കുനിത്തല ഗവ.എൽ. പി.സ്കൂളിൽ പൂർവ വിദ്യാർത്ഥി- അധ്യാപക സംഗമം ഇന്ന്
പേരാവൂർ : കുനിത്തല ഗവ.എൽ. പി.സ്കൂൾ പിടിഎയുടെ ഓർമ്മച്ചെപ്പ് എന്ന പൂർവ വിദ്യാർത്ഥി- അധ്യാപക സംഗമം വെള്ളിയാഴ്ച ഉച്ചക്ക് രണ്ടിന് നടക്കും.പേരാവൂർ ബ്ലോക്ക് പഞ്ചായത്ത് പ്രസിഡന്റ് കെ. സുധാകരൻ ഉദ്ഘാടനം ചെയ്യും64 വർഷം മുൻപ് സ്ഥാപിതമായ കുനിത്തല ജി.എൽ. പി സ്കൂളിന്റെ പഴയ കെട്ടിടം പൊളിച്ചു മാറ്റി പുതിയ കെട്ടിടം നിർമ്മിക്കുന്നതിന്റെ ഭാഗമായാണ് പൂർവ വിദ്യാർഥി -അധ്യാപക സംഗമം സംഘടിപ്പിക്കുന്നത്. ഡോ.വി. ശിവദാസൻ എം. പി അനുവദിച്ച ഒരു കോടി രൂപ ഉപയോഗിച്ചാണ് സ്കൂൾ കെട്ടിടം നിർമിക്കുന്നത്. പൂർവ വിദ്യാർത്ഥികൾക്ക് തങ്ങളുടെ പൂർവാധ്യാപകരെ കാണുന്നതിനും പഴയ ഓർമ്മകൾ പങ്കുവെക്കുന്നതിനും ഈ അവസരം ഉപയോഗപ്പെടുത്തണമെന്ന് സ്കൂൾ അധികൃതർ പറഞ്ഞു.
