തലങ്ങും വിലങ്ങും ഓടുന്ന ടിപ്പർ ലോറികൾ, ചെറുവാഹനങ്ങൾക്കും കാൽനട യാത്രക്കാർക്കും ഭീഷണി
ഉളിക്കൽ : കോളിത്തട്ട് പ്രവർത്തിക്കുന്ന മൂന്നു കരിങ്കൽ കോറിയിൽ നിന്ന് പുറപ്പെടുന്ന ടോറസ് ഉൾപ്പെടെ ഉള്ള ടിപ്പർ ലോറികൾ കോളിതട്ട് -അറബി – ഉളിക്കൽ റോഡിൽ കൂടി യാതൊരു നിയന്ത്രണവും ഇല്ലാതെ അമിതമായി പായുന്നത് ചെറുവാഹനങ്ങൾക്കും കാൽനട യാത്രക്കാർക്കും അറബി സ്കൂളിൽ പഠിക്കുന്ന കുട്ടികൾക്കും ഭീഷണി ആണ്. കോളിത്തട്ടു – മട്ടിണി -വള്ളിത്തോട് റോഡ്, കോളിത്തട്ടു -മട്ടിണി – പേരട്ട റോഡ്, കോളിത്തട്ടു – പേരട്ട റോഡ് എല്ലാം പൊട്ടിപൊളിഞ്ഞു കിടക്കുന്നത് കൊണ്ടു കോറിയിൽ നിന്ന് പുറപ്പെടുന്ന ലോറികൾ അറബി റോഡ് തെരെഞ്ഞെടുത്തിരിക്കുന്നത്. രാഷ്ട്രീയപാർട്ടികളുടെ പ്രദേശിക നേതൃത്യങ്ങൾ ടിപ്പറുകളുടെ ഈ അമിതമായ ഓട്ടത്തിന് മൗനഅനുവാദം കൊടുത്തിരിക്കുന്നതു കൊണ്ടു സാധാരണക്കാർ ദുരിതത്തിൽ ആണ്.
