കണ്ണൂർ: കേരള കർഷക തൊഴിലാളി ക്ഷേമനിധി അംഗങ്ങളുടെ 2024-25 വർഷത്തെ തുടർഗഡു അംശദായം സ്വീകരിക്കുന്നതിനും പുതിയ രജിസ്‌ട്രേഷനുമായി ക്ഷേമനിധി ഉദ്യോഗസ്ഥർ ഇന്ന് മുതൽ 31 വരെ രാവിലെ 11 മുതൽ വൈകീട്ട് മൂന്ന് വരെ വില്ലേജുകളിൽ ക്യാമ്പ് ചെയ്യും.ക്യാമ്പിന്റെ തീയ്യതി, വില്ലേജ്, ക്യാമ്പ് സ്ഥലം എന്നീ ക്രമത്തിൽ: നാലിന് കോളാരി-മുനിസിപ്പൽ ഓഫീസ് മട്ടന്നൂർ, ഏഴിന് പായം-പായം ഗ്രാമപഞ്ചായത്ത് ഓഫീസ്, ഒമ്പതിന് ആറളം-ആറളം ഗ്രാമപഞ്ചായത്ത് ഓഫീസ്, 13ന് ശിവപുരം, തോലമ്പ്ര-മാലൂർ ഗ്രാമപഞ്ചായത്ത് ഓഫീസ്, 15ന് മുഴക്കുന്ന്-മുഴക്കുന്ന് ഗ്രാമപഞ്ചായത്ത് ഓഫീസ്, 17ന് കണ്ണവം, മാനന്തേരി-ചിറ്റാരിപ്പറമ്പ് ഗ്രാമപഞ്ചായത്ത് ഓഫീസ്, 20ന് കൂത്തുപറമ്പ്, കോട്ടയം-കോട്ടയം ഗ്രാമപഞ്ചായത്ത് ഓഫീസ്, 22ന് മാങ്ങാട്ടിടം, കണ്ടംകുന്ന്-മാങ്ങാട്ടിടം ഗ്രാമപഞ്ചായത്ത് ഓഫീസ്, 24ന് കോളയാട്, വേക്കളം-കോളയാട് ഗ്രാമപഞ്ചായത്ത് ഓഫീസ്, 27ന് പാട്യം, മൊകേരി, ചെറുവാഞ്ചേരി-പാട്യം ഗ്രാമപഞ്ചായത്ത് ഓഫീസ്, 29ന് മണത്തണ, വെള്ളർവള്ളി-പേരാവൂർ ഗ്രാമപഞ്ചായത്ത് ഓഫീസ്, 31ന് കീഴല്ലൂർ-കീഴല്ലൂർ ഗ്രാമ പഞ്ചായത്ത് ഓഫീസ്.

കണ്ണൂർ:ദേശീയ യുവജന ദിനാഘോഷത്തോടനുബന്ധിച്ച് കേരള സംസ്ഥാന യുവജന കമ്മീഷൻ സംഘടിപ്പിക്കുന്ന ചെസ് മത്സരം ജനുവരി നാല് ശനിയാഴ്ച കണ്ണൂർ പള്ളിക്കുന്ന് കൃഷ്ണമേനോൻ സ്മാരക ഗവ. വനിതാ കോളജിൽ നടക്കും. രാവിലെ 10ന് കമ്മീഷൻ ചെയർമാൻ എം ഷാജർ ഉദ്ഘാടനം ചെയ്യും. നിലവിൽ രജിസ്റ്റർ ചെയ്ത മത്സരാർത്ഥികൾ രാവിലെ 9.30 ന് എത്തിച്ചേരേണ്ടതാണ്. വിജയികൾക്ക് ഒന്നാം സ്ഥാനത്തിന് 15,000 രൂപയും രണ്ടാം സ്ഥാനത്തിന് 10,000 രൂപയും മൂന്നാം സ്ഥാനത്തിന് 5000 രൂപയും ട്രോഫിയും യുവജന ദിനാഘോഷത്തോടനുബന്ധിച്ച് നടക്കുന്ന ചടങ്ങിൽ വിതരണം ചെയ്യും.

കണ്ണൂർ:ട്രെയിനിൽ ചവിട്ടുപടിയിലിരുന്ന് യാത്രചെയ്ത രണ്ട് യുവതികളുടെ കാലിന് ഗുരുതര പരിക്ക്. ഒരാൾക്ക് ശസ്ത്രക്രിയയും നടത്തി. കണ്ണൂരിലെ സ്വകാര്യ ആശുപത്രിയിലെ ജീവനക്കാരായ മാട്ടൂൽ , പഴയങ്ങാടി സ്വദേശിനികൾക്കാണ് പരിക്കേറ്റത്.വ്യാഴം വൈകിട്ട് നാലിന് പഴയങ്ങാടിയിൽ നിന്ന് കയറിയ ഇവർ 12602 മംഗളൂരു- എം.ജി ആർ ചെന്നൈ സെൻട്രൽ മെയിലിൽ മുൻഭാഗത്തെ ജനറൽ കം പാർട്മെന്റിലാണ് യാത്ര ചെയ്തത്. കണ്ണൂർ റെയിൽവേ സ്‌റ്റേഷനിലെത്തിയ ഇരുവരെയും ആശുപത്രിയിലേക്ക് മാറ്റി.