പേരാവൂർ: പേരാവൂർ റണ്ണേഴ്സ് ക്ലബ്ബ് സംഘടിപ്പിക്കുന്ന പേരാവൂർ മിനി മാരത്തൺ ഏപ്രിൽ 13 ന് നടക്കും.വൈകിട്ട് 4.30ന് പേരാവൂർ പഴയ ബസ് സ്റ്റാൻഡിൽ നിന്നാരംഭിച്ച് കാഞ്ഞിരപ്പുഴ, മണത്തണ, തൊണ്ടിയിൽ വഴി പഴയ ബസ് സ്റ്റാൻഡിൽ ( ഏഴ് കിലോമീറ്റർ) സമാപിക്കും വിധമാണ് മാരത്തൺ റൂട്ട്. സർക്കാരിൻ്റെ ലഹരി മുക്ത പ്രചരണത്തോട് സഹകരിച്ച് ‘ഓടി തോൽപ്പിക്കാം ലഹരിയെ ‘ എന്ന സന്ദേശമുയർത്തിയാണ് മിനി മാരത്തൺ.

ജീവിതം മയക്കുമരുന്നിന് വേണ്ടി പാഴാക്കാതിരിക്കാനും ഓട്ടവും നടത്തവും ജീവിതത്തിൻ്റെ ഭാഗമാക്കാനുമാണ് മിനി മാരത്തൺ ലക്ഷ്യമിടുന്നത്. പേരാവൂർ അത് ലറ്റിക് അക്കാദമിയാണ് മാരത്തണിൻ്റെ ടൈറ്റിൽ സ്പോൺസർ. 150 പേർക്കാണ് മാരത്തണിൽ പങ്കാളിത്തം ലഭിക്കുക. എല്ലാവർക്കും ടീ ഷർട്ടും മെഡലും ലഘുഭക്ഷണവും സൗജന്യമാണ്.

മാർച്ച് 20ന് രജിസ്ട്രേഷൻ തുടങ്ങും. ഫോൺ: 9947537486, 9400403243.

പത്രസമ്മേളനത്തിൽ പേരാവൂർ റണ്ണേഴ്സ് ക്ലബ്ബ് പ്രസിഡൻറ് സൈമൺ മേച്ചേരി, ഇവൻറ് കോ-ഓഡിനേറ്റർ ഡെന്നി ജോസഫ്, ഷിജു ആര്യപ്പറമ്പ്, ജെയിംസ് തേക്കനാൽ, ജെ.റെജിമോൻ എന്നിവർ സംബന്ധിച്ചു.

പേരാവൂർ: പോലീസ് സബ് ഡിവിഷൻ്റെ ആഭിമുഖ്യത്തിൽ വിവിധ സർക്കാർ വകുപ്പുകളെ ഉൾപ്പെടുത്തി ഉന്നതി നിവാസികൾക്കായുള്ള പരാതി പരിഹാര അദാലത്ത് മാർച്ച് 18 ന് ചൊവ്വാഴ്ച കേളകം സെൻ്റ് ജോർജ് കൺവെൻഷൻ സെൻ്ററിൽ നടക്കും. ജില്ല കലക്ടർ അരുൺ കെ. വിജയൻ ഉദ്ഘാടനം ചെയ്യും. ചടങ്ങിൽ കണ്ണൂർ റൂറൽ ജില്ല പോലീസ് മേധാവി അനുജ് പലിവാൽ ഐ.പി.എസ് മുഖ്യാതിഥിയാകും.

പേരാവൂർ : സി.പി.ഐ ഇരുപത്തഞ്ചാം പാർട്ടി കോൺഗ്രസ്സിന്റെ ഭാഗമായി പേരാവൂർ ലോക്കൽ സമ്മേളനം മാർച്ച്‌ 15,16 (ശനി, ഞായർ) ദിവസങ്ങളിൽ അയോത്തുംചാലിൽ നടക്കും. 15ന് വൈകുന്നേരം അഞ്ചിന് മണത്തണയിൽ നടക്കുന്ന പ്രകടനവും പൊതുയോഗവും സംസ്ഥാന കൗൺസിലംഗം സി.എൻ ചന്ദ്രനും 16ന് അയോത്തുംചാലിൽ പ്രതിനിധി സമ്മേളനം ജില്ലാ അസി. സെക്രട്ടറി കെ.ടി ജോസും ഉദ്ഘാടനം ചെയ്യും.