Connect with us

Breaking News

അർധരാത്രിയിൽ പേരാവൂരിൽ ഒരു നേപ്പാളി കല്യാണം

Published

on

Share our post

പേരാവൂർ: ഏറെ പ്രത്യേകതകൾ നിറഞ്ഞ വിവാഹ ചടങ്ങുകൾക്ക് വ്യാഴാഴ്ച രാത്രി പേരാവൂർ സാക്ഷിയായി.22 വർഷങ്ങളായി പേരാവൂർ ടൗണിലെ ഗൂർഖയായി ജോലി ചെയ്യുന്ന ടേക് ബഹാദൂർ നഗറിയുടെ മകൾ ജാനകി (18) യുടെ കല്യാണമാണ് അർധരാത്രിയിൽ വൈവിധ്യമായ ചടങ്ങുകളോടെ നടന്നത്.

ചെന്നൈ തിരുച്ചിയിൽ വർഷങ്ങളായി ജോലി ചെയ്യുന്ന നേപ്പാളി സ്വദേശി ഗിരിയുടെയും മൻസറയുടെയും മകൻ എഗിന്ദറാണ്(20) ജാനകിയെ വിവാഹം ചെയ്തത്.

വ്യാഴാഴ്ച രാത്രി 11.30 ഓടെയാണ് വരനും സംഘവും ബസിൽ ചെന്നൈയിൽ നിന്നും പേരാവൂരിലെത്തിയത്.വധൂഗൃഹത്തിലേക്ക് സുഹൃത്തുക്കളുടെ ചുമലിലേറിയാണ് വരനെത്തിയത്.വധുവിൻ്റെ പിതാവ് നോട്ടുമാല അണിയിച്ച് വരനെ സ്വീകരിച്ചിരുത്തി.കൂടെ എത്തിയവരിൽ മുതിർന്നവരെയെല്ലാം വധുവിൻ്റെ വീട്ടുകാർ മാലയണിയിച്ച്  സ്വീകരിച്ചു.

പുലർച്ചെ രണ്ടരയോടെ മതാചാരപ്രകാരം വിവാഹ ചടങ്ങുകളാരംഭിച്ചു. ഒരു മണിക്കൂറോളം നീണ്ട പൂജകൾക്ക് ശേഷം വരൻ്റെയും വധുവിൻ്റെയും കാൽവിരലുകൾ പാൽ ചേർത്ത വെള്ളം കൊണ്ട് കഴുകിയാണ് ബന്ധുക്കൾ ഓരോരുത്തരും വധൂവരന്മാരെ ആശീർവദിച്ചത്.തുടർന്ന് വധൂവരന്മാർ പരസ്പരം മാല ചാർത്തി കതിർ മണ്ഡപത്തെ അഞ്ച് വട്ടം വലം വെച്ചതോടെ വെള്ളിയാഴ്ച രാവിലെ 4 മണിയോടെ വിവാഹ ചടങ്ങുകൾ സമാപിച്ചു.

വധൂവരന്മാരുടെ ബന്ധുക്കളും സുഹൃത്തുക്കളുമായി 50-ഓളം പേർ വിവാഹ ചടങ്ങിൽ സംബന്ധിച്ചു.

പേരാവൂരിൽ സ്ഥിരതാമസമാക്കിയ ടേക് ബഹാദൂറിൻ്റെ അഞ്ചു മക്കളിൽ മൂന്നാമത്തവളാണ് ജാനകി. മൂത്ത മകൻ ഗോവിന്ദയുടെയും രണ്ടാമത്തെ മകൾ പദ്മയുടെയും വിവാഹം നേപ്പാളിൽ വെച്ചാണ് നടന്നത്. ഇളയവരായ അഞ്ജലിയും കരണും വിദ്യാർത്ഥികളാണ്. ആദ്യമായാണ് കേരളത്തിൽ വെച്ച് ഇവരുടെ കുടുംബത്തിൽ നിന്ന് വിവാഹം നടക്കുന്നത്.

നേപ്പാൾ ടോട്ടി ജില്ലയിലെ മഹാദേവ് സ്ഥാൻ സ്വദേശിയാണ് ടേക് ബഹാദൂറും ഭാര്യ ലക്ഷ്മിദേവിയും. ടോട്ടി ജില്ലയിലെ കലെഗള സ്വദേശികളാണ് എഗിന്ദറിൻ്റെ മാതാപിതാക്കളായ ഗിരിയും മൻസറയും.


Share our post

Breaking News

ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ ഇ​ഡി റെ​യ്ഡ്

Published

on

Share our post

ചെ​ന്നൈ: വ്യ​വ​സാ​യി​യും സി​നി​മാ നി​ർ​മാ​താ​വു​മാ​യ ഗോ​കു​ലം ഗോ​പാ​ല​ന്‍റെ സ്ഥാ​പ​ന​ത്തി​ൽ എ​ൻ​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റി​ന്‍റെ പരിശോധന. ചെ​ന്നൈ കോ​ട​മ്പാ​ക്ക​ത്തു​ള്ള ഗോ​കു​ലം ചി​റ്റ്സ് ഫി​നാ​ൻ​സി​ന്‍റെ കോ​ർ​പ്പ​റേ​റ്റ് ഓ​ഫീ​സി​ലാ​ണ് റെ​യ്ഡ്. ഇ​ഡി കൊ​ച്ചി യൂ​ണി​റ്റി​ലെ ഉ​ദ്യോ​ഗ​സ്ഥ​രും പരിശോധനയിൽ പ​ങ്കെ​ടു​ക്കു​ന്നു​ണ്ട്. രാ​വി​ലെ മു​ത​ലാ​ണ് പ​രി​ശോ​ധ​ന ആ​രം​ഭി​ച്ച​ത്. 2023 ഏ​പ്രി​ലി​ൽ ഗോ​കു​ലം ഗോ​പാ​ല​നെ ഇ​ഡി ചോ​ദ്യം​ചെ​യ്തി​രു​ന്നു. കൂ​ടു​ത​ൽ വി​വ​ര​ങ്ങ​ൾ ല​ഭ്യ​മ​ല്ല.


Share our post
Continue Reading

Breaking News

ഊട്ടിയിലേക്ക് യാത്രപോയ മലയാളി യുവാവ് കടന്നൽ കുത്തേറ്റ് മരിച്ചു

Published

on

Share our post

ഗൂഡല്ലൂർ: ഊട്ടിയിലേക്ക് വിനോദയാത്രപോയ മലയാളി യുവാവ് കടന്നൽ കുത്തേറ്റ് മരിച്ചു. സുഹൃത്തുക്കളിൽ ഒരാളെ ഗുരുതര പരിക്കോടെ സുൽത്താൻ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കോഴിക്കോട് വടകര സ്വദേശി പി. സാബിർ (26) ആണ് മരിച്ചത്. സുഹൃത്ത് ആസിഫിനെ (26) പരിക്കുകളോടെ ആദ്യം ഗൂഡല്ലൂർ ജില്ല ആശുപത്രിയിലും പിന്നീട് സുൽത്താൻ ബത്തേരിയിലെ സ്വകാര്യ ആശുപത്രിയിലും പ്രവേശിപ്പിച്ചു. മറ്റൊരു സുഹൃത്ത് രക്ഷപ്പെട്ടു. ബുധനാഴ്ച വൈകീട്ട് മൂന്നു മണിയോടെയാണ് ദാരുണ സംഭവം. ഗൂഡല്ലൂർ ഊട്ടി ദേശീയപാതയിലെ നടുവട്ടത്തിന് സമീപമുള്ള നീഡിൽ റോക്ക് ഭാഗത്തെ വനംവകുപ്പ് വിനോദസഞ്ചാര കേന്ദ്രത്തിൽ വെച്ചാണ് കടന്നൽ കുത്തേറ്റത്. കടന്നൽ കൂടിന് കല്ലെറിഞ്ഞപ്പോൾ തേനീച്ചകൾ ഇളകിയെന്നാണ് പറയപ്പെടുന്നത്. കടന്നൽ കുത്തേറ്റ സാബിർ ഓടി രക്ഷപ്പെടുന്നതിനിടെ വീണും പരിക്കേറ്റു. ഗൂഡല്ലൂർ ഫയർഫോഴ്സും വനപാലകരും പൊലീസും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.


Share our post
Continue Reading

Breaking News

കണ്ണൂർ ജില്ലയിൽ അടുത്ത മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യത

Published

on

Share our post

തിരുവനന്തപുരം: അടുത്ത 3 മണിക്കൂറിൽ കണ്ണൂർ ജില്ലയിൽ ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ/ഇടത്തരം മഴയ്ക്കും മണിക്കൂറിൽ 40 കിലോമീറ്റർ വരെ വേഗതയിൽ ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.


Share our post
Continue Reading

Trending

error: Content is protected !!