പേരാവൂർ: വായന്നൂർ തൊയിക്കോട്ട് മുത്തപ്പൻ മടപ്പുര തിറയുത്സവവും പ്രതിഷ്ഠാദിനവും വ്യാഴം, വെള്ളി ദിവസങ്ങളിൽ നടക്കും.തിരുവപ്പന , കരുവ ഭഗവതി , മണത്തണ കാളി തെയ്യങ്ങൾ കെട്ടിയാടും. ഉത്സവദിനങ്ങളിൽ അന്നദാനവുമുണ്ടാവും.

കോളയാട് : പുത്തൻ വീട് ശ്രീ പോർക്കലി ഭഗവതി ക്ഷേത്രത്തിലെ തിറയുത്സവും പ്രതിഷ്ഠയും ശനിയാഴ്ച മുതൽ ഏപ്രിൽ രണ്ട് വരെ വിവിധ പരിപാടികളോടെ നടക്കും. ശനിയാഴ്ച ആചാര്യ വരണം ,പുണ്യാഹം , ശുദ്ധി ക്രിയകൾ. ഞായറാഴ്ച രാവിലെ എട്ടിന് കണ്ണിപ്പയില്ലത്ത് കൃഷ്ണൻ നമ്പൂതിരിയുടെയും തന്ത്രരത്‌നം ആലക്കാട്ടില്ലത്ത് ശ്രീജിത്ത് നമ്പൂതിരിയുടെയും കാർമികത്വത്തിൽ ശ്രീ പോർക്കലി ഭഗവതിയുടെ പ്രതിഷ്ഠ.

തിങ്കളാഴ്ച വൈകിട്ട് ഏഴ് മുതൽ പ്രദേശവാസികളുടെ കലാവിരുന്ന്. ചൊവ്വാഴ്ച വൈകിട്ട് വിവിധ വെള്ളാട്ടം. ബുധനാഴ്ച ഗുളികൻ, ശാസ്തപ്പൻ,ശ്രീ പോർക്കലി ഭഗവതി , ഭഗവതി , വിഷ്ണുമൂർത്തി തിറകൾ. എപ്രിൽ ഒന്നിനും രണ്ടിനും പ്രസാദ സദ്യയുമുണ്ടാവും.

പേ​രാ​വൂ​ർ: തേ​ങ്ങ വി​ലകു​തി​ക്കു​ന്നു, പ​ക്ഷേ വി​ല കു​തി​ക്കു​മ്പോ​ഴും ഫ​ല​മി​ല്ലാ​തെ ക​ർ​ഷ​ക​ർ. തേ​ങ്ങ​യു​ടെ വി​ല റെ​ക്കോ​ഡ് തു​ക​യി​ലാ​ണി​പ്പോ​ൾ. എ​ന്നാ​ൽ, തേ​ങ്ങ കി​ട്ടാ​നി​െല്ലന്ന് വ്യാ​പാ​രി​ക​ൾ. ച​രി​ത്ര​ത്തി​ൽ ഇ​ടം നേ​ടി തേ​ങ്ങ വി​ല കു​തി​ച്ചു​യ​രു​ന്ന അ​വ​സ്ഥ​യി​ൽ നി​രാ​ശ​യി​ലാ​ണ് ക​ർ​ഷ​ക​ർ. പ​ച്ചത്തേ​ങ്ങ പൊ​തി​ച്ച​തി​ന് കി​ലോ​ക്ക് 60 രൂ​പവ​രെ ആ​ണ് വി​പ​ണി​യി​ലെ ചി​ല്ല​റ വി​ൽ​പ​ന വി​ല. ക​ഴി​ഞ്ഞ അ​ഞ്ചു വ​ർ​ഷ​ത്തി​ലേ​റെ 23 മു​ത​ൽ 27 രൂ​പ വ​രെ ആ​യി​രു​ന്നു പ​ച്ചത്തേ​ങ്ങ​യു​ടെ വി​ല. ക​ഴി​ഞ്ഞ ഓ​ണ​ത്തി​ന് മു​മ്പ് വ​രെ പ​ച്ച​ത്തേ​ങ്ങ​യു​ടെ വി​ല 39 വ​രെ എ​ത്തി​യി​രു​ന്നു. പി​ന്നീ​ട് 47ലും ​എ​ത്തി.പി​ന്നീ​ട് വി​ല 40ലേ​ക്ക് താ​ഴ്ന്നി​രു​ന്നു. തേ​ങ്ങ കി​ട്ടാ​നി​ല്ലാ​താ​യ​തോ​ടെ റെ​ക്കോഡ് തു​ക​യി​ലേ​ക്ക് ഉ​യ​രു​ക​യാ​ണ് ഉ​ണ്ടാ​യ​ത്. കൊ​പ്ര​ക്കും, കോ​ട്ട​ത്തേ​ങ്ങ​ക്കും ഉ​ൾ​പ്പെ​ടെ വി​ല വ​ർ​ധി​ച്ചി​ട്ടു​ണ്ട്. വെ​ളി​ച്ചെ​ണ്ണ വി​ല​യും സ​മാ​ന്ത​ര​മാ​യി വ​ർ​ധി​ച്ചി​ട്ടു​ണ്ട്. 285 മു​ത​ൽ 320 വ​രെ​യാ​ണ് വി​ല. നി​ല​വി​ലെ വി​ല ഇ​നി​യും വ​ർ​ധി​ക്കു​മെ​ന്നും തേ​ങ്ങ കി​ട്ടാ​നി​ല്ലാ​ത്ത അ​വ​സ്ഥ​യാ​ണ് ഇ​പ്പോ​ഴെ​ന്നും വ്യാ​പാ​രി​ക​ൾ പ​റ​യു​ന്നു. പ​ച്ച​ത്തേ​ങ്ങ​യാ​ണെ​ങ്കി​ൽ ഒ​ട്ടും​ത​ന്നെ കി​ട്ടാ​നി​ല്ല. ഇ​ത്ത​വ​ണ പ​ച്ച​ത്തേ​ങ്ങ​യു​ടെ ല​ഭ്യ​ത ഗ​ണ്യ​മാ​യ തോ​തി​ൽ കു​റ​ഞ്ഞ​തി​നാ​ൽ വി​ല ഇ​നി​യും വ​ർ​ധി​ക്കും. തേ​ങ്ങ​യു​ടെ വി​ല​യി​ടി​വ് ക​ർ​ഷ​ക​രെ വ​ൻ​തോ​തി​ൽ പി​ന്നോ​ട്ട് വ​ലി​ച്ചി​രു​ന്നു.