പേരാവൂർ : താലൂകാസ്പത്രിയോടുള്ള സർക്കാർ അവഗണന അവസാനിപ്പിക്കുക, അത്യാഹിത വിഭാഗത്തിന്റെ പ്രവർത്തനം മുഴുവൻ സമയമാക്കുക തുടങ്ങിയ ആവശ്യങ്ങളുന്നയിച്ചു എസ്. ഡി .പി .ഐ പേരാവൂർ മണ്ഡലം കമ്മിറ്റി താലൂക് ആസ്പത്രിയിലേക്ക് പ്രതിഷേധ മാർച്ച് നടത്തി.ജില്ലാ കമ്മിറ്റി അംഗം സജീർ കീച്ചേരി ഉദ്ഘാടനം ചെയ്തു. മണ്ഡലം സെക്രട്ടറി റിയാസ് നാലകത്ത്, വൈസ് പ്രസിഡന്റ് ഫയാസ് പുന്നാട്, മണ്ഡലം കമ്മിറ്റി അംഗം സി.എം.നസീർ , എ.പി.മുഹമ്മദ്,മുഹമ്മദ് വിളക്കോട് ,റയീസ് നാലകത്ത്, റഫീഖ് കാട്ടുമാടം, മുസ്തഫ തുടങ്ങിയവർ സംസാരിച്ചു.

പേരാവൂർ : പേരാവൂർ താലൂക്ക് ആസ്പത്രിയിൽ രാത്രി ഒ.പി നിർത്തലാക്കിയ വിഷയത്തിൽ യൂത്ത് കോൺഗ്രസ് പേരാവൂർ നിയോജക മണ്ഡലം കമ്മിറ്റി പ്രതീകാത്മക ഒ.പി തുറന്ന് പ്രതിഷേധിച്ചു. പേരാവൂർ താലൂക്ക് ആസ്പത്രിയെ തകർക്കാനാണ് സർക്കാർ ശ്രമിക്കുന്നതെന്ന് ആരോപിച്ച് നടന്ന സമരം ജില്ല ജനറൽ സെക്രട്ടറി ജിബിൻ ജെയ്സൺ ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് നിധിൻ നടുവനാട് അധ്യക്ഷനായി.ജില്ല ജനറൽ സെക്രട്ടറി വിപിൻ ജോസഫ് മുഖ്യ പ്രഭാഷണം നടത്തി. ജിബിറ്റ് ജോബ്, ആദർശ് തോമസ്, സി.കെ അർജുൻ, റെജിനോൾസ് മൈക്കിൾ, ശരത് ചന്ദ്രൻ, എബിൻ പുന്നവേലിൽ, ഡോണി ജോസഫ്, നുറുദ്ദീൻ മുള്ളേരിക്കൽ, റാഷിദ് പുന്നാട്, പി.ശരത്, വി.എം രഞ്ജുഷ , ഫൈനാസ് കായക്കൂൽ, കെ.വി. ലൈജു , അശ്വന്ത് സത്യ എന്നിവർ സംസാരിച്ചു.

പേരാവൂർ: വാർധക്യ പെൻഷൻ അയ്യായിരമാക്കി വർധിപ്പിച്ച് കൃത്യദിവസത്തിൽ വിതരണം ചെയ്യണമെന്നും വയോജന വകുപ്പ് രൂപവത്കരിക്കണമെന്നും കേരള സീനിയർ സിറ്റിസൺസ് ഫോറം ജില്ലാ സമ്മേളനം ആവശ്യപ്പെട്ടു. വയോജനങ്ങൾക്കുള്ള യാത്ര ഇളവ് ആനുകൂല്യം പുന:സ്ഥാപിക്കണമെന്നും കണ്ണൂർ വിമാനത്താവളത്തിന് പോയിന്റ് ഓഫ് കോൾ പദവി അനുവദിക്കണമെന്നും സമ്മേളനം ആവശ്യപ്പെട്ടു.

സമ്മേളനം സണ്ണി ജോസഫ് എം.എൽ.എ ഉദ്ഘാടനം ചെയ്തു. ജില്ലാ പ്രസിഡന്റ് അബ്രഹാം തോണക്കര അധ്യക്ഷനായി. പഞ്ചായത്ത് പ്രസിഡന്റ് പി.പി.വേണുഗോപാലൻ, കെ.കെ.രാമചന്ദ്രൻ, കെ.ടി.രതീശൻ, ഡോ.വി.രാമചന്ദ്രൻ, വി.പി.ചാത്തു , ജോസഫ് കോക്കാട്ട്, സി.കെ.രഘുനാഥൻ നമ്പ്യാർ, പയ്യനാടൻ നാണു എന്നിവർ സംസാരിച്ചു.

കൗൺസിൽ യോഗം സംസ്ഥാന ജനറൽ സെക്രട്ടറി പി.കുമാരൻ ഉദ്ഘാടനം ചെയ്തു. അബ്രഹാം തോണക്കര അധ്യക്ഷനായി. സി.കെ.രഘുനാഥൻ നമ്പ്യാർ , മാലൂർ പി.കുഞ്ഞികൃഷ്ണൻ,പി.പി.ബാലൻ, സി.വി.രവീന്ദ്രൻ, ടി.പദ്മിനി, കെ.കെ.മുകുന്ദൻ, പി.വി.പദ്മനാഭൻ, അഗസ്റ്റിൻ കുളത്തൂർ, എം.പി.ഭട്ടതിരിപ്പാട് എന്നിവർ സംസാരിച്ചു. ജോസഫ് നമ്പുടാകം, കൂട്ട ഗോവിന്ദൻ, ഇന്ദിരാ ഭാസ്‌കരൻ എന്നിവരെ ആദരിച്ചു.