കേളകം: മലയാംപടിയിൽ വെള്ളിയാഴ്ച പുലർച്ചെയുണ്ടായ മിനി ബസപകടത്തിൽ രണ്ടു പേർ മരിക്കുകയും 12 പേർക്ക് പരിക്കേല്ക്കുകയും ചെയ്തു. കായംകുളം ദേവ കമ്യൂണിക്കേഷൻസിൻ്റെ നാടകസംഘം സഞ്ചരിച്ച മിനി ബസ് അപകടത്തിൽ കായംകുളം മുതുകുളം സ്വദേശി അഞ്ജലി ഉല്ലാസ് (32), കരുനാഗപ്പള്ളി തേവലക്കര സ്വദേശിനി ജെസി മോഹൻ (59) എന്നിവരാണ് മരിച്ചത്.

കൊട്ടാരക്കര സ്വദേശി വിജയകുമാർ(52), മുഹമ്മ സ്വദേശി അജി എന്ന സജിമോൻ, കൊല്ലം പാരിപ്പള്ളി സ്വദേശി ശ്യാം (38), മുതുകുളം സ്വദേശികളായ ഉണ്ണി (51), ഷിബു (48), അതിരുങ്കൽ സ്വദേശി സുഭാഷ് (59), കല്ലുവാതുക്കൽ ചെല്ലപ്പൻ (43), എറണാകുളം സ്വദേശിനി ബിന്ദു സുരേഷ്(56), ചേർത്തല മറ്റവന സ്വദേശി സാബു ചേർത്തല, കൊല്ലം പന്മന സ്വദേശികളായ അജയകുമാർ, സുരേഷ് കുമാർ , മിനി ബസ് ഡ്രൈവർ കായംകുളം സ്വദേശി ഉമേഷ്(39) എന്നിവർക്കാണ് പരിക്കേറ്റത്.

രാത്രി നാടകം കഴിഞ്ഞ് കടന്നപ്പള്ളിയിൽ നിന്ന് ബത്തേരിയിലേക്ക് പോകുന്ന ബസാണ് മലയാംപടി എസ് വളവിൽ മറിഞ്ഞത്. 14 പേരാണ് ബസിലുണ്ടായിരുന്നത്.

കേ​ള​കം: കൊ​ട്ടി​യൂ​രി​ലെ നെ​ല്ലി​യോ​ടി​യി​ലെ പ​ന്നി​ഫാ​മി​ലെ പ​ന്നി​ക​ളി​ൽ ആ​ഫ്രി​ക്ക​ൻ പ​ന്നി​പ്പ​നി ബാ​ധി​ച്ച​താ​യി സ്ഥി​രീ​ക​രി​ച്ചു. നെ​ല്ലി​യോ​ടി​യി​ലെ എം.​ടി. കി​ഷോ​റി​ന്റെ റോ​യ​ൽ പി​ഗ് ഫാം ​എ​ന്ന പ​ന്നി​ഫാ​മി​ലെ പ​ന്നി​ക​ളി​ൽ ആ​ഫ്രി​ക്ക​ൻ പ​ന്നി​പ്പ​നി (ആ​ഫ്രി​ക്ക​ൻ സ്വൈ​ൻ ഫീ​വ​ർ) സ്ഥി​രീ​ക​രി​ച്ച​താ​യി ജി​ല്ല മൃ​ഗ സം​ര​ക്ഷ​ണ ഓ​ഫി​സ​ർ അ​റി​യി​ച്ചു.

ഈ ​സാ​ഹ​ച​ര്യ​ത്തി​ൽ ഈ ​ഫാ​മി​ലെ​യും മേ​ഖ​ല​യി​ലെ മ​റ്റു ര​ണ്ടു ഫാ​മു​ക​ളി​ലെ​യും ഉ​ൾ​പ്പെ​ടെ 190 പ​ന്നി​ക​ളെ​യും കൊ​ന്നൊ​ടു​ക്കാ​ൻ തീ​രു​മാ​നി​ച്ചു. തീ​റ്റ ന​ശി​പ്പി​ക്കു​ക​യും അ​ണു​ന​ശീ​ക​ര​ണം ന​ട​ത്തു​ക​യും ജ​ഡ​ങ്ങ​ൾ മാ​ന​ദ​ണ്ഡ​ങ്ങ​ൾ പ്ര​കാ​രം സം​സ്‌​ക​രി​ക്കു​ക​യും ചെ​യ്യ​ണം. കൂ​ടാ​തെ സൗ​മ്യ തോ​മ​സ്, ജോ​സ​ഫ് എ​ന്നി​വ​രു​ടെ ഫാ​മു​ക​ളി​ലെ പ​ന്നി​ക​ളെ​യും ഉ​ൻ​മൂ​ല​നം ചെ​യ്യാ​നാ​ണ് തീ​രു​മാ​നി​ച്ച​ത്.

രോ​ഗം സ്ഥി​രീ​ക​രി​ച്ച പ​ന്നി ഫാ​മി​ന് ചു​റ്റു​മു​ള്ള ഒ​രു കി​ലോ​മീ​റ്റ​ർ പ്ര​ദേ​ശം രോ​ഗ​ബാ​ധി​ത പ്ര​ദേ​ശ​മാ​യും 10 കി​ലോ​മീ​റ്റ​ർ ചു​റ്റ​ള​വ് രോ​ഗ നി​രീ​ക്ഷ​ണ മേ​ഖ​ല​യാ​യും പ്ര​ഖ്യാ​പി​ച്ചു. ഈ ​പ്ര​ദേ​ശ​ങ്ങ​ളി​ൽ പ​ന്നി​മാം​സം വി​ത​ര​ണം ചെ​യ്യു​ന്ന​തും വി​ത​ര​ണം ചെ​യ്യു​ന്ന ക​ട​ക​ളു​ടെ പ്ര​വ​ർ​ത്ത​ന​വും പ​ന്നി​ക​ളെ ജി​ല്ല​യി​ലെ മ​റ്റു പ്ര​ദേ​ശ​ങ്ങ​ളി​ലേ​ക്ക് കൊ​ണ്ടു​പോ​കു​ന്ന​തും മ​റ്റു പ്ര​ദേ​ശ​ങ്ങ​ളി​ൽ​നി​ന്ന് നി​രീ​ക്ഷ​ണ മേ​ഖ​ല​യി​ലേ​ക്ക് കൊ​ണ്ടു​വ​രു​ന്ന​തും മൂ​ന്നു മാ​സ​ത്തേ​ക്ക് നി​രോ​ധി​ച്ചു.

കൊ​ട്ടി​യൂ​ർ പ​ഞ്ചാ​യ​ത്തി​ലെ രോ​ഗം സ്ഥി​രീ​ക​രി​ച്ച പ​ന്നി ഫാ​മു​ക​ളി​ൽ​നി​ന്ന് മ​റ്റു ഫാ​മു​ക​ളി​ലേ​ക്ക് ക​ഴി​ഞ്ഞ ര​ണ്ടു മാ​സ​ങ്ങ​ൾ​ക്കു​ള്ളി​ൽ പ​ന്നി​ക​ളെ കൊ​ണ്ടു​പോ​യി​ട്ടു​ണ്ടോ എ​ന്ന് പ​രി​ശോ​ധി​ച്ച് അ​ടി​യ​ന്ത​ര റി​പ്പോ​ർ​ട്ട് ന​ൽ​കാ​ൻ ജി​ല്ല മൃ​ഗ​സം​ര​ക്ഷ​ണ ഓ​ഫി​സ​ർ​ക്ക് നി​ർ​ദേ​ശം ന​ൽ​കി.

മ​റ്റു സം​സ്ഥാ​ന​ങ്ങ​ളി​ൽ നി​ന്നും ജി​ല്ല​ക​ളി​ൽ നി​ന്നും പ​ന്നി മാം​സ​വും പ​ന്നി​ക​ളെ​യും അ​ന​ധി​കൃ​ത​മാ​യി ജി​ല്ല​യി​ലേ​ക്ക് ക​ട​ത്താ​ൻ സാ​ധ്യ​ത​യു​ള്ള​തി​നാ​ൽ ചെ​ക്ക് പോ​സ്റ്റു​ക​ളി​ലും ജി​ല്ല​യി​ലേ​ക്കു​ള്ള മ​റ്റു പ്ര​വേ​ശ​ന മാ​ർ​ഗ​ങ്ങ​ളി​ലും പൊ​ലീ​സു​മാ​യും ആ​ർ.​ടി.​ഒ​യു​മാ​യും ചേ​ർ​ന്ന് മൃ​ഗ​സം​ര​ക്ഷ​ണ വ​കു​പ്പ് ക​ർ​ശ​ന പ​രി​ശോ​ധ​ന ന​ട​ത്തും. ന​ട​പ​ടി ക്ര​മ​ങ്ങ​ൾ തീ​രു​മാ​നി​ക്കാ​ൻ കൊ​ട്ടി​യൂ​ർ പ​ഞ്ചാ​യ​ത്ത് ഓ​ഫി​സി​ൽ യോ​ഗം ചേ​ർ​ന്നു. പ​ഞ്ചാ​യ​ത്ത് പ്ര​സി​ഡ​ന്‍റ് റോ​യ് ന​മ്പു​ടാ​കം അ​ധ്യ​ക്ഷ​ത വ​ഹി​ച്ചു.

ജി​ല്ല മൃ​ഗ സം​ര​ക്ഷ​ണ ഓ​ഫി​സ​ർ ഡോ. ​വി. പ്ര​ശാ​ന്ത്, ചീ​ഫ് വെ​റ്റ​റി​ന​റി സ​ർ​ജ​ൻ പി. ​ബി​ജു, എ.​ഡി.​സി.​പി ജി​ല്ല കോ​ഓ​ഡി​നേ​റ്റ​ർ കെ.​എ​സ്. ജ​യ​ശ്രീ, സീ​നി​യ​ർ വെ​റ്റ​റി​ന​റി സ​ർ​ജ​ൻ ഡോ. ​പി.​എ​ൻ. ഷി​ബു, വെ​റ്റ​റി​ന​റി സ​ർ​ജ​ൻ ഡോ. ​അ​ഞ്ജു മേ​രി ജോ​ൺ, ലൈ​വ് സ്റ്റോ​ക്ക് ഇ​ൻ​സ്പെ​ക്ട​ർ ഇ.​എം. നാ​രാ​യ​ണ​ൻ കേ​ള​കം എ​സ്.​ഐ. എം. ​ര​മേ​ശ​ൻ, കൊ​ട്ടി​യൂ​ർ വി​ല്ലേ​ജ് ഓ​ഫി​സ​ർ പി.​എം. ഷാ​ജി, ഫ​യ​ർ ഓ​ഫി​സ​ർ മി​ഥു​ൻ മോ​ഹ​ൻ, പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ഫി​ലോ​മി​ന ജോ​ർ​ജ്, പ​ഞ്ചാ​യ​ത്തം​ഗ​ങ്ങ​ളാ​യ ബാ​ബു മാ​ങ്കോ​ട്ടി​ൽ, ജോ​ണി ആ​മ​ക്കാ​ട്ട്, ബാ​ബു കാ​രു​വേ​ലി​ൽ, ജെ​സി ഉ​റു​മ്പി​ൽ മ​റ്റും ഉ​ദ്യോ​ഗ​സ്ഥ​രും പ​ങ്കെ​ടു​ത്തു.

കേളകം:കരിയംകാപ്പ് മുതൽ രാമച്ചി വരെ രണ്ട് കിലോമീറ്റർ ദൂരം വനാതിർത്തിയിൽ വൈദ്യുതി തൂക്കുവേലി ഒരുങ്ങുന്നു. പഞ്ചായത്തിന്റെ വിഹിതമടക്കം നബാർഡിന്റെ സഹായത്തോടെ 16 ലക്ഷം രൂപ ചെലവിലാണ് തൂക്കുവേലി നിർമിക്കുന്നത്‌. രാമച്ചിയിൽ പഞ്ചായത്ത്‌ പ്രസിഡന്റ് സി ടി അനീഷ് അധ്യക്ഷതയിൽ സ്ഥല ഉടമകളുടെ യോഗം ചേർന്നു. കൊട്ടിയൂർ റെയ്ഞ്ച് ഓഫീസർ പി പ്രസാദ് പദ്ധതി വിശദീകരിച്ചു. മണത്തണ സെക്ഷൻ ഫോറസ്റ്റ് ഓഫിസർ ടി പ്രമോദ്കുമാർ, പഞ്ചായത്ത്‌ സ്ഥിരംസമിതി അധ്യക്ഷരായ സജീവൻ പാലുമ്മി, തോമസ്‌ പുളിക്കക്കണ്ടതിൽ, പാലുകാച്ചി വനസംരക്ഷണസമിതി പ്രസിഡന്റ് ജോർജ് കുപ്പക്കാട്ട് എന്നിവർ സംസാരിച്ചു. ചൊവ്വാഴ്ച മുതൽ സ്ഥലപരിശോധന നടത്തി ഉടൻ പദ്ധതി പൂർത്തിയാക്കാൻ തീരുമാനമായി. രാമച്ചി, ശാന്തിഗിരി ഉൾപ്പെടുന്ന ബാക്കിയുള്ള ഭാഗം ഈ വർഷംതന്നെ പൂർത്തിയാക്കുമെന്ന്‌ സി ടി അനീഷ് പറഞ്ഞു.