രാ​ഹു​ൽ ഗാ​ന്ധി​യെ ശി​ക്ഷി​ച്ച ജ​ഡ്ജി​യു​ൾ​പ്പെ​ടെ​യു​ള്ള 68 പേ​രു​ടെ സ്ഥാ​ന​ക്ക​യ​റ്റം സ്റ്റേ ​ചെ​യ്ത് സു​പ്രീം​കോ​ട​തി

ഗു​ജ​റാ​ത്ത്: 68 ജ​ഡ്ജി​മാ​ർ​ക്ക് സ്ഥാ​ന​ക്ക​യ​റ്റം ന​ൽ​കി ജി​ല്ലാ ജ​ഡ്ജി​മാ​രാ​യി നി​യ​മി​ക്കാ​നു​ള്ള ഗു​ജ​റാ​ത്ത് സ​ർ​ക്കാ​രി​ന്‍റെ ന​ട​പ​ടി സ്റ്റേ ​ചെ​യ്ത് സു​പ്രീം കോ​ട​തി.

ജി​ല്ലാ ജ​ഡ്ജി​മാ​രു​ടെ സ്ഥാ​ന​ക്ക​യ​റ്റം സം​ബ​ന്ധി​ച്ച കേ​സ് കോ​ട​തി​യു​ടെ പ​രി​ഗ​ണ​ന​യി​ൽ നി​ൽ​ക്കെ വി​ജ്ഞാ​പ​നം ഇ​റ​ക്കി​യ​തി​നാ​ണ് സു​പ്രീം കോ​ട​തി​യു​ടെ ന​ട​പ​ടി. വി​ജ്ഞാ​പ​നം ഇ​റ​ക്കി​യ​ത് അ​ധി​കാ​ര​ത്തി​ൻ​മേ​ലു​ള്ള ക​ട​ന്നു​ക​യ​റ്റ​മാ​ണെ​ന്ന് സു​പ്രീം കോ​ട​തി ചൂ​ണ്ടി​ക്കാ​ട്ടി.

മോ​ദി പ​രാ​മ​ർ​ശ​ത്തെ തു​ട​ർ​ന്നു​ള്ള അ​പ​കീ​ർ​ത്തി​ക്കേ​സി​ൽ കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി​ക്ക് ര​ണ്ട് വ​ർ​ഷം ത​ട​വു​ശി​ക്ഷ വി​ധി​ച്ച ചീ​ഫ് ജു​ഡീ​ഷ്യ​ൽ മ​ജി​സ്ട്രേ​ട്ട് ഹ​രീ​ഷ് ഹ​സ്മു​ഖ് ഭാ​യ് വ​ർ​മ (എ​ച്ച്.​എ​ച്ച്.​വ​ർ​മ) ഉ​ൾ​പ്പെ​ടെ 68 പേ​രെ​യാ​ണ് ജി​ല്ലാ ജ​ഡ്ജി​മാ​രാ​ക്കി നി​യ​മി​ക്കാ​ൻ ഗു​ജ​റാ​ത്ത് സ​ർ​ക്കാ​ർ ന​ട​പ​ടി​യെ​ടു​ത്ത​ത്.

സൂ​റ​ത്ത് മ​ജി​സ്ട്രേ​റ്റ് കോ​ട​തി ജ​ഡ്ജി​യാ​യ എ​ച്ച്.​എ​ച്ച്. വ​ർ​മ​യ്ക്ക് രാ​ജ്കോ​ട്ട് ജി​ല്ലാ ജ​ഡ്ജി​യാ​യാ​ണ് സ്ഥാ​ന​ക്ക​യ​റ്റം ന​ൽ​കി​യി​രു​ന്ന​ത്. 65 ശ​ത​മാ​നം പ്ര​മോ​ഷ​ൻ ക്വോ​ട്ട​യി​ൽ സ്ഥാ​ന​ക്ക​യ​റ്റം ന​ൽ​കാ​നു​ള്ള പ​ട്ടി​ക​യി​ൽ വ​ർ​മ ഉ​ൾ​പ്പെ​ട്ടി​രു​ന്നു. 200 ൽ 127 ​മാ​ർ​ക്കാ​ണ് ഇ​ദ്ദേ​ഹ​ത്തി​നു ല​ഭി​ച്ച​ത്.

കോ​ലാ​റി​ൽ ന​ട​ത്തി​യ പ്ര​സം​ഗ​ത്തി​നി​ടെ മോ​ഷ്ടാ​ക്ക​ൾ​ക്കെ​ല്ലാം മോ​ദി​യെ​ന്നു പേ​രു​ള്ള​ത് എ​ന്തു​കൊ​ണ്ട് എ​ന്നാ​യി​രു​ന്നു രാ​ഹു​ലി​ന്‍റെ പ​രാ​മ​ർ​ശം.

ഈ ​പ​രാ​മ​ർ​ശം മോ​ദി​യെ​ന്നു പേ​രു​ള്ള​വ​രെ അ​പ​കീ​ർ​ത്തി​പ്പെ​ടു​ത്തി​യെ​ന്ന കേ​സി​ലാ​യി​രു​ന്നു രാ​ഹു​ലി​ന് ശി​ക്ഷ ല​ഭി​ച്ച​ത്. തു​ട​ർ​ന്ന് അ​ദ്ദേ​ഹ​ത്തി​ന് ലോ​ക്സ​ഭാം​ഗ​ത്വം ന​ഷ്ട​മാ​യി. ഈ ​വി​ധി സ്റ്റേ ​ചെ​യ്യ​ണ​മെ​ന്ന ആ​വ​ശ്യം നേ​ര​ത്തെ സൂ​റ​ത്തി​ലെ സെ​ഷ​ൻ​സ് കോ​ട​തി നി​ര​സി​ച്ചി​രു​ന്നു.