സ്‌റ്റീൽ‌ മന്ത്രാലയത്തിനു കീഴിലെ എൻ.എം.ഡി.സി ലിമിറ്റഡിൽ (മുൻപു നാഷനൽ മിനറൽ ഡവലപ്മെന്റ് കോർപറേഷൻ) 200 ട്രെയിനി ഒഴിവ്. കർണാടകയിലാണ് അവസരം. 18 മാസ പരിശീലനം കഴിഞ്ഞാണ് റഗുലർ നിയമനം. ഓൺലൈനായി  മാർച്ച് 2 വരെ അപേക്ഷിക്കാം. 

തസ്തിക, ഒഴിവ്, യോഗ്യത: 

∙മെയിന്റനൻസ് അസിസ്റ്റന്റ് (മെക്ക്) ട്രെയിനി (90): വെൽഡിങ്/ഫിറ്റർ/മെഷിനിസ്റ്റ്/മോട്ടർ മെക്കാനിക്/ഡീസൽ മെക്കാനിക്/ഓട്ടോ ഇലക്ട്രീഷ്യൻ ട്രേഡിൽ ഐടിഐ.

∙ഫീൽഡ് അറ്റൻഡന്റ് ട്രെയിനി (43): മിഡിൽ പാസ്/ഐടിഐ.

∙മെയിന്റനൻസ് അസിസ്റ്റന്റ് (ഇലക്ട്രിക്കൽ) ട്രെയിനി (35): ഇലക്ട്രിക്കൽ ഐടിഐ.

∙എച്ച്ഇഎം മെക്കാനിക് ഗ്രേഡ് III ട്രെയിനി (10): 3 വർഷ മെക്കാനിക്കൽ എൻജിനീയറിങ് ഡിപ്ലോമ.

∙ക്യുസിഎ ഗ്രേഡ് III ട്രെയിനി (9): ബിഎസ്‌സി (കെമിസ്ട്രി/ ജിയോളജി), 1 വർഷ പരിചയം.

∙ഇലക്ട്രീഷ്യൻ ഗ്രേഡ് III ട്രെയിനി (7): 3 വർഷ ഇലക്ട്രിക്കൽ എൻജിനീയറിങ് ഡിപ്ലോമ, ഇൻഡസ്ട്രിയൽ/ഡൊമസ്റ്റിക് ഇലക്ട്രിക്കൽ ഇൻസ്റ്റലേഷൻ സർട്ടിഫിക്കറ്റ്.

∙എംസിഒ ഗ്രേഡ് III ട്രെയിനി (4): 3 വർഷ മെക്കാനിക്കൽ എൻജിനീയറിങ് ഡിപ്ലോമ.

∙ബ്ലാസ്റ്റർ ഗ്രേഡ് II ട്രെയിനി (2): പത്താം ക്ലാസ്/ഐടിഐ, ബ്ലാസ്റ്റർ/മൈനിങ് മേറ്റ് സർട്ടിഫിക്കറ്റ്, ഫസ്റ്റ് എയ്ഡ് സർട്ടിഫിക്കറ്റ്, 3 വർഷ പരിചയം.

സ്റ്റൈപൻഡ്: ഫീൽഡ് അറ്റൻഡന്റ്, മെയിന്റനൻസ് അസിസ്റ്റന്റ്: 18,000-18,500. മറ്റുള്ളവയിൽ 19,000-19,500. പ്രായം: 18-30. അർഹർക്ക് ഇളവ്. ഫീസ്: 150 രൂപ. ഒാൺലൈനായി അടയ്ക്കാം. പട്ടികവിഭാഗം/ഭിന്നശേഷിക്കാർ/വിമുക്തഭടൻമാർക്ക് ഫീസില്ല.  www.nmdc.co.in