കംപ്രസർ പമ്പ് ഉപയോഗിച്ച് മലദ്വാരത്തിൽ കാറ്റടിച്ച് യുവാവിനെ കൊലപ്പെടുത്തി; സഹപ്രവ‌ർത്തകൻ അറസ്റ്റിൽ
പെരുമ്പാവൂർ: കംപ്രസർ പമ്പ് ഉപയോഗിച്ച് മലദ്വാരത്തിൽ കാറ്റടിച്ചതിനെ തുടർന്ന് യുവാവ് മരിച്ചു. പെരുമ്പാവൂരിൽ ജോലിക്കെത്തിയ അന്യസംസ്ഥാന തൊഴിലാളിയാണ് കൊല്ലപ്പെട്ടത്. പെരുമ്പാവൂർ മലമുറി മരിയൻ പ്ലെെവുഡ് കമ്പനിയിലെ ജീവനക്കാരനായ അസം സ്വദേശി മിന്റുവാണ് മരിച്ചത്.
സംഭവവുമായി ബന്ധപ്പെട്ട് ഒപ്പം ജോലി ചെയ്തിരുന്ന സിദ്ധാർത്ഥിനെ കുറുപ്പംപടി പൊലീസ് അറസ്റ്റ് ചെയ്തു. കുഴഞ്ഞുവീണെന്ന് പറഞ്ഞാണ് തൊഴിലാളികൾ മിന്റുവിനെ ആസ്പത്രിയിൽ എത്തിച്ചത്.
അസ്വാഭാവികത തോന്നി വിശദമായി അന്വേഷിച്ചപ്പോഴാണ് മരണ കാരണം വ്യക്തമായത്. ഇതിന് പിന്നാലെയാണ് പൊലീസ് സിദ്ധാർത്ഥിനെ അറസ്റ്റ് ചെയ്തത്.
