വ്യാപാരി വ്യവസായി ഏകോപന സമിതി പേരാവൂർ പഞ്ചായത്തിലേക്ക് മാർച്ചും ധർണയും നടത്തി
പേരാവൂർ: തൊഴിൽ നികുതി വർധന പിൻവലിക്കാനും പ്ലാസ്റ്റിക്ക് ഉപയോഗിക്കാത്ത കടകളെ യൂസർഫീയിൽ നിന്നൊഴിവാക്കാനുമാവശ്യപ്പെട്ട് വ്യാപാരികൾ പഞ്ചായത്തിലേക്ക് പ്രകടനവും ധർണയും ധർണ നടത്തി. വ്യാപാരി വ്യവസായി ഏകോപന സമിതി പേരാവൂർ യൂണിറ്റിൻ്റെ നേതൃത്വത്തിൽ നടന്ന സമരം യൂണിറ്റ് പ്രസിഡൻ്റ് കെ.കെ.രാമചന്ദ്രൻ ഉദ്ഘാടനം ചെയ്തു. മണത്തണ യൂണിറ്റ് പ്രസിഡൻറ് സി.എം.ജെ മണത്തണ അധ്യക്ഷനായി. തൊണ്ടിയിൽ യൂണിറ്റ് പ്രസിഡൻറ് ബേബി, സുനിത്ത് ഫിലിപ്പ്, കെ.സുരേന്ദ്രൻ, ബെന്നി മുളക്കൽ, ബിന്ദു സോമൻ എന്നിവർ സംസാരിച്ചു.
