കാട്ടുമാടം സെൻട്ര പേരാവൂരിൽ പ്രവർത്തനം തുടങ്ങി
പേരാവൂർ: കാട്ടുമാടം ഗ്രൂപ്പിൻ്റെ നവീന സംരംഭമായ കാട്ടുമാടം സെൻട്ര പേരാവൂരിൽ പ്രവർത്തനം തുടങ്ങി. കൊട്ടിയൂർ റോഡിൽ മഴവില്ല് പൂക്കടക്ക് എതിർവശം ബഹുനില കെട്ടിടത്തിലാണ് നവീകരിച്ച കാട്ടുമാടം സെൻട്ര പ്രവർത്തിക്കുന്നത്. ഷോറൂമിൻ്റെ ഉദ്ഘാടനം മാനേജ്മെൻറ് പ്രതിനിധി കെ.മൊയ്തീൻ നിർവഹിച്ചു. വ്യാപാരി വ്യവസായി ഏകോപന സമിതി പ്രസിഡൻറ് കെ.കെ.രാമചന്ദ്രൻ, യുണൈറ്റഡ് മർച്ചൻ്റ്സ് ചേംബർ പ്രസിഡൻറ് ഷിനോജ് നരിതൂക്കിൽ, വ്യാപാരി വ്യവസായി സമിതി പ്രസിഡൻറ് ഷബി നന്ത്യത്ത്, കാട്ടുമാടം സെൻട്ര എം.ഡി കാട്ടുമാടം മുഹമ്മദ്, ജമീല കാട്ടുമാടം, അലി കാട്ടുമാടം, മുസ്തഫ കാട്ടുമാടം, വിവിധ ജനപ്രതിനിധികൾ തുടങ്ങിയവർ സംബന്ധിച്ചു.
