പേരാവൂർ: തെരു ഗണപതിക്ഷേത്രത്തിൽ സഹസ്ര കുംഭാഭിഷേകവും നിറമാല അടിയന്തിരവും തുലാഭാരം തൂക്കലും വെള്ളി, ശനി ദിവസങ്ങളിൽ നടക്കും. വെള്ളിയാഴ്ച വൈകിട്ട് ഏഴിന് നൃത്തനൃത്ത്യങ്ങളും കുട്ടികളുടെ കലാപരിപാടികളും.ശനിയാഴ്ച രാവിലെ ക്ഷേത്ര പൂജകൾ, 11ന് സഹസ്ര കുംഭാഭിഷേകം, ഉച്ചക്ക് രണ്ടിന് തേങ്ങമുട്ടൽ, 2.30ന് തുലാഭാരം തൂക്കൽ, മൂന്നിന് ശീവേലി എഴുന്നള്ളത്ത്, 7.30 മുതൽ തായമ്പക, 9.30ന് തിരുവുടയാട എഴുന്നള്ളത്ത്, 11ന് അത്താഴപൂജ, 12ന് ശീവേലി എഴുന്നള്ളത്ത്.

പേരാവൂർ: കുഞ്ഞിംവീട് ഭഗവതി ക്ഷേത്രം തിറയുത്സവം വ്യാഴാഴ്ച മുതൽ ഞായറാഴ്ച വരെ നടക്കും. വ്യാഴാഴ്ച രാവിലെ പ്രതിഷ്ഠാദിനം ,രാത്രി എട്ടിന് നാടൻപാട്ട്. വെള്ളിയാഴ്ച വൈകിട്ട് നാലിന് കലവറനിറക്കൽ ഘോഷയാത്ര, ഏഴിന് പ്രദേശവാസികളുടെ കലാപരിപാടികൾ. ശനിയാഴ്ച വൈകിട്ട് വിവിധ വെള്ളാട്ടങ്ങൾ. ഞായറാഴ്ച പുലർച്ചെ മുതൽ വിവിധ തെയ്യങ്ങൾ കെട്ടിയാടും. ശനിയും ഞായറും അന്നദാനവും ഉണ്ടാവും.

പേരാവൂർ : വ്യാപാരി വ്യവസായി ഏകോപന സമിതി പേരാവൂർ യൂണിറ്റ് സൗജന്യ ആരോഗ്യ-നേത്ര-ദന്തൽ ക്യാമ്പ് നടത്തി. എം.എം.മൂസ ഹാജി നഗറിൽ (സീന ഷോപ്പിങ്ങ് കോംപ്ലക്സ്) സംസ്ഥാന ജനറൽ സെക്രട്ടറി ദേവസ്യ മേച്ചേരി ക്യാമ്പ് ഉദ്ഘാടനം ചെയ്തു. യൂണിറ്റ് പ്രസിഡന്റ് കെ. കെ. രാമചന്ദ്രൻ അധ്യക്ഷനായി. കെ. സുധാകരൻ, ഒ. സുരേഷ്,എസ്. ബഷീർ, പള്ളിക്കുടിയിൽ ജോസ്,സുനിത്ത് ഫിലിപ്പ്, ആർ. തങ്കശ്യാം, വി. രാജൻ നായർ, കെ. സുരേന്ദ്രൻ, ദീപ രാജൻ, ഷീജ ജയരാജ് എന്നിവർ സംസാരിച്ചു.കണ്ണൂർ ആസ്റ്റർ മിംസ് ആസ്പത്രി ജനറൽ മെഡിസിൻ വിഭാഗവും അർച്ചന ആസ്പത്രി പെരുമ്പുന്ന നേതൃരോഗ വിഭാഗവും പേരാവൂർ ഡെന്റ് ഒ കെയർ ദന്ത രോഗ വിഭാഗവുമാണ് പരിശോധന നടത്തിയത്.