കണ്ണൂർ: ആബുലൻസ് ഡ്രൈവർമാരെ ആരോഗ്യപ്രവർത്തകരായി പരിഗണിക്കണമെന്ന് കണ്ണൂരിൽ നടന്ന ആംബുലൻസ് ഓണേഴ്സ് ആൻഡ്‌ ഡ്രൈവേഴ്സ് അസോസിയേഷൻ (എ.ഒ.ഡി.എ.) ജില്ലാ സമ്മേളനം ആവശ്യപ്പെട്ടു. ആംബുലൻസ് ഡ്രൈവർമാർക്ക് പോലീസ് ക്ലിയറൻസ് സർട്ടിഫിക്കറ്റ് നൽകാൻ നടപടികൾ ഉണ്ടാകണമെന്നും സമ്മേളനം പ്രമേയത്തിൽ ആവശ്യപ്പെട്ടു.

ചേംബർ ഓഫ് കൊമേഴ്സ് ഹാളിൽ ജില്ലാസമ്മേളനം മേയർ അഡ്വ. ടി.ഒ. മോഹനൻ ഉദ്ഘാടനം ചെയ്തു. അസോസിയേഷൻ ജില്ലാ പ്രസിഡന്റ് നാസർ അധ്യക്ഷത വഹിച്ചു. സംസ്ഥാന പ്രസിഡന്റ് ശരീഫ് ഗുരുവായൂർ മുഖ്യപ്രഭാഷണം നടത്തി.മോട്ടോർവാഹനവകുപ്പ് അസി. ഇൻസ്പെക്ടർ അമർനാഥ് ക്ലാസെടുത്തു.

കെ.ജി. ബാബു, ഡെന്നിസ് പോൾ, സി. ഷമീർ, ഷാജുദ്ദീൻ ചിറക്കൽ, റജി ജോസ്, മുനീർ, നൗഷാദ് ഇരിട്ടി, പ്രസന്നൻ എന്നിവർ സംസാരിച്ചു.

സമ്മേളനത്തിന്റെ ഭാഗമായി ആംബുലൻസ് ഡ്രൈവർമാർക്ക് ട്രോമാകെയർ പരിശീലനം നൽകി. ആസ്റ്റർ മിംസ് പ്രിവിലേജ് കാർഡ് വിതരണവും നടന്നു. ആംബുലൻസ് ഡ്രൈവർമാരുടെ കുടുംബാംഗങ്ങളുടെ കലാപരിപാടികളും ഉണ്ടായി.

ഭാരവാഹികൾ: ഹാരിസ് മുണ്ടേരി (പ്രസി.), നൗഷാദ് ഇരിട്ടി (സെക്ര.), അൻവർ നടുവിൽ (ഖജാ).