പേരാവൂർ: ജില്ലാ മിനി, സബ് ജൂനിയർ അമ്പെയ്ത്ത് മത്സരത്തിൽ തുർച്ചയായ പത്താം വർഷവും തൊണ്ടിയിൽ സാന്ത്വനം സ്‌പോർട്‌സ് ക്ലബ് ഓവറോൾ ചാമ്പ്യന്മാരായി. 
ഇന്ത്യൻ റൗണ്ട് മിനി ഗേൾസ് വിഭാഗത്തിൽ യു. അളകനന്ദ (സ്വർണ്ണം), എം.എൻ. റിത്വിക (വെള്ളി), ആര്യനന്ദ രമേശ് (വെങ്കലം), അർച്ചന രാജൻ (നാലാം സ്ഥാനം) എന്നിവരും ബോയ്‌സ് വിഭാഗത്തിൽ ആദിദേവ് സുജിത് (സ്വർണ്ണം), എ. ആകാശ് (വെള്ളി), എം. അനുനന്ദ് (വെങ്കലം), ബാസിം സമാൻ (നാലാം സ്ഥാനം) എന്നിവരും യഥാക്രമം ഒന്ന് മുതൽ നാലു വരെ സ്ഥാനങ്ങൾ നേടി.

സബ് ജൂനിയർ ഇന്ത്യൻ റൗണ്ട് ഗേൾസ് വിഭാഗത്തിൽ ആർച്ച രാജൻ (സ്വർണം), ശ്രീരുദ്ര: വിനോദ് (വെള്ളി), റിയ മാത്യു (വെങ്കലം), അൻസിയ. എസ്. പ്രദീപ് (നാലാം സ്ഥാനം) എന്നിവരും ബോയ്‌സ് വിഭാഗത്തിൽ എം. അഭിജിത്  (സ്വർണ്ണം), ഇ.വി. നന്ദു (വെള്ളി), കെ.എസ്. അശ്വിൻ (വെങ്കലം), എൻ. യാസിൻ (നാലാം സ്ഥാനം) എന്നിവരും ഒന്നു മുതൽ നാലുവരെ സ്ഥാനങ്ങൾക്കർഹരായി.

സബ് ജൂനിയർ ഗേൾസ് കോമ്പൗണ്ട് റൗണ്ട് വിഭാഗത്തിൽ ജിബിൽന ജെയിംസ് (സ്വർണ്ണം), അഹല്യ ഷാജി (വെള്ളി), പി.പി. നന്ദന (വെങ്കലം) എന്നിവരും ബോയ്‌സ് വിഭാഗത്തിൽ അദ്വൈത് സനീഷ് (സ്വർണ്ണം), റോബിൻസ് ്് ഷൈജൻ ഒരു ദിവസം (വെള്ളി), എം. അനുരഞ്ജ് (വെങ്കലം) എന്നിവരും ജേതാക്കളായി.

സബ് ജൂനിയർ ഗേൾസ് റിക്കർവ് വിഭാഗത്തിൽ എ.ജെ. ജാസ്മിൻ (സ്വർണ്ണം) വിഷ്ണുമായ (വെള്ളി), ബോയ്‌സ് വിഭാഗത്തിൽ വി.സോനു (സ്വർണ്ണം), എം. അഭിജിത് (വെള്ളി), റിമൽ മാത്യു (വെങ്കലം) എന്നിവരും ജേതാക്കളായി. 72 പോയന്റ് നേടിയാണ് ഓവറോൾ ചാമ്പ്യൻഷിപ്പ് നേടിയത്. സംസ്ഥാന ചാമ്പ്യൻ ഷിപ്പിലേക്ക് സെലക്ഷൻ നേടിയ 31 പേരും സാന്ത്വനം സ്‌പോർട്‌സ് ക്ലബ് അംഗങ്ങളാണ്.

മത്സരം പേരാവൂർ പഞ്ചായത്ത് പ്രസിഡന്റ് പി.പി. വേണുഗോപാലൻ ഉദ്ഘാടനം ചെയ്തു. വൈസ് പ്രസിഡന്റ് നിഷ ബാലകൃഷ്ണൻ അധ്യക്ഷയായി. ജോസഫ് തോമസ്, തോമസ് കോക്കാട്ട്, പ്രദീപൻ പുത്തലത്ത്, ഒ. മാത്യു ഒറ്റപ്ലാക്കൽ, രാജേഷ് എന്നിവർ സംസാരിച്ചു. ജേതാക്കൾക്കുള്ള മെഡൽ വിതരണവും ട്രോഫി വിതരണവും സണ്ണി ജോസഫ് എം.എൽ.എ നിർവഹിച്ചു.