Kerala
നഷ്ടങ്ങളുടെ ഓർമ്മകളുമായി ‘അത്ഭുത ബാലനെത്തി’; അരനൂറ്റാണ്ടുകൾക്കിപ്പുറം സങ്കടം മാറാതെ ജനാർദനൻ
തൃശ്ശൂർ: അനുവാദമില്ലാതെ കടക്കരുതെന്നെഴുതിയ വാതിൽ തളളിത്തുറന്നുവന്ന സുകുമാരനെ ആ എഴുപത്തിയഞ്ചുകാരന് ഓർമവന്നില്ല. അഞ്ചേരിച്ചിറക്കാരനാണെന്നും നമ്മള് തമ്മിലൊരു ബന്ധമുണ്ടെന്നും പറഞ്ഞുതുടങ്ങിയപ്പോൾ നടുങ്ങി, തല താഴ്ന്നു.
മറിഞ്ഞ ബസിൽനിന്ന് വെള്ളത്തിൽ മുങ്ങിത്താഴുന്ന കൈക്കുഞ്ഞിനെ കോരിയെടുത്തത് മനസ്സിൽ മിന്നി. ദേഷ്യമോ പ്രതികാരമോ ഇല്ലെന്നും വെറുതേ കാണാൻ മാത്രം വന്നതാണെന്നും അന്നത്തെ ആ കുട്ടി പറഞ്ഞപ്പോൾ നെഞ്ചിലെ ഭാരം അല്പം കുറഞ്ഞു.
തൃശ്ശൂർ പുഴയ്ക്കലിൽ വെള്ളത്തിലേക്കു മറിഞ്ഞ ബസിൽനിന്ന് അദ്‌ഭുതകരമായി രക്ഷപ്പെട്ട എട്ടുമാസം പ്രായമുള്ള കുഞ്ഞാണ് വര്‍ഷങ്ങള്‍ക്ക് ശേഷം ബസ് ഓടിച്ചിരുന്ന ഡ്രൈവർ ജനാർദനനെ തേടിയെത്തിയത്. പത്തുപേർ മരിച്ച പുഴക്കൽ ബസപകടത്തിന് അടുത്ത വർഷം അമ്പതാണ്ടു തികയും.
അപകടത്തിൽനിന്ന് രക്ഷപ്പെട്ട ‘അദ്‌ഭുത ശിശു’വെന്ന് മാധ്യമങ്ങൾ വിശേഷിപ്പിച്ച സുകുമാരൻ ഇന്ന് വണ്ടിയോടിക്കാൻ പരിശീലിപ്പിക്കുന്നയാളാണ്.
അന്ന് കാണാനും അറിയാനുമുള്ള പ്രായമായിരുന്നില്ലെങ്കിലും 49 വർഷത്തിനിടെ ആ ബസപകടം ഓർമിക്കാതെ ഒരു ദിവസംപോലും കടന്നുപോയിട്ടില്ലെന്ന് സുകുമാരൻ പറയുന്നു. അപകടത്തെക്കുറിച്ചുള്ള വിവരങ്ങളറിയാനാണ് ജനാർദനനെ അന്വേഷിച്ചിറങ്ങിയത്.
സുകുമാരന്റെ മൂന്നു സഹോദരങ്ങളെയും ആ അപകടം കവർന്നിരുന്നു. അച്ഛൻ ശ്രീധരൻ നീന്തിക്കയറി. അമ്മ തങ്കമണിയുടെ തലയ്ക്ക് ഗുരുതര പരിക്കേറ്റു. വളർക്കാവിലെ തറവാട്ടുവീട്ടിലെ മൂന്നു കുഞ്ഞു മൺകൂനകൾക്കരികെ കരയുന്ന അമ്മയെക്കുറിച്ച്‌ പറഞ്ഞറിവേയുള്ളൂ സുകുമാരന്.
1974 ജനുവരി 25-ന് താണിക്കുടം ഉത്സവത്തിന്റെ പറയെടുപ്പിനായാണ് തങ്കമണിയുടെ പുറനാട്ടുകരയിലെ വീട്ടിലേക്ക്‌ ഭർത്താവ് ശ്രീധരനും മക്കളായ സുരേഷ് (7), സുമ(5), സുധാകരൻ(3), സുകുമാരൻ (എട്ടുമാസം) എന്നിവരുമായി വടക്കേ സ്റ്റാൻഡിൽനിന്ന് ‘ഓലക്കട’യെന്ന ബസിൽ കയറിയത്.
സംഭവദിവസം പത്രത്തിൽ വന്ന വാർത്ത
പുഴയ്ക്കലിൽ പാലത്തിനു താഴെ കൃഷിയാവശ്യത്തിന്‌ വെള്ളം കെട്ടിനിർത്തിയിരുന്നു. 18 അടിയോളം ആഴമുണ്ടായിരുന്നു അവിടെ. ഇടുങ്ങിയ പാലത്തിൽ കാറിന് വഴികൊടുക്കുന്നതിനിടെ ഹമ്പിൽത്തട്ടി ബസ് മറിഞ്ഞെന്നാണ് അന്ന് ഒന്നാം പേജിലെ വാർത്തയിലുള്ളത്.
എന്നാൽ, 54 മോഡൽ ബെൻസ് ബസിന്റെ ബ്രേക്ക്‌ നഷ്ടമായതാണെന്നും കഴിയുന്നവരെല്ലാം രക്ഷപ്പെടൂവെന്ന് താൻ അലറിയിരുന്നെന്നും അന്ന് 24 വയസ്സുകാരനായിരുന്ന ജനാർദനൻ പറയുന്നു. ബസ് മുങ്ങാനുള്ള വെള്ളം ഉണ്ടായിരുന്നു. ചെറിയ ഒഴുക്കും. മറിഞ്ഞയുടൻ പിറകിലെ ഗ്ലാസ് തകർത്ത് പുറത്തെത്തി കുറേപ്പേരെ വലിച്ച് രക്ഷപ്പെടുത്തി. അതിനിടെയാണ് വെള്ളത്തിൽനിന്ന് പിഞ്ചുകുഞ്ഞിനെ കിട്ടിയത്.
ജനാർദനെ കോടതി ഒരു വർഷത്തേക്ക്‌ ശിക്ഷിച്ചു. പിഴയടച്ച് തടവുശിക്ഷ ഒഴിവാക്കാമായിരുന്നെങ്കിലും എട്ടുമാസം കണ്ണൂരിൽ ജയിലിൽക്കഴിഞ്ഞു. രണ്ടു കുഞ്ഞുകുട്ടികളുമായി ഭാര്യ ഏറെ കഷ്ടപ്പെട്ടു. ഇപ്പോൾ പൂത്തൂർ സെന്ററിൽ ആയുർവേദ മരുന്നുകട നടത്തുകയാണ്. ഹൃദ്രോഗിയായ ഭാര്യയ്ക്കും തനിക്കും മരുന്നുവാങ്ങാനുള്ള വരുമാനമൊക്കണമെന്ന ആശയേയുള്ളൂ.
അപകടദിവസം ആസ്പത്രിയിലെത്തിയ മുഖ്യമന്ത്രി അച്യുതമേനോൻ, രക്ഷപ്പെട്ട കുഞ്ഞിന് സൗജന്യവിദ്യാഭ്യാസവും സർക്കാർജോലിയും പ്രഖ്യാപിച്ചിരുന്നു. തീരാവേദനയിലായ കുടുംബത്തിന്‌ പക്ഷേ, അക്കാര്യം അന്വേഷിക്കാനൊന്നുമായില്ല.
സുകുമാരനു താഴെ പിറന്ന രണ്ട് മക്കൾക്ക് അപകടത്തിൽ നഷ്ടമായ സുരേഷിന്റെയും സുമയുടെയും പേരാണ്. ശ്രീധരൻ കുറച്ചുവർഷംമുമ്പ് മരിച്ചു. അഞ്ചേരിച്ചിറിയിൽ ഐശ്വര്യ ഡ്രൈവിങ് സ്കൂൾ നടത്തുകയാണ് സുകുമാരൻ.
ശബരിമല : മണ്ഡല-മകരവിളക്ക് തീര്‍ഥാടനത്തിനായി ശബരിമലയിൽ ജനുവരി 18 വരെ 52 ലക്ഷം തീർഥാടകർ എത്തി. തീർഥാടകകാലം ശുഭകരമായി പൂര്‍ത്തിയാക്കിയതായി ദേവസ്വം ബോര്‍ഡ് പ്രസിഡന്റ് അഡ്വ. പി എസ് പ്രശാന്ത് പറഞ്ഞു. ദേവസ്വം ബോര്‍ഡിന്റെ നേതൃത്വത്തില്‍ 25 ലക്ഷത്തിലധികം തീർഥാടകര്‍ക്ക് ഭക്ഷണം നല്‍കി. തുടക്കത്തില്‍ 40 ലക്ഷത്തോളം അരവണ കരുതല്‍ ശേഖരം ഉണ്ടായിരുന്നു.ഇരുമുടിക്കെട്ടില്‍ പ്ലാസ്റ്റിക് ഒഴിവാക്കണമെന്ന തന്ത്രിയുടെ നിര്‍ദേശം പ്രയോജനപ്പെട്ടു. വസ്ത്രങ്ങള്‍ പമ്പയില്‍ ഉപേക്ഷിക്കുന്നതിലും കുറവ് വന്നു. പ്രാഥമിക കണക്കുകള്‍ പ്രകാരം മുന്‍ വര്‍ഷത്തേക്കാള്‍ 10 ലക്ഷത്തിലധികം തീര്‍ഥാടകര്‍ ദര്‍ശനത്തിനെത്തി. വരുമാനത്തിലും ഗണ്യമായ വര്‍ധനവ് ഉണ്ടായി. വിവിധ സര്‍ക്കാര്‍ വകുപ്പുകള്‍, ദേവസ്വം ബോര്‍ഡ്, സന്നദ്ധ, സാമുദായിക, രാഷ്ട്രീയ സംഘടനകള്‍, മാധ്യമങ്ങള്‍ തുടങ്ങിയവയുടെ കൂട്ടായ പ്രവര്‍ത്തനത്തിന്റെ ഫലമാണിത്.
തീര്‍ഥാടനവുമായി ബന്ധപ്പെട്ട് ആദ്യഘട്ട യോഗങ്ങളില്‍ മുഖ്യമന്ത്രി പിണറായി വിജയന്‍ നേരിട്ട് പങ്കെടുത്ത് നിര്‍ദേശങ്ങള്‍ നല്‍കി. ഓരോ ഘട്ടത്തിലും മന്ത്രി വി എന്‍ വാസവന്റെ നേതൃത്വത്തില്‍ യോഗം ചേര്‍ന്ന് ക്രമീകരണങ്ങള്‍ നടപ്പാക്കി. വിവിധ വകുപ്പ് മന്ത്രിമാരുടെ അധ്യക്ഷതയിലും യോഗങ്ങള്‍ നടന്നു. വാഹന പാര്‍ക്കിങ്, തീര്‍ഥാടകര്‍ക്ക് നില്‍ക്കുന്നതിനും വിരി വയ്ക്കുന്നതിനുമുള്ള പന്തലുകള്‍ , അന്നദാനം, കുടിവെള്ളം, പ്രസാദവിതരണം, ഗതാഗതം തുടങ്ങി എല്ലാ മേഖലകളിലും മികച്ച സൗകര്യം ഒരുക്കി. നിലയ്ക്കലും എരുമേലിയിലും അധികമായി പാര്‍ക്കിങ് കേന്ദ്രങ്ങള്‍ സജ്ജമാക്കി.പൊലിസിന്റെ കൃത്യവും ശാസ്ത്രീയവുമായ ഇടപെടലിലൂടെ തിരക്ക് കാര്യക്ഷമമായി നിയന്ത്രിച്ചു. പതിനെട്ടാം പടിയിലെ പൊലീസുകാരുടെ പ്രവര്‍ത്തന സമയം 15 മിനിറ്റാക്കി കുറച്ചതിലൂടെ ഒരു മിനിറ്റില്‍ 85 തീര്‍ഥാടകരെ വരെ കയറ്റിവിടാനായി. സോപാനത്തിന് മുമ്പിലുള്ള ദര്‍ശനക്രമീകരണവും ഫലപ്രദമായിരുന്നു. തീര്‍ഥാടകരോടുള്ള പൊലീസിന്റെ പെരുമാറ്റവും കുട്ടികള്‍ക്കും വയോധികര്‍ക്കും ദര്‍ശനസൗകര്യം ഉറപ്പാക്കുന്ന പ്രവര്‍ത്തനങ്ങളും ശ്ലാഘനീയമായിരുന്നുവെന്നും പ്രസിഡന്റ് പറഞ്ഞു.
അടുത്തിടെ യുവാക്കളിലുണ്ടാകുന്ന അകാല മരണത്തിന് ഫാസ്റ്റ് ഫുഡ് ഭക്ഷണശീലം കാരണമാകുന്നുണ്ടെന്ന പഠനവുമായി മഞ്ചേരി മെഡിക്കല്‍ കോളേജ് വിദ്യാര്‍ഥികള്‍.അവസാനവര്‍ഷ എം.ബി.ബി.എസ് വിദ്യാര്‍ഥികളായ എസ്. അജയ്, ആര്‍.എസ് ആര്യ രാജ്, പി. പി അപര്‍ണ എന്നിവര്‍ 2024 ജനുവരി ഒന്നിനും ഡിസംബര്‍ 31-നുമിടയില്‍ നടത്തിയ പഠനം ‘ഓര്‍ഗന്‍ സഡന്‍ഡെത്ത് സ്റ്റഡി’ എന്നപേരിലാണ് അവതരിപ്പിച്ചത്.മൂന്ന് സംഘമായി പിരിഞ്ഞായിരുന്നു പഠനം. മരിച്ചവരുടെ വീട്ടുകാര്‍, സുഹൃത്തുക്കള്‍, പൊലീസ് ഉദ്യോഗസ്ഥര്‍ എന്നിവരില്‍ നിന്ന് തെളിവുകള്‍ ശേഖരിച്ചു. പോസ്റ്റ്‌മോര്‍ട്ടം റിപ്പോര്‍ട്ടുകളും ശാസ്ത്രീയ തെളിവുകളും ഉപയോഗപ്പെടുത്തി. ഉറങ്ങുന്നതിനുതൊട്ടുമുൻ പ് ഭക്ഷണം കഴിക്കുന്നത് അനാരോഗ്യകരമാണെന്നും ശരിയായ ഭക്ഷണക്രമം ഹൃദ്രോഗസാധ്യത കുറയ്ക്കുന്നുവെന്നും പഠനത്തില്‍ പറയുന്നു.
പഠനം നടന്നവയില്‍ 31 മരണവും ഹൃദയാഘാതത്തിലൂടെയാണ്. ഫാസ്റ്റ് ഫുഡിന്റെ അമിതമായ ഉപയോഗം ഹൃദയധമനികളില്‍ കൊഴുപ്പ് അടിഞ്ഞുകൂടാന്‍ കാരണമാകുന്നുവെന്നും ഇത് ഓക്‌സിജന്‍ വിതരണം തടസ്സപ്പെടുത്തുന്നുവെന്നും റിപ്പോര്‍ട്ടിലുണ്ട്. മരിച്ചവരുടെ വയറില്‍ എണ്ണയില്‍ പൊരിച്ച ഇറച്ചി ഉള്‍പ്പെടെയുള്ളവ ദഹിക്കാത്ത രൂപത്തിലാണെന്നും പറയുന്നു.രാത്രി പത്തിനും രാവിലെ ആറിനുമിടയിലാണ് ഇവരുടെ മരണം സംഭവിച്ചത്. രാത്രികാലങ്ങളില്‍ വിശ്രമിക്കേണ്ട ഹൃദയം ഭക്ഷണത്തിന്റെ ദഹനപ്രക്രിയക്കായി അമിതഭാരമേറ്റെടുത്തുവെന്നും റിപ്പോര്‍ട്ടിലുണ്ട്. ആറുമാസമെടുത്താണ് റിപ്പോര്‍ട്ട് തയ്യാറാക്കിയത്.
Kerala
ആരും പരിഭ്രാന്തരാകരുത്, സംസ്ഥാനത്ത് വിവിധയിടങ്ങളിൽ നാളെ സൈറൺ മുഴങ്ങും; മുഖ്യമന്ത്രി ‘കവച്’ നാടിന് സമർപ്പിക്കും
തിരുവനന്തപുരം: കേരള വാണിംഗ്സ് ക്രൈസിസ് ആന്‍ഡ് ഹസാര്‍ഡ് മാനേജ്മെന്റ് സിസ്റ്റം (ദുരന്ത സാധ്യത മുന്നറിയിപ്പ് സംവിധാനം) നാളെ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ‘കവചം’ മുന്നറിയിപ്പ് സൈറണുകളുടെ ഉദ്ഘാടനം നാളെ വൈകുന്നേരം അഞ്ചിനാണ് നടക്കുക. ദേശീയ ദുരന്ത നിവാരണ അതോറിറ്റി, ലോകബാങ്ക് എന്നിവയുടെ സഹായത്തോടെ, സംസ്ഥാന ദുരന്ത നിവാരണ അതോറിറ്റിയാണ് മുന്നറിയിപ്പ് സംവിധാനം തയ്യാറാക്കിയത്. ഉദ്ഘാടന ദിവസമായ നാളെ വൈകീട്ട് 5 ന് ശേഷം പരീക്ഷണാടിസ്ഥാനത്തില്‍ സൈറണുകള്‍ മുഴങ്ങും ജനങ്ങള്‍ പരിഭ്രാന്തരാകേണ്ടതില്ലെന്ന് സംസ്ഥാന ദുരന്തനിവാരണ അതോറിറ്റി അറിയിച്ചു.
-
Local News2 years agoപേരാവൂർ സ്വദേശിനിയായ അധ്യാപിക തീപ്പൊള്ളലേറ്റ് മരിച്ച നിലയിൽ
-
Breaking News2 years ago
ലാപ്ടോപ്പിൽ 80 സ്ത്രീകളുടെ അശ്ലീല ദൃശ്യങ്ങൾ; വയനാട്ടിൽ നിന്ന് മടങ്ങും വഴി പള്ളി വികാരി പിടിയിൽ,
-
PERAVOOR2 years ago
പേരാവൂർ സ്വദേശിനിയായ യുവതി സെർബിയയിൽ അന്തരിച്ചു
-
KOLAYAD2 years ago
കോളയാട് മേനച്ചോടിയിൽ അമ്മയ്ക്കും രണ്ട് മക്കൾക്കും വെട്ടേറ്റ് ഗുരുതര പരിക്ക്
-
Kannur1 year ago
പേരാവൂരിലെ ട്രസ്റ്റിന്റെ ഫാമിൽ വൻ വ്യാജവാറ്റ്; 1200 ലിറ്റർ വാഷും 40 ലിറ്റർ ചാരായവും പിടികൂടി
-
Kannur2 years ago
വിദ്യാർത്ഥികളെ പ്രകൃതി വിരുദ്ധ പീഡനത്തിനിരയാക്കിയ മദ്രസ അധ്യാപകനെതിരെ കണ്ണവം പോലീസ് കേസെടുത്തു
-
Breaking News2 years ago
പേരാവൂര് കുനിത്തലയില് പടക്കവില്പന ശാലക്ക് സമീപത്തെ സംഘര്ഷം;നാലു പേര്ക്കെതിരെ കേസ്
-
Breaking News10 months ago
പേരാവൂരിൽ ഭാര്യയെ ഭർത്താവ് വെട്ടിക്കൊന്നു
