സർവകലാശാല പഠന വകുപ്പിലെ മൂന്നാം സെമസ്റ്റർ എം കോം (അഞ്ച് വർഷ ഇന്റഗ്രേറ്റഡ്), ഡിഗ്രി (സി ബി സി എസ് എസ് റഗുലർ, സപ്ലിമെന്ററി, ഇംപ്രൂവ്മെന്റ്), നവംബർ 2024 പരീക്ഷകളുടെ പുതുക്കിയ പരീക്ഷ വിജ്ഞാപനം വെബ്‌സൈറ്റിൽ.

തളിപ്പറമ്പ് ഇൻസ്റ്റിറ്റ്യൂട്ട് ഓഫ് പബ്ലിക് പോളിസി ആൻഡ് ലീഡർഷിപ്പിലെ രണ്ടാം സെമസ്റ്റർ ബിരുദാനന്തര ബിരുദ (ഏപ്രിൽ 2024) പരീക്ഷ ഫലം വെബ്സൈറ്റിൽ. പകർപ്പ്, പുനർ മൂല്യനിർണയം, സ്ക്രൂട്ടിനി (റഗുലർ 2023 അഡ്മിഷൻ), സ്‌ക്രൂട്ടിനി (ഇംപ്രൂവ്മെന്റ് 2022 അഡ്മിഷൻ) എന്നിവക്ക് ഡിസംബർ 13 വരെ അപേക്ഷിക്കാം.

അഫിലിയേറ്റഡ് കോളേജ്, സെന്ററുകളിലെ ജനുവരി ഒന്നിന് തുടങ്ങുന്ന ഒന്നാം സെമസ്റ്റർ എം സി എ (റഗുലർ, സപ്ലിമെന്ററി ഇംപ്രൂവ്മെന്റ്), നവംബർ 2024 പരീക്ഷകളുടെ ടൈം ടേബിൾ വെബ്‌സൈറ്റിൽ.

ഒന്ന്, രണ്ട് വർഷ ബിരുദാനന്തര ബിരുദം (വിദൂര വിദ്യാഭ്യാസം 2011 മുതൽ 2019 അഡ്മിഷൻ വരെ) മേഴ്‌സി ചാൻസ് (ജൂൺ 2024) പരീക്ഷകൾക്ക് ഡിസംബർ അഞ്ച് മുതൽ 18 വരെ പിഴ ഇല്ലാതെയും ഡിസംബർ 20 വരെ പിഴയോടെയും അപേക്ഷിക്കാം. മേഴ്‌സി ചാൻസ് പരീക്ഷകൾക്ക് അപേക്ഷിക്കുന്ന വിദ്യാർഥികൾ അപേക്ഷയോടൊപ്പം റീ രജിസ്ട്രേഷനുള്ള നിശ്ചിത മാതൃകയിലുള്ള അപേക്ഷ, ഫീസ് അടച്ച രസീത് എന്നിവ സഹിതം സമർപ്പിക്കണം.

2024-25 അധ്യയന വർഷത്തെ സുധ കൃഷ്ണൻ എൻഡോവ്മെന്റ്’ സ്കോളർഷിപ്പിന് അപേക്ഷ ക്ഷണിച്ചു. സർവകലാശാലയിൽ അഫിലിയേറ്റ് ചെയ്ത ഗവ., എയ്ഡഡ്‌ കോളേജുകളിൽ ഒന്നാം സെമസ്റ്റർ ബിരുദത്തിന് പഠിക്കുന്ന സാമ്പത്തികമായി പിന്നാക്കം നിൽക്കുന്ന മത്സ്യ തൊഴിലാളി കുടുംബങ്ങളിൽ നിന്നുള്ള വിദ്യാർഥികൾക്ക് അപേക്ഷിക്കാം. വിശദ വിവരങ്ങൾ സർവകലാശാല വെബ്സൈറ്റിൽ. അപേക്ഷകൾ സ്വീകരിക്കുന്ന അവസാന തീയതി ഡിസംബർ 15.

മാനന്തവാടി കാംപസ് ലൈബ്രറിയിൽ പ്രൊഫഷണൽ അസിസ്റ്റൻറ് തസ്തികയിൽ ഒരു താത്കാലിക ഒഴിവിലേക്ക് ദിവസ വേതന അടിസ്ഥാനത്തിൽ നിയമനം നടത്തും. ലൈബ്രറി സയൻസിൽ ബിരുദമോ (ബി എൽ ഐ എസ് സി) ബിരുദാനന്തര ബിരുദമോ (എം എൽ ഐ എസ് സി) യോഗ്യതയുള്ള, 18-നും 36-നും ഇടയിൽ പ്രായം ഉള്ളവർക്ക് അപേക്ഷിക്കാം. സംവരണ വിഭാഗത്തിൽ പെട്ടവർക്ക് അംഗീകൃത വയസ്സിളവിന് അർഹതയുണ്ടാകും. അഭിമുഖം അഞ്ചിന് 11.30-ന് മാനന്തവാടി കാംപസ് ഡയറക്ടറുടെ ഓഫീസിൽ. പ്രവൃത്തി പരിചയമുള്ളവർ മുൻഗണന ലഭിക്കാൻ സർട്ടിഫിക്കറ്റ് ഹാജരാക്കണം.