പേരാവൂർ : ശുഹൈബ് വധക്കേസിലെ പ്രതി ആകാശ് തില്ലങ്കേരിക്ക് ജയിലിൽ മണിയറ ഒരുക്കി കൊടുത്ത പിണറായി വിജയൻ കേരളത്തിലെ ആദ്യത്തെ കൂട്ടിക്കൊടുപ്പുകാരനായ മുഖ്യമന്ത്രിയായത് ആകാശിന് വേണ്ടിയാണെന്ന് യൂത്ത് കോൺഗ്രസ് സംസ്ഥാന ഉപാധ്യക്ഷൻ റിജിൽ മാക്കുറ്റി ആരോപിച്ചു.യൂത്ത് കോൺഗ്രസ് പേരാവൂർ മണ്ഡലം കമ്മിറ്റി സംഘടിപ്പിച്ച ശുഹൈബ്, ശരത്ത് ലാൽ, കൃപേഷ് രക്തസാക്ഷിത്വ അനുസ്മരണ പൊതുയോഗം പേരാവൂരിൽ ഉദ്ഘാടനം ചെയ്ത് സംസാരിക്കുകയായിരുന്നു റിജിൽ.

കണ്ണൂർ ജയിലിൽ പോലീസിന്റെയും ജയിൽ വാർഡന്റെയും സാന്നിധ്യത്തിൽ സൂപ്രണ്ടിന്റെ റൂമിന്റെ അടുത്ത് എട്ട് മണിക്കൂർ സല്ലപിക്കാൻ സൗകര്യം ചെയ്ത് കൊടുത്തത് പിണറായിയാണ്. കൊലയാളികൾക്ക് കാമുകിമാരെ കൂട്ടിക്കൊടുത്തത് പിണറായി വിജയനാണ്.ആകാശ് തില്ലങ്കേരിക്ക് ജയിലിൽ ക്രിക്കറ്റ് കളിക്കാൻ വരെ സൗകര്യം ഒരുക്കിക്കൊടുത്തുവെന്നും റിജിൽ ആരോപിച്ചു.

ആകാശും ആയങ്കിയും മോഷ്ടിക്കുന്ന സ്വർണത്തിന്റെ ഒരു പങ്ക് പറ്റുന്നത് ഡി.വൈ.എഫ്.ഐ നേതാവ് ഷാജറാണെന്നും റിജിൽ മാക്കുറ്റി ആരോപിച്ചു.പേരാവൂർ നിയോജക മണ്ഡലം പ്രസിഡന്റ് സോനു വല്ലത്തുകാരൻ അധ്യക്ഷത വഹിച്ചു.

ദേശീയ കോ -ഓർഡിനേറ്റർ കെ. എസ്. അഖിൽ,ജില്ലാ പ്രസിഡൻ്റ് സുദീപ് ജെയിംസ്, ജില്ലാ വൈസ് പ്രസിഡൻറ് ദിലീപ് മാത്യു, ജില്ലാ സെക്രട്ടറിമാരായ ശരത്ചന്ദ്രൻ,കെ. എസ്. ശ്രീകാന്ത്, സുമേഷ്കുമാർ, ജിജോ ആൻ്റണി, നിവിൽ മാനുവൽ,ഷോബിൻ തോമസ്, ഷാനിദ് പുന്നാട്, കോൺഗ്രസ് ബ്ലോക്ക് പ്രസിഡൻറുമാരായ സുരേഷ് ചാലാറത്ത്, തോമസ് വർഗ്ഗീസ്,കോൺഗ്രസ് മണ്ഡലം പ്രസിഡൻറ് ജൂബിലി ചാക്കോ, യൂത്ത് ലീഗ് ബ്ലോക്ക് പ്രസിഡൻ്റ് സിറാജ് പൂക്കോത്ത്, യൂത്ത് കോൺഗ്രസ് ബ്ലോക്ക് ഭാരവാഹികളായ റാഷിദ് പുന്നാട്, ഹനീഫ കാരക്കുന്ന്, ജോബീഷ് ജോസഫ്, ജോബീഷ് പോൾ,കെ. സാജിർ, ഷിബു പിണാക്കിനാട്ട്,മണ്ഡലം പ്രസിഡൻ്റുമാരായ കെ.അജ്നാസ്, നിതിൻ നടുവനാട്, സിനോ ജോസ്, ഫൈനാസ് എന്നിവർ സംസാരിച്ചു.