പേരാവൂരിലെ ഹരിതകർമ സേനക്ക് പാഴ് വസ്തു ശേഖരണത്തിനിടെ ലഭിച്ച പണം ഉടമസ്ഥർക്ക് കൈമാറി
പേരാവൂർ: വീടുകളിൽ നിന്ന് പ്ലാസ്റ്റിക് ശേഖരിക്കുന്നതിനിടെ ലഭിച്ച പണവും ഐഡി കാർഡും ഹരിത കർമ സേനാംഗങ്ങൾ ഉടമസ്ഥർക്ക് കൈമാറി. പേരാവൂർ പഞ്ചായത്ത് ഏഴാം വാർഡ് കല്ലടിയിലെ ഹരിത കർമ്മ സേനാംഗങ്ങളായ സുജാത, രമ ബാബു എന്നിവർക്ക് സുരേഷ് മടത്തുങ്കരയുടെ വീട്ടിൽ നിന്ന് പാഴ് വസ്തുക്കൾക്കൊപ്പം ലഭിച്ച 1500 രൂപയും വർക്ക് ഷോപ്പ് അസോസിയേഷന്റെ തിരിച്ചറിയൽ കാർഡുമാണ് വീട്ടുകാർക്ക് തിരിച്ചേൽപ്പിച്ചത്.
