കണ്ണൂർ:മരണവും ദുരന്തവും ഒരുപോലെ പെയ്തിറങ്ങിയ ദുരന്തഭൂമിയിലും നാടിനെ നടുക്കിയ മഹാപ്രളയത്തിലും കോവിഡിലും സഹജീവികളുടെ കണ്ണീരൊപ്പാൻ അക്ഷീണം പ്രവർത്തിച്ച ഊർജം ‌യുവതയിൽ പ്രസരിക്കുന്നുണ്ടായിരുന്നു. ഒരു പ്രതിസന്ധിക്കും, ദുരന്തത്തിനുമുന്നിലും തോൽക്കാതെ നാടിനെ കാക്കാൻ ഞങ്ങളുണ്ടെന്ന യുവജനങ്ങളുടെ പ്രഖ്യാപനമായി മാറി യൂത്ത് ബ്രി​ഗേഡ് കണ്ണൂർ ന​ഗരത്തിൽ സംഘടിപ്പിച്ച യുവജന റാലി. സിപിഐ എം ജില്ലാ സമ്മേളനത്തിന്റെ അനുബന്ധ പരിപാടികളുടെ ഭാഗമായി കണ്ണൂർ സ്റ്റേഡിയം കോർണറിൽ നടത്തിയ യൂത്ത് ബ്രിഗേഡ് – ഐ.ആർ.പി.സി വളന്റിയർമാർക്കുള്ള ആദരം പരിപാടിക്ക് മുമ്പായാണ്‌ ന​ഗരവീഥിയെ ആവേശത്തിലാക്കി റാലി നടന്നത്. ജില്ലയിലെ വിവിധ ഭാ​ഗങ്ങളിൽനിന്ന് ആയിരക്കണക്കിന് യുവതീയുവാക്കൾ റാലിക്കെത്തി. വൈകിട്ട് അ‍ഞ്ചോടെ കണ്ണൂർ കെഎസ്ആർടിസി ബസ് സ്റ്റാൻഡ് പരിസരം യുവജനങ്ങളാൽ നിറഞ്ഞു. തുടർന്ന് റാലി ആരംഭിച്ചു. ഡിവൈഎഫ്ഐ സംസ്ഥാന സെക്രട്ടറി വി കെ സനോജ്, ജില്ലാ സെക്രട്ടറി സരിൻ ശശി, പ്രസിഡന്റ് മുഹമ്മദ് അഫ്സൽ, ജില്ലാ ട്രഷറർ കെ ജി ദിലീപ്, സംസ്ഥാന സെക്രട്ടറിയറ്റംഗം എം. വി ഷിമ, സംസ്ഥാന കമ്മിറ്റിയം​ഗങ്ങളായ പി എം അഖിൽ, മുഹമ്മദ് സിറാജ്, പി പി അനിഷ എന്നിവർ റാലി നയിച്ചു.

കണ്ണൂർ : വിമുക്ത ഭടന്‍മാരുടെ ആശ്രിതരായ മക്കള്‍ക്കായി ഏര്‍പ്പെടുത്തിയിട്ടുള്ള ബ്രൈറ്റ് സ്റ്റുഡന്റ് സ്‌കോളര്‍ഷിപ്പിന് ജനുവരി 31 വരെ അപേക്ഷിക്കാം. 2023-24 അധ്യയനവര്‍ഷത്തെ വാര്‍ഷിക പരീക്ഷയില്‍ ആകെ 50 ശതമാനമെങ്കിലും മാര്‍ക്ക് ലഭിച്ച പത്താംതരം മുതല്‍ ബിരുദാനന്തരബിരുദം വരെ പഠിക്കുന്നവര്‍ക്ക് അപേക്ഷിക്കാം.വാര്‍ഷിക വരുമാനപരിധി മൂന്ന് ലക്ഷം രൂപ. വിശദവിവരങ്ങള്‍ക്ക് www.sainikwelfarekerala.ഒർജിനൽ / ജില്ലാ സൈനികക്ഷേമ ഓഫീസുമായോ ബന്ധപ്പെടാം. അപേക്ഷകള്‍ സൈറ്റില്‍ നിന്നും ഡൗണ്‍ലോഡ് ചെയ്ത് രണ്ടു രൂപ കോര്‍ട്ട് ഫീ സ്റ്റാമ്പ് പതിച്ച് സമര്‍പ്പിക്കണം. അപേക്ഷയോടൊപ്പം ആറ് മാസത്തിനുള്ളിലെടുത്ത വരുമാന സര്‍ട്ടിഫിക്കറ്റ്, സാക്ഷ്യപ്പെടുത്തിയ എസ്.എസ്.എല്‍.സി മാര്‍ക്ക് ലിസ്റ്റിന്റെ പകര്‍പ്പ്, മുന്‍ വര്‍ഷത്തെ പരീക്ഷയുടെ മാര്‍ക്ക് ലിസ്റ്റിന്റെ പകര്‍പ്പ്, വിമുക്തഭട തിരിച്ചറിയല്‍ കാര്‍ഡിന്റെയും ഡിസ്ചാര്‍ജ് ബുക്കിന്റെയും (ബന്ധുത്വം തെളിയിക്കാന്‍) സാക്ഷ്യപ്പെടുത്തിയ പകര്‍പ്പ്, രക്ഷിതാവിന്റെ ബാങ്ക് പാസ്സ്ബുക്കിന്റെ കോപ്പി എന്നിവ സമര്‍പ്പിക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.

ക​ണ്ണൂ​ർ: മ​ദ്യ​പി​ച്ച് കെ.എസ്.ആർ.ടി.സി ഡീ​ല​ക്സ് ബ​സ് ഓ​ടി​ച്ച ഡ്രൈ​വ​റെ പോ​ലീ​സ് അ​റ​സ്റ്റ് ചെ​യ്തു. ത​ല​ശേ​രി – തി​രു​വ​ന​ന്ത​പു​രം റൂ​ട്ടി​ൽ സ​ർ​വീ​സ് ന​ട​ത്തു​ന്ന ബ​സി​ലെ ഡ്രൈ​വ​ർ പി​ടി​യി​ലാ​യ​ത്.ചൊ​വ്വാ​ഴ്ച വൈ​കു​ന്നേ​രം അ​ഞ്ചി​ന് ബ​സ് ത​ല​ശേ​രി സ്റ്റാ​ൻ​ഡി​ലേ​ക്ക് ക​യ​റു​ന്ന​തി​നി​ടെ ഒ​രു കാ​റി​ൽ ഇ​ടി​ച്ചി​രു​ന്നു.​ പ​രി​ശോ​ധ​ന​യി​ൽ ഡ്രൈ​വ​ര്‍ മ​ദ്യ​പി​ച്ചെ​ന്ന് വ്യ​ക്ത​മാ​യ​തോ​ടെ​യാ​ണ് അ​റ​സ്റ്റ് ചെ​യ്ത​ത്.തു​ട​ർ​ന്ന് മെ​ഡി​ക്ക​ൽ പ​രി​ശോ​ധ​ന​ക്ക് വി​ധേ​യ​മാ​ക്കി. സം​ഭ​വ​ത്തി​ൽ ഇ​യാ​ൾ​ക്കെ​തി​രെ കേ​സ് എ​ടു​ത്തെ​ന്നും ലൈ​സ​ൻ​സ് റ​ദ്ദാ​ക്കാ​നു​ള്ള ന​ട​പ​ടി​ക​ൾ സ്വീ​ക​രി​ക്കു​മെ​ന്നും പോ​ലീ​സ് പ​റ​ഞ്ഞു.