മട്ടന്നൂർ : പുനർ നിർമ്മിച്ച കളറോഡ് ജുമാ മസ്ജിദ് ഇന്ന് വിശ്വാസികൾക്ക് തുറന്നുകൊടുക്കും. ളുഹർ നമസ്ക്കാരത്തിന് നേതൃത്വം നൽകി സമസ്ത പ്രസിഡണ്ട് ജിഫ്രി മുത്തുക്കോയ തങ്ങൾ ഉദ്ഘാടനം നിർവ്വഹിക്കും. മൂന്ന് നിലകളിലായി നിർമ്മിച്ച ജുമാ മസ്ജിദിൽ രണ്ടായിരത്തോളം പേർക്ക് ഒരേ സമയം നിസ്ക്കരിക്കാൻ കഴിയും. കണ്ണൂർ വിമാനത്താവളത്തിനടുത്ത ടൗണായ കളറോഡിൽ 3 വർഷത്തോളമായി നവീകര പ്രവർത്തി ആരംഭിച്ചിട്ട്. വിവിധ ദിവസങ്ങളിലായി നടക്കുന്ന പരിപാടിയിൽ പാണക്കാട് സയ്യിദ് റഷീദലി ശിഹാബ് തങ്ങൾ, പാണക്കാട് സയ്യിദ് സബിക്കലി ശിഹാബ് തങ്ങൾ, പി.പി. ഉമർ മുസ്‌ലിയാർ, അസ്ലം തങ്ങൾ അൽ മശ് ഹൂർ, കുമ്മനം നിസാമുദ്ദീൻ അസ്ഹരി, മുസ്തഫ ഹുദവി ആകോട്, അറക്കൽ അബ്ദുൽ റസാഖ് ദാരിമി, അബ്ദുൽ ഗഫൂർ മൗലവി കീച്ചേരി, ഉമൈർ ദാരിമി വെള്ളായികോട്, ജുനൈദ് ദാരിമി തുടങ്ങിയവർ പങ്കെടുക്കും. പത്ര സമ്മേളനത്തിൽ എം.കെ. അബ്ദുൽ ജബ്ബാർ ഹാജി, പി.പി. ജലീൽ, ജുനൈദ് ദാരിമി, പി.പി. മിഖ്ദാദ് ഫൈസി, ഇ.സി.  ഷഫീഖ്, കെ. യൂസഫ് ഹാജി, ഇ.കെ. നസീർ, ഫാറൂഖ് കളറോഡ് എന്നിവർ സംസാരിച്ചു.