കും കാരണം പുകവലി തന്നെയാണ്.
ആഗോളതലത്തില്‍, പുകയില ഉപയോഗം പ്രതിവര്‍ഷം 8 ദശലക്ഷത്തിലധികം പേരെയാണ് കൊല്ലുന്നത്. നേരിട്ടുള്ള പുകയില ഉപയോഗം മൂലമുള്ള ഏഴു ദശലക്ഷത്തിലധികം മരണങ്ങളും പുകവലി മൂലം 1.2 ദശലക്ഷത്തിലധികം മരണങ്ങളും സംഭവിക്കുന്നു. ഇന്ത്യയില്‍, പുകയിലയുമായി ബന്ധപ്പെട്ട രോഗങ്ങള്‍ പ്രതിവര്‍ഷം ഒരു ദശലക്ഷത്തിലധികം ജീവന്‍ അപഹരിക്കുന്നുവെന്നാണ് കണക്ക്. നമുക്ക് തടയാവുന്ന മരണങ്ങളുടെ ഗണത്തിലുള്ള പ്രധാന കാരണങ്ങളിലൊന്നാണിത്.
ശ്രമങ്ങളും ചികിത്സാ മാര്‍ഗ്ഗങ്ങളും
പുകയില ഉപയോഗത്തിനെതിരെ പോരാട്ടങ്ങളും പുകയില രഹിത സമൂഹത്തെ പ്രോത്സാഹിപ്പിക്കുന്നതിനുമുള്ള ശ്രമങ്ങളും ശ്വാസകോശ രോഗങ്ങളുടെ വ്യാപ്തി കുറയ്ക്കുന്നതില്‍ നിര്‍ണായകമായ പങ്കാണ് വഹിക്കുന്നത്.
പുകയില നിയന്ത്രണ നയങ്ങള്‍
ലോകമെമ്പാടുമുള്ള ഗവണ്‍മെന്റുകള്‍ പുകയില ഉല്‍പന്നങ്ങളുടെ നികുതി വര്‍ധിപ്പിക്കുക, സചിത്ര ആരോഗ്യ മുന്നറിയിപ്പുകള്‍ നടപ്പിലാക്കുക, പുകയില പരസ്യം നിരോധിക്കുക, പുകവലി രഹിത പൊതു ഇടങ്ങള്‍ സൃഷ്ടിക്കുക തുടങ്ങിയ കര്‍ശന നിയന്ത്രണങ്ങള്‍ നടപ്പിലാക്കുന്നു. ഇന്ത്യയിലും ഇത്തരം മുന്നേറ്റങ്ങള്‍ നടക്കുന്നുണ്ടെങ്കിലും ഇതിനെയെല്ലാം ചെറുത്തുതോല്‍പിക്കാന്‍ മാത്രം കെല്പുള്ളതാണ് പുകയിലയുടെ വിപണി ശക്തി.
വിദ്യാഭ്യാസവും അവബോധവും
പുകയില ഉപയോഗവുമായി ബന്ധപ്പെട്ട ആരോഗ്യ അപകടങ്ങളെക്കുറിച്ച് പൊതുജന അവബോധം വളര്‍ത്തേണ്ടത് അത്യാവശ്യമാണ്. വിദ്യാഭ്യാസ പ്രചാരണങ്ങള്‍, സ്‌കൂള്‍ പരിപാടികള്‍, കമ്മ്യൂണിറ്റി സംരംഭങ്ങള്‍ എന്നിവ പുകവലിയുടെ അപകടങ്ങളെക്കുറിച്ച് വ്യക്തികളെ ബോധവത്കരിക്കാന്‍ സഹായിക്കും. ചെറു പ്രായത്തില്‍ പുകവലിയോടും പുകവലിക്കുന്ന സിനിമയിലെ നായികാനായകന്‍മാരോടും തോന്നുന്ന ആരാധനയ്ക്കു പകരം പുകവലിയുടെ ദോഷങ്ങള്‍ പ്രചരിപ്പിക്കാന്‍ കൂടി അത്തരം മാധ്യമങ്ങളെ ഉപയോഗിക്കുകയാണ് നമുക്ക് ചെയ്യാനുള്ളത്.
പുകവലി നിര്‍ത്തല്‍ പരിപാടികള്‍
പുകവലി ഉപേക്ഷിക്കാന്‍ വ്യക്തികളെ പ്രോത്സാഹിപ്പിക്കുന്നത് പരമപ്രധാനമാണ്. നിക്കോട്ടിന്‍ റീപ്ലേസ്മെന്റ് തെറാപ്പി, ബിഹേവിയറല്‍ കൗണ്‍സിലിംഗ്, സപ്പോര്‍ട്ട് ഗ്രൂപ്പുകള്‍ എന്നിവയുള്‍പ്പെടെയുള്ള വിവിധ പുകവലി നിര്‍ത്തല്‍ പരിപാടികളും ഇടപെടലുകളും ആളുകളെ ഉപേക്ഷിക്കാന്‍ സഹായിക്കുന്നതില്‍ ഫലപ്രദമാണെന്ന് തെളിയിക്കപ്പെട്ടിട്ടുണ്ട്.
നേരത്തെയുള്ള രോഗനിര്‍ണ്ണയവും ചികിത്സയും
പതിവ് പരിശോധനകളിലൂടെ നേരത്തെയുള്ള കണ്ടെത്തല്‍ ശ്വാസകോശ രോഗങ്ങളുടെ ഫലങ്ങള്‍ ഗണ്യമായി മെച്ചപ്പെടുത്തും. പുകയില ഉപയോഗം മൂലമുണ്ടാകുന്ന ശ്വാസകോശ രോഗങ്ങള്‍ കൈകാര്യം ചെയ്യുന്നതിന് മരുന്ന്, ശസ്ത്രക്രിയ, ടാര്‍ഗെറ്റഡ് തെറാപ്പി എന്നിവ ഉള്‍പ്പെടെയുള്ള സമയബന്ധിതമായ ചികിത്സാ മാര്‍ഗ്ഗങ്ങളുണ്ട്.
ലോക പുകയില രഹിത ദിനത്തില്‍, പുകയില ഉപഭോഗം കുറയ്ക്കുന്നതിനുള്ള ആഗോള ശ്രമങ്ങളുടെ നിര്‍ണായക ആവശ്യകതയും ശ്വാസകോശാരോഗ്യത്തില്‍ അതിന്റെ വിനാശകരമായ ആഘാതവും നമുക്ക് ഊന്നിപ്പറയാം. അവബോധം വര്‍ധിപ്പിക്കുന്നതിലൂടെയും കര്‍ശനമായ നയങ്ങള്‍ നടപ്പിലാക്കുന്നതിലൂടെയും പുകവലി നിര്‍ത്തലിനുള്ള പിന്തുണ നല്‍കുന്നതിലൂടെയും നമുക്ക് പുകയില രഹിത ലോകത്തിനായി പരിശ്രമിക്കാം. ഓര്‍ക്കുക, പുകവലി ഉപേക്ഷിക്കുന്നത് അവരുടെ ശ്വാസകോശാരോഗ്യത്തിനും മൊത്തത്തിലുള്ള ക്ഷേമത്തിനും എടുക്കാവുന്ന ഏറ്റവും മികച്ച തീരുമാനമാണ്. നമുക്കും വരും തലമുറകള്‍ക്കും ആരോഗ്യകരമായ ഒരു ഭാവി കെട്ടിപ്പടുക്കാം.
പുതിയ ഒരു കൂട്ടം അപ്‌ഡേറ്റുകള്‍ അവതരിപ്പിച്ചിരിക്കുകയാണ് വാട്സാപ്പ്. ചാറ്റുകള്‍, കോളുകള്‍, ചാനല്‍ തുടങ്ങിയ ഫീച്ചറുകളുടെ അനുഭവം മെച്ചപ്പെടുത്തും വിധമാണ് പുതിയ മാറ്റങ്ങള്‍ അവതരിപ്പിച്ചിരിക്കുന്നത്. ടെലഗ്രാം, ഡിസ്‌കോര്‍ഡ് തുടങ്ങിയ വിപണിയിലെ എതിരാളികളെ വെല്ലുവിളിച്ചുകൊണ്ടാണ് പുതിയ നീക്കം.പുതിയ അപ്‌ഡേറ്റിലെ പ്രധാന മാറ്റം ഗ്രൂപ്പ് ചാറ്റുകള്‍ക്ക് മുകളില്‍ പ്രത്യക്ഷപ്പെടുന്ന ‘ഓണ്‍ലൈന്‍’ ഇന്‍ഡിക്കേറ്ററാണ്. ഗ്രൂപ്പില്‍ എത്രപേര്‍ ഓണ്‍ലൈനിലുണ്ടെന്ന് കാണിക്കുന്നതാണിത്. ചില നോട്ടിഫിക്കേഷനുകള്‍ ഹൈലൈറ്റ് ചെയ്യാനുള്ള സൗകര്യമാണ് മറ്റൊന്ന്. ഇതിനായി ‘നോട്ടിഫൈ ഫോര്‍’ എന്നൊരു സെറ്റിങ്‌സ് ഓപ്ഷന്‍ കൂടി കമ്പനി അവതരിപ്പിച്ചിട്ടുണ്ട്. ഇതില്‍ ഹൈലൈറ്റ്‌സ് തിരഞ്ഞെടുത്താല്‍ പ്രത്യേകം നോട്ടിഫിക്കേഷനുകള്‍ക്ക് പ്രാധാന്യം നല്‍കി കാണിക്കാന്‍ സാധിക്കും. ഉദാഹരണത്തിന് നിങ്ങളെ മെന്‍ഷന്‍ ചെയ്യുന്ന നോട്ടിഫിക്കേഷനുകള്‍, നിങ്ങളുടെ സന്ദേശങ്ങള്‍ക്ക് റിപ്ലൈ ചെയ്യുമ്പോള്‍, സേവ്ഡ് കോണ്‍ടാക്റ്റില്‍ നിന്നുള്ള മെസേജുകള്‍ തുടങ്ങി വിവിധ വിഭാഗങ്ങളായി നോട്ടിഫിക്കേഷനുകളെ വേര്‍തിരിച്ച് പ്രാധാന്യം നല്‍കാം. അല്ലെങ്കില്‍ എല്ലാ നോട്ടിഫിക്കേഷനുകളും അനുവദിക്കാം.
ഐഫോണില്‍ ഡോക്യുമെന്റുകള്‍ സ്‌കാന്‍ ചെയ്യാനും അയക്കാനും കഴിയുന്ന ഓപ്ഷനാണ് മറ്റൊന്ന്. ചാറ്റ് വിന്‍ഡോയിലെ അറ്റാച്ച്‌മെന്റ് ഓപ്ഷനില്‍ ഇതിനായുള്ള ഓപ്ഷന്‍ ലഭ്യമാവും. ഐഫോണ്‍ ഉപഭോക്താക്കള്‍ക്കായി തന്നെ മറ്റൊരു സൗകര്യം കൂടി മെറ്റ അനുവദിച്ചു. ഇനിമുതല്‍ ഐഫോണില്‍ ഡിഫോള്‍ട്ട് മെസേജിങ് ആപ്ലിക്കേഷനായും കോളിങ് ആപ്പ് ആയും വാട്സാപ്പ് ഉപയോഗിക്കാനാവും. വീഡിയോകോളുകള്‍ വിരലുകള്‍ ഉപയോഗിച്ച് സൂം ചെയ്യാനുള്ള സൗകര്യവും ഐഫോണിലെ വാട്‌സാപ്പില്‍ ലഭിക്കും.വീഡിയോകോളിന്റെ ഗുണനിലവാരം മെച്ചപ്പെടുത്തിയിട്ടുണ്ടെന്നാണ് കമ്പനി അവകാശപ്പെടുന്നത്. ഇതുവഴി കോള്‍ ഡ്രോപ്പ് ആവുന്നതും നിശ്ചലമാകുന്നതും ഇല്ലാതാവും.
ഗ്രൂപ്പ് ചാറ്റുകളില്‍ ഇവന്റുകള്‍ ക്രിയേറ്റ് ചെയ്യാനുള്ള സൗകര്യം ലഭ്യമാണ്. ഇനിമുതല്‍ രണ്ട് പേര് തമ്മിലുള്ള ചാറ്റിലും ഇവന്റ് ക്രിയേറ്റ് ചെയ്യാനാവും. ആര്‍എസ് വിപി ഓപ്ഷനില്‍ മേ ബീ എന്നൊരു ഓപ്ഷനും നല്‍കിയിട്ടുണ്ട്. ഇതോടൊപ്പം ഇവന്റുമായി ബന്ധപ്പെട്ട കൂടുതല്‍ വിവരങ്ങള്‍ നല്‍കാനുള്ള ഓപ്ഷനും വാട്സാപ്പ് കോള്‍ ലിങ്ക് ഉള്‍പ്പെടുത്താനുള്ള സൗകര്യവും ലഭ്യമാക്കിയിട്ടുണ്ട്. വാട്സാപ്പ് ചാനല്‍ ഫീച്ചറില്‍ മൂന്ന് അപ്‌ഡേറ്റുകളാണ് അവതരിപ്പിച്ചത്. അഡ്മിന്‍മാര്‍ക്ക് ഇനി ചെറിയ വീഡിയോകള്‍ റെക്കോര്‍ഡ് ചെയ്ത് ഫോളോവര്‍മാര്‍ക്ക് പങ്കുവെക്കാനാവും. ചാനലിലേക്കുള്ള പ്രത്യേക ക്യുആര്‍കോഡ് നിര്‍മിച്ച് പങ്കുവെക്കാനുള്ള സൗകര്യവും ഒരുക്കിയിട്ടുണ്ട്. ചാനലുകളിലെ ശബ്ദസന്ദേശങ്ങളുടെ ടെക്സ്റ്റ് സമ്മറിയും കാണാം.
Social
ചാറ്റിലെ ചിത്രങ്ങള്‍ സേവ് ചെയ്യാനാവില്ല- സ്വകാര്യത ഉറപ്പിക്കാന്‍ പുതിയ നീക്കവുമായി വാട്സാപ്പ്
വാട്സാപ്പിന്റെ ഐഒഎസ് വേര്‍ഷനിലെ ചാറ്റുകളുടെ സ്വകാര്യത ശക്തിപ്പെടുത്താന്‍ പുതിയ ഫീച്ചര്‍ ഒരുങ്ങുന്നു. ‘അഡ്വാന്‍സ്ഡ് ചാറ്റ് പ്രൈവസി’ എന്ന് പേര് നല്‍കിയിരിക്കുന്ന ഈ ഫീച്ചര്‍, നിങ്ങള്‍ അയക്കുന്ന മീഡിയ ഫയലുകള്‍ സ്വീകര്‍ത്താവിന്റെ ഫോണില്‍ സേവ് ആകുന്നത് തടയുന്നതടക്കമുള്ള സുരക്ഷാ സൗകര്യങ്ങള്‍ ഉള്‍ക്കൊള്ളുന്നതാണ്. ഈ ഫീച്ചര്‍ സജീവമാക്കിയാല്‍, നിങ്ങളുമായുള്ള ചാറ്റ് ഹിസ്റ്ററി മറ്റാര്‍ക്കും എക്സ്പോര്ട്ട് ചെയ്‌തെടുക്കാനും കഴിയില്ല.വാട്സാപ്പിന്റെ ഫീച്ചര്‍ ട്രാക്കിങ് വെബ്സൈറ്റായ വാബീറ്റാ ഇന്‍ഫോയുടെ റിപ്പോര്‍ട്ട് പ്രകാരം, ഐഒഎസിന്റെ അടുത്ത അപ്ഡേറ്റുകളിലൊന്നില്‍ ഈ ഫീച്ചര്‍ ലഭ്യമാകും. വാട്സാപ്പ് ഐ.ഒ.എസ് ബീറ്റാ പതിപ്പ് 25.10.10.70-ലാണ് ഈ ഫീച്ചര്‍ ആദ്യമായി കണ്ടെത്തിയതെന്നും റിപ്പോര്‍ട്ടില്‍ പറയുന്നു.ഈ ഫീച്ചര്‍ ഉപയോക്താക്കള്‍ക്ക് ആപ്പ് സെറ്റിംഗ്സ് വഴി ഇഷ്ടാനുസരണം ആക്ടിവേറ്റ് ചെയ്യാം. ഇത് ആക്ടിവേറ്റ് ചെയ്താല്‍, നിങ്ങള്‍ അയച്ച മീഡിയ ഫയലുകള്‍ സ്വീകര്‍ത്താവിന് അവരുടെ ഫോണില്‍ സേവ് ചെയ്യാന്‍ സാധിക്കില്ല. മീഡിയ ഫയല്‍ ഗാലറിയിലേക്ക് സേവ് ചെയ്യാന്‍ ശ്രമിച്ചാല്‍, ‘അഡ്വാന്‍സ്ഡ് ചാറ്റ് പ്രൈവസി ഓണ്‍ ആണ്, ഇത് മീഡിയ ഓട്ടോ-സേവ് ആകുന്നത് തടയുന്നു’ എന്ന സന്ദേശം പോപ്പ്-അപ്പായി ദൃശ്യമാകും. ചാറ്റ് ഹിസ്റ്ററി എക്സ്പോര്ട്ട് ചെയ്യുന്നത് തടയുമെന്നതാണ് ഈ ഫീച്ചറിന്റെ മറ്റൊരു പ്രധാന സവിശേഷത. ഈ ഫീച്ചര്‍ ആക്ടിവേറ്റ് ചെയ്താല്‍, നിങ്ങളുമായുള്ള ചാറ്റ് സ്വീകര്‍ത്താവിന് എക്സ്പോര്ട്ട് ചെയ്യാന്‍ കഴിയാതെ വരും. ആന്‍ഡ്രോയിഡ് ഉപയോക്താക്കള്‍ക്കായും സമാനമായ ഫീച്ചര്‍ വാട്സാപ്പ് വികസിപ്പിച്ചു വരുന്നുണ്ട്. നിലവില്‍ നിര്‍മാണ ഘട്ടത്തിലുള്ള ഈ ഫീച്ചര്‍, നിരവധി പരീക്ഷണങ്ങള്‍ക്ക് ശേഷമാകും എല്ലാ ഉപയോക്താക്കള്‍ക്കും ലഭ്യമാവുക. സ്വകാര്യതയ്ക്ക് കൂടുതല്‍ മുന്‍ഗണന നല്‍കുന്ന ഈ പുതിയ ഫീച്ചര്‍ വാട്സാപ്പ് ഉപയോഗം കൂടുതല്‍ സുരക്ഷിതമാക്കുമെന്നാണ് പ്രതീക്ഷിക്കപ്പെടുന്നത്.
വാട്സാപ്പ് സ്റ്റാറ്റസ് അപ്‌ഡേറ്റില്‍ ഇനി പാട്ടുകളും ചേര്‍ക്കാം. കഴിഞ്ഞദിവസത്തെ അപ്‌ഡേറ്റിലൂടെയാണ് വാട്സാപ്പ് സ്റ്റാറ്റസില്‍ സംഗീതവും ചേര്‍ക്കാനുള്ള ഫീച്ചര്‍ അവതരിപ്പിച്ചത്. നിലവില്‍ ഇന്‍സ്റ്റഗ്രാം സ്റ്റോറിയില്‍ ലഭ്യമായതിന് സമാനമായ ഫീച്ചറാണ് വാട്‌സാപ്പിലും നല്‍കിയിരിക്കുന്നത്.പുതിയ അപ്‌ഡേറ്റിന് പിന്നാലെ വാട്സാപ്പ് സ്റ്റാറ്റസ് പോസ്റ്റ് ചെയ്യുന്നവേളയില്‍ പാട്ടുകള്‍ ചേര്‍ക്കാനുള്ള ഓപ്ഷനും ലഭ്യമായിട്ടുണ്ട്. വാട്‌സാപ്പില്‍ ‘ആഡ് സ്റ്റാറ്റസ്’ ക്ലിക്ക് ചെയ്ത് സ്റ്റാറ്റസായി പോസ്റ്റ് ചെയ്യാനുള്ള ചിത്രമോ വീഡിയോയോ തിരഞ്ഞെടുത്താല്‍ മുകളിലായി ‘മ്യൂസിക് നോട്ടി’ന്റെ ചിഹ്നം കാണാം. ഇതില്‍ ക്ലിക്ക് ചെയ്താല്‍ നിരവധി പാട്ടുകളുള്ള മ്യൂസിക് ല്രൈബറിയില്‍നിന്ന് ഇഷ്ടമുള്ള പാട്ടുകള്‍ തിരഞ്ഞെടുക്കാം. സ്റ്റാറ്റസുകളില്‍ പങ്കുവെയ്ക്കുന്ന പാട്ടുകള്‍ ‘എന്‍ഡ്-ടു-എന്‍ഡ്’ എന്‍ക്രിപ്റ്റഡ് ആയതിനാല്‍ ഉപഭോക്താക്കള്‍ പങ്കിടുന്ന പാട്ടുകള്‍ വാട്‌സാപ്പിന് കാണാനാകില്ലെന്നും ഉപഭോക്താക്കളുടെ സുഹൃത്തുക്കള്‍ക്ക് മാത്രമേ കാണാനാവുകയുള്ളൂവെന്നും പുതിയ അപ്‌ഡേറ്റ് സംബന്ധിച്ച് വാട്സാപ്പ് അറിയിച്ചു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്‌ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur2 years ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News1 year ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
-
Breaking News2 years ago
പേരാവൂര്‍ കുനിത്തലയില്‍ പടക്കവില്പന ശാലക്ക് സമീപത്തെ സംഘര്‍ഷം;നാലു പേര്‍ക്കെതിരെ കേസ്
