സി.എം.ആർ.എൽ കേസ്: എസ്.എഫ്‌.ഐ.ഒയ്ക്ക് തിരിച്ചടി; തുടര്‍നടപടി പാടില്ലെന്ന് ഹൈക്കോടതി
കൊച്ചി: സിഎംആർഎൽ–എക്സാലോജിക് വിഷയത്തിൽ എസ്എഫ്‌ഐഒയ്ക്ക് തിരിച്ചടി. എസ്എഫ്ഐഒ റിപ്പോര്‍ട്ടില്‍ കോടതിയുടെ തുടര്‍നടപടി നിര്‍ത്തിവയ്ക്കണമെന്നും സമന്‍സ് അയക്കാന്‍ പാടില്ലെന്നും ഹൈക്കോടതി ഉത്തരവിട്ടു. രണ്ടുമാസത്തേക്കാണ് തുടര്‍നടപടികള്‍ തടഞ്ഞത്. സിഎംആര്‍എല്‍– എക്സാലോജിക് കരാറിനെതിരായ എസ്എഫ്ഐഒ നടപടി ചോദ്യം ചെയ്ത് സിഎംആര്‍എല്‍ നൽകിയ ഹർജിയിലാണ് ഹൈക്കോടതിയുടെ ഉത്തരവ്. സിഎംആര്‍എല്ലിനോടും കേന്ദ്ര സര്‍ക്കാരിനോടും സത്യവാങ്മൂലം സമര്‍പ്പിക്കാനും കോടതി ഇടക്കാല ഉത്തരവിട്ടിട്ടുണ്ട്.
