Connect with us

Kannur

കണ്ണൂർ കെ.എസ്.ആർ.ടി.സി ഡിസംബർ ടൂർ പാക്കേജുകൾ

Published

on

Share our post

കണ്ണൂർ: ഡിസംബറിൽ വിവിധ ടൂർ പാക്കേജുകളുമായി കണ്ണൂർ കെ എസ് ആർ ടി സി. അന്വേഷണങ്ങൾക്കും ബുക്കിങിനും 9497007857, 9895859721, 8089463675 എന്നീ നമ്പറുകളിൽ ബന്ധപ്പെടാം. പാക്കേജുകൾ ചുവടെ.

*മലക്കപ്പാറ-കുട്ടനാട്: ഡിസംബർ ആറിന് രാത്രി എട്ടിന് കണ്ണൂരിൽ നിന്ന്‌ പുറപ്പെട്ട് ശനി പുലർച്ചെ അഞ്ചിന് ആലപ്പുഴയിൽ എത്തും. രാവിലെ കയർ മ്യൂസിയം സന്ദർശിക്കും. 11-ന് വേഗബോട്ടിന്റെ എ സി ബർത്തിൽ അഞ്ച് മണിക്കൂർ കുട്ടനാടിന്റെ സൗന്ദര്യം ആസ്വദിക്കും. വൈകിട്ട് ആലപ്പുഴ ബീച്ച് സന്ദർശിച്ച് ആലപ്പുഴയിൽ താമസം. രണ്ടാം ദിവസം രാവിലെ ആതിരപ്പിള്ളി, വാഴച്ചാൽ വെള്ളച്ചാട്ടങ്ങൾ കണ്ട് മലക്കപ്പാറ വനത്തിലൂടെ ജംഗിൾ സവാരി. വൈകിട്ട് കണ്ണൂരിലേക്ക് മടക്കം. തിങ്കളാഴ്ച രാവിലെ കണ്ണൂരിൽ എത്തുന്ന രീതിയിലാണ് പാക്കേജ്.

*ഗവി-കുമളി-രാമക്കൽ മേട്: 6, 20 തീയതികളിൽ വൈകിട്ട് അഞ്ചിന് പുറപ്പെട്ട് 9, 23 തീയതികളിൽ രാവിലെ ആറിന് കണ്ണൂരിൽ തിരിച്ചെത്തുന്ന പാക്കേജിൽ ഭക്ഷണവും താമസവും ഉൾപ്പെടെ ഒരാൾക്ക് 6,090 രൂപയാണ് നിരക്ക്. ഒന്നാമത്തെ ദിവസം ഗവിയും രണ്ടാമത്തെ ദിവസം കുമളി, കമ്പം, രാമക്കൽമേട്, തേക്കടി എന്നിവയും സന്ദർശിക്കും.

*മൂകാംബിക-കുടജാദ്രി: ഡിസംബർ 6, 20 തീയതികളിൽ രാത്രി എട്ടിന് പുറപ്പെട്ട് പുലർച്ചെ രാവിലെ നാലിന് കൊല്ലൂരിൽ എത്തും. രാവിലെ മൂകാംബിക ക്ഷേത്ര ദർശനം. തുടർന്ന് 7.30-ന് കുടജാദ്രിയിലേക്ക് ജീപ്പിൽ പുറപ്പെട്ട് ഉച്ചക്ക് ഒന്നോടെ വീണ്ടും ക്ഷേത്രത്തിൽ ഉച്ച പൂജക്കായി തിരിച്ചെത്തും. വൈകിട്ട് വീണ്ടും ക്ഷേത്രത്തിലേക്ക്. രണ്ടാമത്തെ ദിവസം ഉഡുപ്പി, മധൂർ, അനന്തപുരം ക്ഷേത്രങ്ങളും ദർശിക്കും.

*വാഗമൺ-ചതുരംഗപ്പാറ: 13, 24 തീയതികളിൽ പുറപ്പെടുന്ന പാക്കേജിൽ ഒരു ദിവസം അഡ്വഞ്ചർ പാർക്ക്, മോട്ടാ കുന്നുകൾ, പൈൻവാലി ഫോറസ്റ്റ് എന്നിവയും രണ്ടാമത്തെ ദിവസം മൂന്നാറിലെ ചതുരംഗ പാറയിലെ സ്ഥലങ്ങളും സന്ദർശിക്കും.

*മൂന്നാർ-കാന്തല്ലൂർ-മറയൂർ: 13, 20, 27 തീയതികളിൽ പുറപ്പെടുന്ന പാക്കേജ് 16, 23, 30 തീയതികളിൽ രാവിലെ തിരിച്ചെത്തും. ഒന്നാം ദിവസം മൂന്നാറിലെ ടോപ് സ്റ്റേഷൻ, ബൊട്ടാണിക്കൽ ഗാർഡൻ, ഫ്ലവർ ഗാർഡൻ, ഷൂട്ടിങ് പോയിന്റ്, ഗ്യാപ് റോഡ് വ്യൂ പോയിന്റ് എന്നിവ സന്ദർശിച്ച് രണ്ടാം ദിവസം മറയൂർ, കാന്തല്ലൂർ, ചതുരംഗപ്പാറ എന്നിവ സന്ദർശിക്കും.

*വയനാട്: 8, 22 തീയതികളിൽ പുറപ്പെടുന്ന പാക്കേജിൽ എൻ ഊര്, തുഷാരഗിരി വെള്ളച്ചാട്ടം, ഹണി മ്യൂസിയം, പൂക്കോട് തടാകം, ലക്കിടി വ്യൂ പോയിന്റ് എന്നിവ സന്ദർശിക്കും.

*പൈതൽമല: 8, 22 തീയതികളിൽ പുറപ്പെടുന്ന പാക്കേജിൽ ഏഴരക്കുണ്ട് വെള്ളച്ചാട്ടം, പാലക്കയം തട്ട് എന്നിവ സന്ദർശിക്കും.

*റാണിപുരം: 15-ന് പുറപ്പെടുന്ന പാക്കേജിൽ റാണിപുരം ഹിൽ സ്റ്റേഷൻ, ബേക്കൽ ഫോർട്ട്, ബേക്കൽ ബീച്ച് & പാർക്ക് എന്നിവ സന്ദർശിക്കും.

*കോഴിക്കോട്: 15, 29 തീയതികളിൽ പുറപ്പെടുന്ന പാക്കേജിൽ ജാനകിക്കാട്, മീൻ തുള്ളിപ്പാറ, പെരുവണ്ണമൂഴി ഡാം, തോണികടവ് ടവർ, കരിയാത്തും പാറ എന്നിവയാണ് സന്ദർശന കേന്ദ്രങ്ങൾ.


Share our post

Kannur

കണ്ണൂരിൽ കീപാഡ് ഫോൺ പൊട്ടിത്തെറിച്ച് 68കാരന് പൊള്ളലേറ്റു

Published

on

Share our post

കണ്ണൂരിൽ കീപാഡ് ഫോൺ പൊട്ടിത്തെറിച്ച് 68കാരന് പൊള്ളലേറ്റു. കണ്ണൂർ ശ്രീകണ്ഠാപുരത്താണ് സംഭവം. കേരള ബാങ്കിന്റെ ശ്രീകണ്ഠപുരം ശാഖയിലെ കലക്‌ഷൻ ഏജന്റായ ചേപ്പറമ്പിലെ ചേരൻവീട്ടിൽ മധുസൂദനനാണ് പൊള്ളലേറ്റത്. ബാങ്ക് റോഡിലെ ചായക്കടയിൽ വച്ചാണു സംഭവം. കീ പാഡ് ഫോണാണ് പൊട്ടിത്തെറിച്ചത്. ചെറിയ തോതിൽ തീ പടർന്ന ശേഷം ഷർട്ട് കത്തുകയായിരുന്നു. ചായക്കടയിലുണ്ടായിരുന്നവർ ഉടനേ വെള്ളമൊഴിച്ചു തീ അണക്കുകയായിരുന്നു. പിന്നാലെ 68കാരൻ കൂട്ടുമുഖം സിഎച്ച്സിയിൽ ചികിത്സ തേടുകയായിരുന്നു. പൊള്ളൽ ഗുരുതരമല്ലെന്നാണ് വിവരം. എന്നാൽ ഷർട്ട് കത്തി നശിച്ചു.


Share our post
Continue Reading

Kannur

നിറയെ നിറക്കാഴ്ചകൾ താരമായി ഇരപിടിയൻ സസ്യങ്ങൾ

Published

on

Share our post

കണ്ണൂർ:പുഷ്‌പോത്സവത്തിലെ പ്രധാന ആകർഷണമായി ഇരപിടിയൻ സസ്യങ്ങൾ. ഇരകളെ ആകർഷിച്ച് കെണിയിൽ വീഴ്‌ത്തി ആഹാരമാക്കുന്ന സഞ്ചിയോടുകൂടിയ ഇനങ്ങളാണ്‌ ഉള്ളത്‌ (കാർണിവോറസ്‌). അകത്തളങ്ങൾക്ക്‌ ഭംഗികൂട്ടാനുള്ള ഇൻഡോർ ഹാങ്ങിങ് പ്ലാന്റ്‌ അലങ്കാരച്ചെടികളിൽ താരം ഇരപിടിയനാണ്‌. ചൈനയിൽനിന്ന്‌ ഇറക്കുമതിചെയ്‌ത ഇനമാണ്‌ പുഷ്‌പോത്സവത്തിലെത്തിച്ചത്‌. പ്രാണികൾ, പല്ലി, ചെറിയ എലികൾ എന്നിവയെ കെണിയിൽ വീഴ്‌ത്തി ആഹാരമാക്കും. വളരാൻ വളം ഒട്ടും വേണ്ടെന്നതും വെള്ളം മതിയെന്നതും ഇവ അകത്തളങ്ങളെ പ്രിയങ്കരമാക്കുന്നു. സ്‌നേഹസംഗമം ഇന്ന്‌ വ്യത്യസ്‌തമേഖലകളിൽ കഴിവു തെളിയിച്ച ഭിന്നശേഷിക്കാരെ ശനി രാവിലെ 10ന്‌ പുഷ്‌പോത്സവ നഗരിയിൽ ആദരിക്കും. എം. വിജിൻ എം.എൽ.എ ഉദ്‌ഘാടനംചെയ്യും. പകൽ 2.30ന്‌ മുതിർന്നവർക്കുള്ള വെജിറ്റബിൾ കാർവിങ് മത്സരം. വൈകിട്ട്‌ നാലിന് പുഷ്‌പാലങ്കാര ക്ലാസ്‌. ആറിന്‌ നൃത്തസംഗീത സന്ധ്യ.


Share our post
Continue Reading

Kannur

വരച്ചുനിറഞ്ഞ് ചിത്രകാരക്കൂട്ടം

Published

on

Share our post

പഴയങ്ങാടി:കണ്ണൂർ കോട്ടയും തെയ്യവും കൈത്തറിയും പൂരക്കളിയും തുടങ്ങി കണ്ണൂരിന്റെ മുഖങ്ങളെല്ലാം ക്യാൻവാസിൽ പകർത്തി. പുഴയോരത്ത് കണ്ടൽക്കാടുകളെ നോക്കി ചിത്രകാരന്മാർ നിറം പകർന്നു. ഏഴിലം ടൂറിസവും വൺ ആർട് നേഷനുംചേർന്ന് നടത്തിയ ‘ഉപ്പട്ടി; കണ്ടൽക്കടവിലൊരു കൂട്’ ചിത്രകലാ ക്യാമ്പ് കാഴ്ചകളാൽ സമ്പന്നമായിരുന്നു. കേരളത്തിലെ വിവിധ ജില്ലകളിലെ ചിത്രകാരന്മാർ, ശിൽപ്പിയും ചിത്രകാരനുമായ കെ.കെ.ആർ വെങ്ങരയുടെ നേതൃത്വത്തിലാണ് ഒത്തുചേർന്നത്. കണ്ണൂരിന്റെ ടൂറിസം ഭൂപടത്തെ പകർത്തുക എന്നതായിരുന്നു 25 ചിത്രകാരന്മാരുടെ ദൗത്യം. ക്യാമ്പിൽ ഒരുങ്ങിയത് കലാകാരന്മാരുടെ അവിസ്മരണീയ സൃഷ്ടികളായിരുന്നു. വരച്ചചിത്രങ്ങൾ ഏഴിലം ടൂറിസത്തിന് കൈമാറിയാണ് അവർ മടങ്ങിയത്. കല്യാശേരി ബ്ലോക്ക് പഞ്ചായത്ത് പ്രസിഡന്റ് പി.പി ഷാജിർ ക്യാമ്പ് ഉദ്ഘാടനംചെയ്തു. ഏഴിലം ടൂറിസം ചെയർമാൻ അബ്ദുൾഖാദർ പനക്കാട് അധ്യക്ഷനായി. ബ്ലോക്ക് പഞ്ചായത്ത് വൈസ് പ്രസിഡന്റ് ഡി.വിമല, ഏഴിലം എം.ഡി.ഇ വേണു, ആർട്ടിസ്റ്റ് സി.പി വത്സൻ, ധനേഷ് മാമ്പ, ഏഴോം പഞ്ചായത്ത് പ്രസിഡന്റ് പി ഗോവിന്ദൻ, എം.കെ സുകുമാരൻ, എം.പി ഗോപിനാഥൻ, കെ. മനോഹരൻ എന്നിവർ സംസാരിച്ചു.


Share our post
Continue Reading

Trending

error: Content is protected !!