ക​ണ്ണൂ​ർ: എ​.ഡി​.എം ന​വീ​ൻ ബാ​ബു​വി​ന്‍റെ മ​ര​ണ​ത്തി​നു പി​ന്നാ​ലെ ക​ണ്ണൂ​ർ ജി​ല്ലാ ക​ള​ക്ട​ർ അ​രു​ൺ കെ. ​വി​ജ​യ​ൻ സ്ഥ​ല​മാ​റ്റ​ത്തി​നാ​യി ഉ​ന്ന​ത ഉ​ദ്യോ​ഗ​സ്ഥ​രെ സ​മീ​പി​ച്ചു. എ​ന്നാ​ൽ ത​ൽ​കാ​ലം ക​ണ്ണൂ​രി​ൽ ത​ന്നെ തു​ട​ര​ണ​മെ​ന്ന് ആ​വ​ശ്യ​പ്പെ​ട്ട് അ​പേ​ക്ഷ മ​ട​ക്കു​ക​യാ​യി​രു​ന്നു.എ​ഡി​എ​മ്മി​ന്‍റെ മ​ര​ണ​ത്തി​ൽ ക​ണ്ണൂ​ർ ക​ള​ക്ട​റേ​റ്റി​ലെ ജീ​വ​ന​ക്കാ​രു​ടെ പ്ര​തി​ഷേ​ധം മു​ൻ​കൂ​ട്ടി ക​ണ്ടാ​യി​രു​ന്നു ക​ള​ക്ട​ർ സ്ഥ​ല​മാ​റ്റ​ത്തി​നു ശ്ര​മം ന​ട​ത്തി​യ​ത്.എ​ഡി​എ​മ്മി​ന്‍റെ മൃ​ത​ദേ​ഹ​ത്തോ​ടൊ​പ്പം പ​ത്ത​നം​തി​ട്ട​യി​ലെ​ത്തി​യ ക​ള​ക്ട​ർ ക​ണ്ണൂ​രി​ൽ തി​രി​ച്ചെ​ത്തി​യെ​ങ്കി​ലും ഓ​ഫീ​സി​ലേ​ക്ക് വ​ന്നി​രു​ന്നി​ല്ല. ക​ള​ക്ട​ർ ഓ​ഫീ​സി​ലെ​ത്തി​യാ​ൽ ബ​ഹി​ഷ്‍​ക​രി​ക്കാ​നാ​യി​രു​ന്നു സി​വി​ൽ സ്റ്റേ​ഷ​നി​ലെ ജീ​വ​ന​ക്കാ​ർ തീ​രു​മാ​നി​ച്ചി​രു​ന്ന​ത്.പ്ര​തി​ഷേ​ധം ഉ​ണ്ടാ​കാ​നു​ള്ള സാ​ഹ​ച​ര്യം ക​ണ​ക്കി​ലെ​ടു​ത്ത് ക​ണ്ണൂ​രി​ൽ ക​ന​ത്ത സു​ര​ക്ഷ​യൊ​രു​ക്കി​യി​ട്ടു​ണ്ട്.

കൊച്ചി: ആലുവയിൽ ജിം ട്രെയിനറെ കൊലപ്പെടുത്തിയ സംഭവത്തിൽ മണിക്കൂറുകള്‍ക്കുള്ളിൽ പ്രതി പിടിയിൽ. ആലുവ ചുണങ്ങുംവേലിൽ ഫിറ്റ്നെസ് സെന്‍റര്‍ നടത്തുന്ന കൃഷ്ണ പ്രതാപാണ് എടത്തല പൊലീസിന്‍റെ പിടിയിലായത്. ജിമ്മിലെ ട്രെയിനറായ കണ്ണൂര്‍ സ്വദേശി സാബിത്ത് ആണ് കൊല്ലപ്പെട്ടത്. സംഭവത്തിനുശേഷം ബന്ധുവീട്ടിൽ ഒളിവിൽ കഴിയുകയായിരുന്ന കൃഷ്ണ പ്രതാപിനെ പൊലീസ് പിടികൂടുകയായിരുന്നു.ജിം നടത്തിപ്പുക്കാരനായ കൃഷ്ണ പ്രതാപിന്‍റെ കൂടെയാണ് സാബിത്ത് ജോലി ചെയ്തിരുന്നത്. സാമ്പത്തിക ഇടപാടുകളെ ചൊല്ലി ഇരുവരും തമ്മിൽ തര്‍ക്കമുണ്ടായിരുന്നുവെന്നും ഇതാണ് കൊലപാതകത്തിൽ കലാശിച്ചതെന്നും പൊലീസ് അറിയിച്ചു. ചുണങ്ങം വേലിയിലെ വാടക വീടിന് മുന്നിലാണ് യുവാവിനെ പുലര്‍ച്ചെ മരിച്ച നിലയിൽ കണ്ടെത്തിയത്.തുടര്‍ന്ന് പൊലീസ് നടത്തിയ അന്വേഷണത്തിലാണ് കൊലപാതകമാണെന്ന് വ്യക്തമായത്. സംഭവം നടന്ന മണിക്കൂറുകള്‍ക്കുള്ളിലാണ് പ്രതിയെ പൊലീസ് പിടികൂടിയത്.

കണ്ണൂർ : പി.പി. ദിവ്യ കണ്ണൂർ ജില്ലാ പഞ്ചായത്ത് പ്രസിഡന്റ് സ്ഥാനത്തുനിന്ന് പുറത്ത്. ദിവ്യയെ മാറ്റാൻ സി.പി.എം. തീരുമാനിച്ചതിനു പിന്നാലെ രാജിക്കത്ത് സാമൂഹിക മാധ്യമത്തിൽ ദിവ്യ പോസ്റ്റ് ചെയ്തു. പകരം കെ.കെ. രത്നകുമാരിയെ നിയോഗിക്കുമെന്ന് സി.പി.എം. കണ്ണൂർ ജില്ലാ സെക്രട്ടേറിയറ്റ് പത്രക്കുറിപ്പിൽ അറിയിച്ചു. ജില്ലാ കമ്മിറ്റി അംഗമായ ദിവ്യയെ തരംതാഴ്ത്തിയേക്കും.എ.ഡി.എം. നവീൻ ബാബുവിന്റെ ആത്മഹത്യയുമായി ബന്ധപ്പെട്ടാണ് നടപടി.

വൈകീട്ട് ജില്ലാ സെക്രട്ടേറിയറ്റ് യോഗത്തിലാണ് ദിവ്യയെ നീക്കാൻ തീരുമാനമായത്. അഴിമതിക്കെതിരായ സദുദ്ദേശ്യ വിമർശനമാണ് ജില്ലാപഞ്ചായത്ത് പ്രസിഡന്റ് നടത്തിയതെങ്കിലും യാത്രയയപ്പ് യോഗത്തിലെ ചില പരാമർശങ്ങൾ ഒഴി വാക്കേണ്ടതായിരുന്നു എന്ന നിലപാട് പാർട്ടി പത്രക്കുറിപ്പിൽ ആവർത്തിച്ചിട്ടുണ്ട്. കേസെടുത്ത് അന്വേഷണം നടക്കുന്നതിനാൽ ദിവ്യ ഒഴിവാകണമെന്ന് ജില്ലാ സെക്രട്ടേറിയറ്റ് വിലയിരുത്തിയെന്നും അത് ദിവ്യ അംഗീകരിച്ചുവെന്നും പത്രക്കുറിപ്പിൽ അറിയിച്ചു. ജില്ലാ സെക്രട്ടേറിയറ്റിലുണ്ടായ ധാരണ സംസ്ഥാന സെക്രട്ടറി എം.വി. ഗോവിന്ദനെ അറിയിച്ചിരുന്നു. സംസ്ഥാന സെക്രട്ടേറിയറ്റ് യോഗംവരെ കാത്തിരുന്ന് നടപടി വൈകിപ്പിക്കേണ്ടതില്ലെന്നായിരുന്നു സംസ്ഥാന നേതാക്കളിലുമുണ്ടായ

ആലോചന.