എയർ ഇന്ത്യാ എക്സ്പ്രസ് വിമാനത്തിൻ്റെ ക്യാബിനുള്ളിൽ പുക ;യാത്രക്കാരെ പുറത്തിറക്കി
തിരുവനന്തപുരം: തിരുവനന്തപുരത്ത് നിന്ന് മസ്ക്കറ്റിലേക്ക് രാവിലെ 10.30 ന് പുറപ്പെടാനൊരുങ്ങിയ എയർ ഇന്ത്യാ എക്പ്രസ് വിമാനത്തിൻ്റെ ക്യാബിനുള്ളിൽ പുക കണ്ടു. ഇതേ തുടർന്ന് യാത്രക്കാരെ എമർജൻസി വാതിലിലൂടെ പുറത്തിറക്കി. രാവിലെ 10.30 ഓടെയാണ് സംഭവം.വിമാനം രാവിലെ 8.30 ന് പുറപ്പെടേണ്ടതായിരുന്നു, എന്നാൽ സാങ്കേതിക കാരണങ്ങളാൽ വൈകി. തുടർന്ന് 10.30 ന് വിമാനം പുറപ്പെടാൻ തയാറായപ്പോഴാണ് യാത്രക്കാരുടെ ക്യാബിനിൽ പുക കണ്ടത്. പരിഭ്രാന്തരായി ബഹളം വെച്ചതോടെ ജീവനക്കാർ പൈലറ്റിനെ വിവരമറിയിച്ചു. എയർഇന്ത്യാ എക്സ് പ്രസിൻ്റെയും വിമാനത്താവള ജീവനക്കാരും വിമാനത്തിൻ്റെ മധ്യഭാഗത്തുള്ള എമർജൻസി വാതിലിലുടെ യാത്രക്കാരെ പെട്ടെന്ന് പുറത്തിറക്കി . തുടർന്ന് വിമാന കമ്പനിയുടെ സാങ്കേതിക വിദഗ്ധരെത്തി വിമാനം പരിശോധിച്ച് വരുന്നു. 142 യാത്രക്കാരെയും വിമാനതാവളത്തിലെ സുരക്ഷാ വിഭാഗത്തിൽ എത്തിച്ചിട്ടുണ്ട്.
