വിലവർധന; കണ്ണൂർ ജില്ലയിലെ ക്വാറികളിലേക്ക് 19ന് ബഹുജന മാർച്ച്
കണ്ണൂർ:ക്വാറി, ക്രഷർ ഉടമകൾ ജനദ്രോഹകരമായ നിലയിൽ ഉൽപന്നങ്ങൾക്ക് ഏകപക്ഷീയമായി വില വർധിപ്പിക്കുന്നതിൽ പ്രതിഷേധിച്ച് 19നു ജില്ലയിലെ പ്രധാനപ്പെട്ട 6 ക്വാറികളിലേക്കു ബഹുജന മാർച്ചും ഉപരോധവും സംഘടിപ്പിക്കുമെന്നു സംയുക്ത സമരസമിതി നേതാക്കൾ അറിയിച്ചു. പാനൂർ, കൂത്തുപറമ്പ്, ഇരിട്ടി, പേരാവൂർ, മയ്യിൽ, പെരിങ്ങോം എന്നിവിടങ്ങളിലെ ക്വാറികളിലേക്കാണു ബഹുജന മാർച്ചും ഉപരോധവും നടത്തുക.എ.ഡി.എമ്മിന്റെ യോഗത്തിലെ തീരുമാനത്തിനു വിരുദ്ധമായി ഉൽപന്നങ്ങൾക്ക് അന്യായമായി വില വർധിപ്പിച്ചിരിക്കുകയാണെന്നാണ് പരാതി.
