കണ്ണൂർ: ജില്ലാ പഞ്ചായത്തിന്റെ സ്‌മൈൽ 2024 പദ്ധതിയുടെ ഭാഗമായി പഠന സഹായികളുടെ പ്രകാശനവും ഹയർ സെക്കണ്ടറി പരീക്ഷയിൽ നൂറ് ശതമാനം വിജയം നേടിയ വിദ്യാർഥികൾക്കുള്ള അനുമോദനവും നവംബർ 18ന് ഉച്ചയ്ക്ക് രണ്ടിന് ജില്ലാ പഞ്ചായത്ത് ഓഡിറ്റോറിയത്തിൽ നടക്കും. ജില്ലാ പഞ്ചായത്ത് പ്രസിഡന്റ് അഡ്വ. കെ.കെ രത്‌നകുമാരി ഉദ്ഘാടനം ചെയ്യും. വൈസ് പ്രസിഡന്റ് അഡ്വ. ബിനോയ് കുര്യൻ അധ്യക്ഷത വഹിക്കും.

പയ്യന്നൂർ:കെ.എസ്.ആർ.ടി.സി പയ്യന്നൂർ യൂനിറ്റ് ബജറ്റ് ടൂറിസം സെല്ലിന്റെ നേതൃത്വത്തിൽ പയ്യന്നൂരിൽ നിന്നും നവംബർ 23ന് കൊല്ലൂർ-മൂകാംബിക തീർഥയാത്ര സംഘടിപ്പിക്കുന്നു. 24ന് രാത്രി തിരിച്ചെത്തുന്ന രീതിയിലാണ് യാത്ര. ഒരാൾക്ക് 1230 രൂപയാണ് യാത്രാചെലവ്. മറ്റ് ചെലവുകൾ സ്വന്തം നിലയിൽ വഹിക്കണം.
കൂടാതെ, നവംബർ 24ന് പയ്യന്നൂരിൽ നിന്നും ഏകദിന വയനാട് ടൂറും സംഘടിപ്പിക്കുന്നു. എൻ ഊര്, ബാണാസുര സാഗർ ഡാം, കർലാട് തടാകം, ഹണി മ്യൂസിയം എന്നീ സ്ഥലങ്ങളാണ് പാക്കേജിൽ ഉൾപ്പെടുത്തിയത്. ഒരാൾക്ക് 760 രൂപയാണ് യാത്രാ ചെലവ്. ഭക്ഷണവും മറ്റ് ചെലവുകളും സ്വന്തം വഹിക്കണം. ഫോൺ : 9745534123, 8075823384.

കണ്ണൂർ: അടുത്തിടെ കഞ്ചാവ് വില്പനയും നിരോധിധ പുകയില ഉൽപ്പന്നങ്ങളുടെയും വില്പന വ്യാപകമായ സാഹചര്യത്തിൽ ഇത്തരം പ്രവർത്തികൾ നടത്തുന്നവർക്കെതിരെ പോലീസും exise ഉദ്യോഗസ്ഥരും പരിശോധനയും നിയമ നടപടികളും കർശനമാക്കണമെന്നും തൂക്കം കണക്കാക്കി മാത്രം നിയമനടപടി എടുക്കുന്നത് മൂലം പലർക്കും അതിൽ നിന്നും രക്ഷപ്പെടാനുള്ള സാഹചര്യമാണ് ഉണ്ടാകുന്നത് എന്നും ആയതിനാൽ കർശനമായ നടപടി സ്വീകരിക്കാൻ അധികാരികൾ തയ്യാറാ വണമെന്നും ലഹരി വിരുദ്ധ ജനകീയ കൂട്ടായ്മ ആവശ്യപ്പെട്ടു. അതിഥി തെഴിലാളികളിൽ നിന്നും ബാംഗ്ലൂർ , മറ്റു ഇതര സംസ്ഥാനങ്ങളിൽ നിന്നുമാണ് ഇത്തരം നിരോധിച്ച ഉത്പന്നങ്ങൾ ഇവിടേക്ക് എത്തുന്നത് എന്നാണ് മനസ്സിലാക്കാൻ കഴിയുന്നത് . അതുകൊണ്ടുതന്നെ ഇതര സംസ്ഥാനങ്ങളിൽ നിന്നും കണ്ണൂരിലേക്ക് എത്തുന്ന ബസ്സുകളിലും യാത്ര ട്രെയിന്നുകളിലും പരിശോധന കർശനമാക്കണമെന്നും ലഹരി വിരുദ്ധ ജനകീയ കൂട്ടായ്മ ആവശ്യപ്പെട്ടു ഇത് സംബന്ധമായി വിളിച്ചു ചേർത്ത അടിയന്തിര മീറ്റിങ്ങിൽ കൂട്ടായ്മയുടെ ചെയർമാൻ മുബഷിറിന്റെ അധ്യക്ഷതയിൽ കെ.വി. സലീം, ഇഖ്‌ബാൽ , ഗസ്സലി, ഹാഷിം കലിമ, നസിർ താണ. എന്നിവർ സംസാരിച്ചു കൂട്ടായ്മയുടെ കൺവീനർ കെ. നിസാമുദ്ധീൻ സ്വാഗതവും ഷാഹിർ താണ നന്ദിയും പറഞ്ഞു.