Connect with us

Breaking News

ട്രഷറി ഓൺലൈൻ ഇടപാട് 3 ദിവസം മുടങ്ങും

Published

on

Share our post

തിരുവനന്തപുരം : ട്രഷറി ഓൺലൈൻ ശൃംഖലയിലെ തകരാർ നീക്കാൻ ഇന്ന് വൈകിട്ട് 6 മുതൽ മറ്റന്നാൾ രാത്രി വരെ അറ്റകുറ്റപ്പണി നടത്തും. പലവട്ടം ശ്രമിച്ചിട്ടും തീർക്കാനാകാത്ത സാങ്കേതികത്തകരാറ് പരിഹരിക്കാനുള്ള നടപടിയുടെ ഭാഗമാണിത്. നാളെയും മറ്റന്നാളും സർ‌ക്കാർ ഓഫിസുകൾക്ക് അവധി ആയതിനാലാണ് ഈ ദിവസങ്ങളിൽ അറ്റകുറ്റപ്പണി നടത്തുന്നത്. ഇതേസമയം, ട്രഷറി പോർട്ടൽ വഴിയും മറ്റു സർക്കാർ വെബ്‌സൈറ്റുകൾ വഴിയും ഓൺലൈനായി നടത്തുന്ന ഇടപാടുകളെല്ലാം 3 ദിവസത്തോളം  മുടങ്ങും. 

ട്രഷറി ശൃംഖല തടസ്സപ്പെടുന്നതിനാൽ ഒരാഴ്ചയായി വകുപ്പുകളുടെ സാമ്പത്തിക ഇടപാടുകളും ശമ്പളം, പെൻഷൻ വിതരണവും അവതാളത്തിലാണ്. ഈ മാസം ഒന്നിനും രണ്ടിനും അറ്റകുറ്റപ്പണി നടത്തിയിട്ടും തകരാർ പരിഹരിക്കാനായിട്ടില്ല. 

ഡേറ്റബേസ് പരിധി കവിഞ്ഞതിനാൽ ഡേറ്റ പുനഃക്രമീകരിച്ച് കൂടുതൽ സ്ഥലം ലഭ്യമാക്കുന്ന പ്രവൃത്തിയാണ് ഇന്നു വീണ്ടും ആരംഭിക്കുന്നത്. ഇതു വിജയിച്ചില്ലെങ്കിൽ വരും ദിവസങ്ങളിലും ഇടപാടുകൾ മുടങ്ങും. 6 വർഷമായി തുടരുന്ന തകരാർ പരിഹരിക്കാൻ കഴിയാത്തതിനാൽ ട്രഷറിയെ ആശ്രയിച്ച് ഇടപാടു നടത്തുന്ന എല്ലാ വകുപ്പുകളും പ്രതിസന്ധിയിലാണ്. റജിസ്ട്രേഷൻ വകുപ്പാണ് കൂടുതൽ ബുദ്ധിമുട്ടുന്നത്. 

തടസ്സപ്പെടുന്നത് ഇവ

വസ്തു നികുതിയടക്കം റവന്യു സേവനങ്ങൾ, ടി.എസ്.ബി അടക്കമുള്ള ട്രഷറി ഓൺലൈൻ സേവനങ്ങൾ, റജിസ്ട്രേഷൻ വകുപ്പിലെ ഇടപാടുകൾ, മോട്ടോർ വാഹന വകുപ്പിലെ ഫീസ് അടയ്ക്കൽ, സ്പാർക് ബിൽ , ഹൈക്കോടതി ഇടപാടുകൾ, ഇലക്ട്രിക്കൽ ഇൻസ്പെക്ടറേറ്റിലെ ഇടപാടുകൾ.


Share our post
Click to comment

You must be logged in to post a comment Login

Leave a Reply

Breaking News

കണ്ണൂരിൽ യുവാവിനെ മരിച്ച നിലയിൽ കണ്ടെത്തി; മൃതദേഹത്തിൽ ചോരക്കറയും മുറിവുകളും

Published

on

Share our post

കണ്ണൂർ: കണ്ണൂർ വലിയ അരീക്കമലയിൽ യുവാവിനെ ബന്ധുവീട്ടിൽ മരിച്ച നിലയിൽ കണ്ടെത്തി. വലിയ അരീക്കമല സ്വദേശി അനീഷ് (38) ആണ് മരിച്ചത്. മൃതദേഹത്തിന്റെ തലയ്ക്കും, മുഖത്തും മുറിവുകളുണ്ട്. അനീഷിന്റെ ബന്ധുവിന്റെ വീട്ടിലെ വരാന്തയിലായിരുന്നു മൃതദേഹം. രാവിലെ മൃതദേഹം കണ്ട ബന്ധുക്കൾ പൊലീസിനെ വിവരം അറിയിക്കുകയായിരുന്നു. സംഭവത്തിൽ പൊലീസ് അസ്വാഭാവിക മരണത്തിന് കേസെടുത്തു.


Share our post
Continue Reading

Breaking News

താമരശ്ശേരിയിൽ മകൻ അമ്മയെ വെട്ടി കൊലപ്പെടുത്തി

Published

on

Share our post

കോഴിക്കോട്: കോഴിക്കോട് താമരശ്ശേരിയിൽ മകൻ അമ്മയെ വെട്ടി കൊലപ്പെടുത്തി. അടിവാരം സ്വദേശി സുബൈദ (53) ആണ് കൊല്ലപ്പെട്ടത്. മയക്കുമരുന്നിന് അടിമയായ മകൻ ആഷിക്ക് ആണ് ക്രൂരകൃത്യം നടത്തിയത്. ആഷിക്കിനായി പൊലീസ് തിരച്ചില്‍ ആരംഭിച്ചു.


Share our post
Continue Reading

Breaking News

പേരാവൂർ ചെവിടിക്കുന്നിൽ വാഹനാപകടം

Published

on

Share our post

പേരാവൂർ : ചെവിടിക്കുന്ന് പെട്രോൾ പമ്പിന് സമീപം നിയന്ത്രണം വിട്ട ട്രാവലർ അപകടത്തിൽ പെട്ടു. കാബിനുള്ളിൽ നിന്നും പുകയുയരുന്നത് കണ്ട് ഡ്രൈവർ പുറത്തേക്ക് ചാടിയതിനാലാണ് വാഹനം നിയന്ത്രണം വിട്ട് റോഡരികിലെ ഷീറ്റിൽ ഇടിച്ചു നിന്നത്. ആർക്കും പരിക്കില്ല. പേരാവൂർ അഗ്നി രക്ഷാ സേനയെത്തി വാഹനത്തിനുള്ളിലെ തീയണച്ചു. വ്യാഴാഴ്ച ഉച്ചക്ക് രണ്ട് മണിയോടെയാണ് സംഭവം.


Share our post
Continue Reading

Trending

error: Content is protected !!