സാങ്കേതിക സർവകലാശാലയിൽ ബി.വോക് കോഴ്‌സുകൾ ഇക്കൊല്ലം
തിരുവനന്തപുരം: സാങ്കേതിക സർവകലാശാലയിൽ ഈ അധ്യയന വർഷം ബാച്ച്‌ലർ ഓഫ് വൊക്കേഷണൽ ഡിഗ്രി (ബി. വോക്) കോഴ്‌സുകൾ ആരംഭിക്കും. 200 വിദ്യാർഥികൾക്ക് സൗകര്യം നല്കുന്നവിധം ട്രാൻസിറ്റ് കാമ്പസിനും സിൻഡിക്കേറ്റ് അംഗീകാരം നല്കും. ട്രാൻസിറ്റ് കോംപ്ലക്‌സിൽ അഞ്ച് എൻജിനിയറിങ് വിഭാഗങ്ങൾ ആരംഭിക്കാനാണ് തീരുമാനം.
സർവകലാശാലയുടെ ഡിജിറ്റൽ ലൈബ്രറി സംവിധാനം മന്ത്രി കെ.എൻ. ബാലഗോപാൽ ഉദ്ഘാടനം ചെയ്യും. അർഹരായ വിദ്യാർഥികൾക്കുള്ള ലാപ് ടോപ്പ് വിതരണവും സുരക്ഷാ പദ്ധതി പ്രകാരമുള്ള സാമ്പത്തിക സഹായവും മന്ത്രി വിതരണം ചെയ്യും.
